Forum Pakistan
New User? Register | Search | Memberlist | Log in
Forum Pakistan - Pakistani Forums
Pakistani forum to discuss Pakistani Media, Siasat, Politics Talk Shows, Khaber Akhbar, Khel, Cricket, Film, Dramas, Songs, Videos, Shairy, Shayari, Pyar Mohabbat ki Kahani, Tourism, Hotels, Fashion, Property, Naukary Gupshup and more.
Watch TV OnlineLive RadioListen QuranAkhbarFree SMS PakistanResults OnlineUrdu EditorLollywoodLive Cricket Score
Government DepartmentsKSE Live RatesUseful LinksJobsOnline GamesCheck EmailPromote us
GEO News LiveGEO NewsDawn News Live TVExpress News

silent love.....please read its an appeal to all of you


Bookmark and Share
 
Reply to topic    Forum Pakistan - Pakistani Forums Home » Desi Stories
silent love.....please read its an appeal to all of you
Author Message
simplicity
Pak Newbie


Joined: 28 Mar 2012
Posts: 1

silent love.....please read its an appeal to all of you
salaam to all who are members of this forum....
is forum ki madad se aap sub ki sangat main shaamil hone ka aaj mera aik khaas maqsad hai....jo mere dil main hai shayad saheh wakt aane tak kisi apne se na keh paon.lehaaza parhne waalo se guzarish hai ke please meri in baaton ko koe kahaani samajh kar degrade mat kijye ga...kyunki likhne ka merea maqsad bus sirf aik iltija hai .jub is forum ke baare main aaj jaana to apne dil ki baat aap sub ki surat main kisi se share karne ki aik umeed nazar ayi mujhe...warna shayad aik ghutan si rehti mere ander pata nahi kub tak.......
bohat se log pyar muhabbat deewangi ki baaten karte hain par dar hakeekat main aaj tak nahi samaj paya ke yeah sub kuch kia hai aur inhen kis tarah define kia jaasakta hai.....main jo ke aik university student hun aur apne academic session ke final year main hun.....apne department ki aik ladki ko bahat chahta hun....yeah pasand aaj se nahi pichle takreeban derh saal se hai....meri us ladki se koe friendship nahi...naahi woh meri classfellow hai...jub mere dil main us ladki ke liye pehli baar feelings paida hue then tab main in ki haqeeqat se naawakif tha na samajh tha...wakt ke saath saath mujhe laga ke shayad aik wakti aur jazbaat soch hai...jo naajaane mere jaise kitne logo ke dil main raunuma hokar khatam bh hojati hai.aisi feelings jin ki koe haqeeqat nahin...jo shayad aik dhoka hain wakti behlaawa hain....aahista aahista wakt guzarne ke sath jub us ka khayal mere dil main pukhta hota chala gaya...to main ne apne aap ko yeah tak samjhaana shuru kardia ke kuch bhi aisa nahi koe feelings nahi aur agai in case aisa kuch aisa hai bhi to jitni teeze se in feelings ka bukhaar chadha hai yakeenan us se ziada teezi se utar bh jae ga...main apne zehan ko jhatak deta apne dil ko qaabu main rakhta....meri kooshish hoti ke mera us ladki se saaamna kum se kum ho....taake jitni jald se jald ho sake woh mere zehan se utar jaye....magar har baar meri har soch aur koshish naakaam hojati...mujhe aik dar sa lagne laga ke kahin mere studies us ke achanak ksi bh wakt aajaane waale khayallat se disturb na hon...main apne aap ko masruuf se masruuf rakhne laga...taake na zehan farigh ho ga aur na mera zehan aur dil us ko sooche ga...par mera laashaoor kisi na kisi tarah us main uljha rehta.dikhne main woh koe bohat khoobsurat ladki nahi...bus mujhe sub se pehle us ki saadgi ne attract kia tha.......aur us ke baad se aaj tak us ka khayal mere zehan main mazboot se mazboot tar hota chalagaya....bohat zabt rakhne ki koshish karta hun par haar maan jata hun nahi rakh paata us ki soch se apne aap ko duur....
Is dedh saal ke arse main mujhe kia hua hai main khud bh nahi jaanta....yeah pyaar hai ishq hai deewangi hai jo bh hai main nahi jaanta kia hai, par jo bh hai aik bohat khoobsurat ehsaas hai.....jub kabhi bhuule bhatke yeah soch zehan main aati hai ke agar woh na ho to kia hoga mera itna soochna mere andar becheni bhar deta hai.....laashaoori taur par hi sahi aik takleef deh eshaas mere ander ronuma hone lagta hai.....main use sochna nahi chahta...par use sochna acha lagta hai...wohl ladki to yeah jaanti bhi nahi ke woh kisi ke lie kia maaene rakhne ligi hai aur kisi ke dil main kia muqaam rakhti hai....kehna ghalat nahi hoga ke shayad mujhe ab us ki aadat si par gae hai...mere dosto ! us ka khayal apne dil se nikaalne ki har koshish nakaam ho gaie hai....

interesting baat to yeah hai ke main us ka naam tak nahi jaanta....woh kaun hai kahan rehti hai kuch nahi jaanta.....na meri himmat bunti hai kuch aisa karne ki jis ki wajah se us ke character par koe daagh aye kisi bh tarah se....mere dosto main aaj tak samajh nahi paya ke dept main bohat saari khoobsorat ladkio ke hoone ke bawajood aik aam se shakal soorat ki ladki main aisa kia tha jis ne mere dil main maujood us ki taraf se paaye jaane waali feelings ko itna mazboot tar banadia hai ke ab main apna ikhtiyar khone laga hun...kisi din agar us ka saamna na ho to bechaini si haayil rehti hai....adhoore pan ka ehsaas hojata hai ke sub kuch hote hue bh kuch aisa hai jo nahi hai.....

apne parents ki iklooti aulaad hone ke naate mujhe is baat ka bilkul dar nahi ke unhen meri pasand par koe aitraaz hoga.zindagi main ab tak har faisle ka ikhtiar unhen ne mujhe hi dia hai.problem actually yeah hai ke main chah kar bh apne parents ya apne kisi relative se is baat ko share nahi karsakta.....warna sunne waale na sirf hansen ge balke yeah tak keh daalen ge abhi kisi qaabil nahi aur chale ladki ke chakkar main parne....par main unhen apni feelings ki paakezgi aur shiddat ka yakeen kaise dilaon..kaise kahun ke jub tak main is department main hun meri us tak rasaee mujhe mumkin lagti hai,us ke baad........!!!. apne taur par kaafi koshishen keen us ke baare main jaanne ki par rules and regulations ki wajah se us se related kuch pata nahi lagasaka....main kia karun !....kuch samajh nahi aata mujhe....!! meri tamanna hai ke bus woh mujhe mil jae......us ke baghair main koe marne, ya zinda na rehne ke daawe to nahi karna chahun ga par yeah bh hakeekat hai ke jo bechaani mere dil main wakt ke sath sath badh rahi hai...woh mujhe agar na milsaki to kahin yeah ehsaas mujhe koe nuqsaan na pohonchadee..............

meri aap sub se guzarish hai jub kabhi bh duaon ke lie apne haath uthaen to mere liye dua zarur karen please, please....duaoon main bohat taqat hoti hai taqdeer ke likhe hue ko bh badal deti hai.qk meri haalt sirf main aur mera khuda hi behtar jaanta hai meri aap sub se iltija hai ke mere lie dua karen ke mera khuda mujhe jald se jald apne pairon pe khada karde aur woh wasaail paida karde ke main us ko haasil karke future main apna shareeke hayat bana sakun....khuda kare ke jub tak woh kahin engage na ho kisi aur ki us tak rasaae mumkin na ho sake....shayad mera aisa sochna khudgarzi ho ! magar yeah yakeen bh hai ke mere elaawa us ladki ko itni shiddat se chahne waala kabhi koe na mil sake ga....
ap sub ki duaon ka talabgarr...... is umeed ke saath ke kia pata mere lie dua karne waalon main se kisi insaan ki dua ko khuda sharfe qubooliat bakhsh de....(aameen).

Wed Mar 28, 2012 5:51 am View user's profile Send private message
Display posts from previous:    
Reply to topic    Forum Pakistan - Pakistani Forums Home » Desi Stories All times are GMT + 5 Hours
Page 1 of 1

 
Gupshup Forum: Urdu ForumIslam ForumPakistan Army ForumAap Ka SheharNaukaryPakistani Visa
Desi Sports and News: Live CricketSports ForumAkhbar OnlinePakistan EventsWorld News Discussion
Entertainment Media: PTV ForumGEO ForumLollywood ForumBollywood OnlineHollywood ForumDesi Radio
Desi Masala Forums: Gupshup Chit ChatComputer GamesMusic ForumDrama ForumsGhazal ForumDesi FashionDesi Food
Official Forums (Government Department): Dak Khana ChatPolice ForumWapda OnlinePTCL ForumUfone ForumRailway ForumSehat Chit ChatTaleem OnlineTax Forum PKZameen ForumAdalat Forum


Pure Pakistani forum to express your views, thoughts with complete freedom. Archives 1 2
Copyright © ForumPakistan.com 2013 All rights reserved.

Contact Us | Advertise | Report Abuse | FP Team | Disclaimer