Real Story "KON?"

KON?
Ye Aik Aise Insan Ki Kahani Hai Jo Daikhne Walonko Bahir Se To Boht Khush Lagta Tha
Par Jaisa Kay Koi Is Dunya Main Insan Kay Andar Chupi Baat Ko Nai Parhta, Iski Bhi
Baat Ko Koi Na Parh Saka. Wo Andar Hi Andar Toot Ta Gaya Or Uska Zindagi Ka Maksad
Ye Janana Rehgaya K Kon Hai Wo Jiske Liye Wo Is Dunya Main Aya Hai, Kon Hai Wo Jo
Iske Sath Mukhlis Hai?
Lahore Sheher Main Aik Ghar Main Aik Larka Paida Hua, Sub Ka Ladla Sub Ka Pyara
Subki Muhabat Main Basne Laga. Us Larke Kay Parents, Do Behnain, Nanni, Char
Mamoo Or Teen Khalain Thi Or Uske Ye Rishtedar Usay Boht Payar Krne Lagay, Wo
Larka In Subki Muhabat Ko Inka Ahsan Samjta Tha Or Un Subki Itni Izat Kerta Tha K
Kahin Aisa Na Ho K Wo Isay Payar Kerna Chordain. Iska Khial Rakhna Chordain. Kisi Ki
Bhi Choti Ya Bhari Baat Ko Sehna, Is Lalach Ne Uski Adat Banadi K Is Muhabbat Se Door
Na Hojay, Kiunke Jisko Bachpan Se Payar Milay Agar Aik Dam Us Se Payar Chean Lia Jay
To Us Say Jya Nai Jata. Uskay Sath Aisa Honay Wala Hai Usne Kbhi Socha Na Tha. Uske
Do Or Cousin Thay Uski Umer Kay Jinhay Saray Boht Ignore Karte Thay Us Lerkay Ki
Wajah Se Par Ismain Us Larke Ka Kia Kasoor Tha Jo Aik Bacha Tha, Usay Kia Pata Tha K
Sub Aise Kiun Kertay Hain? Laikin Uske Cousins Ko Us Larkay Se Bayhud Nafrat Thi Or
Honi Bhi Chahye Thi Or Shaid Ye Nafrat Us Larke Ki Qismat Main Likhi Hoi Thi Jise Wo
Na Badal Skta Tha. Uske Rishtedaroon Nay Us Payar Ki Soorat Main Sub Chean Lia, Jo
Log Us Larke Ko Boht Kuch Samjte Thay Wo Uski Qadar Kam Kernay Lagay Kiunke Uske
Un Do Couzins Ne Uski Dosti Ka Sila Bhi Dedia K Sub Rishteydaroon Ko Uskay Khilaf
Kerne Main Kamiab Hogay Or Usay Ignorance Milni Shuru Hogai Har Aik Baat Sunke
Chup Kerne Ki Uski Adat Hogai Par Wo Un Baton Ko Apne Dil Se Nikal Na Saka. Itna
Payar Milne K Baad Ye Sub Milay Ga Usay, Usne Kbhi Socha Na Tha. Undono K Hasad
Ne Us Larke Ki Zindagi Badal Di Or Jo Us Larkay Ko Itna Payar Kerte Thy, Itna Khial
Rakhte Thay Unho Ne Uski Parwah Kerni Bhi Chordi, Usay Ignorance Milne Lag Gai Usi
Tarhan Jaise Pehle Uske Un Do Cousins Ko Milti Thi.
Aisa Insan Jisko Itna Payar Milta Tha, Uski Taqdeer Badal Gai Or Usay Zindagi Badsoorat
Lagne Lag Gai. Rishtedaron Se Ignorance Milne K Baad Wo Apni Family Ki Traf
Matwajah Hua Par Sary Rishtedaroon Ka Payar Jitna Milta Tha Uska Mukabala Kbhi Aik
Family Se Nahi Hosakta Tha Islye Us Larkay Ko Apni Family Walonka Payar Bhi Kum
Lagta Tha, Waqat Ne Usay Aik Choti Si Choti Baton Ko Dil Main Lene Ki Adat Banadi Thi
Islye Wo Apne Ghar Walonki Choti Si Choti Baat Ko Dil Main Lene Laga Or Aise Mehsoos
Karne Laga Tha Jaise Usay Udher Se Bhi Sirf Ignorance Milne Lagi Hai. Shaid Bus Uski
Kismat Main Yahi Bus Bacha Tha, Usne Har Aik Se Baat Kerni Chordi Or Akela Akela
Rehna Shuru Kerdia, Apni Zindagi Ko Wo Apne Lye Aik Saza Samajhne Laga. Is Nafrat
Bhari Dunya Main Usay Har Waqat Bus Yehi Talash Hoti Thi K Koi To Hoga Jo Usay
Chahay Ga, Koi To Hoga Jo Aker Uska Hath Tham Ker Kahay Ga K Main Tmre Sath Hun.
Par Shaid Aisa Mumkin Nahi Tha, Shaid Koi Tha He Nahi Jo Akar Usay Kehta K Tumre
Har Gham Meray Hain Or Meri Har Khushi Tmhari Hai. Bus Uske Lye Ye Dunya Aik
Majboori He Reh Gai Thi Jo Wo Akela Guzar Raha Tha.
Kal Talak Jo Sach Tha
Wo Bangaya Fasana
Tinka Tinka Bikhra
Luta Wo Ashiana
Pal Main Bangay
Saray Apne Beganay
Yad Boht Atay
Hain Guzaray Zamanay
Bus Tabahi Hai
Gham K Saaey Hain
Sooni Ankhon Main
Sirf Pani Hai
Or Kia Zindagani Hai
Or Kia Zindagani Hai
Wo Sochta Tha K Koi To Hoga Jo Usay Behad Chahta Ho, Ya Sahi Dost Ho, Islye Uski Ye
Talash Kbhi Khatam Nahi Hoti Thi Or Har Insaan Se Umeed Laga Baithta Tha Par Uski
Umeed Hamaisha Toot Jati Thi. 9th Class Main Jinnah Foundation School Main
Admission Lelia, Board K Papers Ki Tayari Kay Lye Uske Waldain Ne Usay Academy
Lagadi Or Wahan Wo Sham Ko Janay Laga. Academy Main Uski Aik Larki Se Baat Cheet
Shuru Hogai, Or Wo Dono Teen Teen Gehntay Batain Krte Rehte Thay, Larka Ghar Akar
Us Larki Kay Baray Main Hi Sochta Rehta Tha, Din Raat Bus Us Larkay Kay Zehen Main
Bus Wohi Larki Hoti Thi Kiunke Usay Lagta Tha K Wo Larki Uska Boht Khayal Rakhti Hai.
Aik Din Uska Accident Hogaya Or Wo Aik Hafta Academy Na Jasaka Or Pura Hafta Wo
Us Larki Ko Hi Yaad Karta Raha, Wo Itna Uski Yaad Main Gum Rehta Tha Kay Usay Kisi
Cheaz Ki Hosh Na Hoti Thi Academy Na Ja Sakne Ki Wajah Se Wo Usay Boht Miss Kerta
Tha Or Akelay Baithay Baithay Wo Aik Din Apne Bazu Pe Chaku Se Uska Naam Likhne
Laga Abhi Pehla Letter Hi Likh Raha Tha To Usne Socha Kay Ye Kya Ker Raha Hai Kisi
Ne Dekhlia To Kya Hoga, Ye Soch Kar Usne Apna Naam Likh Lia. Par Wo Kbhi Na
Samajh Saka Kay Usko Kia Hua Hai Or Usnay Kbhi Samajhne Ki Koshish Bhi Na Ki K Wo
Kia Kar Raha Hai, 9th Class Khatam Hogai Or Na Parhne Ki Wajah Se Uska Result Acha
Nai Aya To Uskay Waldain Nay Uska School Or Academy Badal Di. 10th Class Divisional
Public School Se Kerne Laga Wo Masroof Hogaya Or Kuch Maheenay Baad Usay Wo
Larki Dobara Yaad Anay Lagi. Usay Samajh Nahi Ati Thi K Wo Itni Yaad Kiun Ati Hai Phir
Usay Aik Din Pata Chala K Usay Us Larki Se Payar Hogaya Hai, Par Wo Nahi Janta Tha K
Ab Boht Dair Hogai Hai, Na Wo Larki Kuch Janti Thi Is Baray Main Kuch Or Na Ab Milne
K Mumkinat Hain Us Larki K Sath, Bus Wo Larka Yeh Man Gaya Tha K Usay Payar He
Hogaya Hai Or Is Baat Ka Usay Pooray Aik Saal Baad Pata Chala. Uske Baad Usko Us
Larki K Siwa Kuch Na Soojta Tha Or Uski Zindagi Pehle Se Thori Badal Gai Kiunke Wo
Samjha K Shaid Yehi Uski Taqdeer Hai, Usay Kisi Ki Parwah Na Rehne Lagi K Koi Usay
Chahta Hai Ya Nahi, Bus Usi Larki Ka Sochta Tha. Jub Zayada Arsa Hogaya To Wo Us Se
Bhi Na Umeed Hogaya K Shaid Wo Larki Bhi Usay Kbhi Nahi Milsakay Gi, Bus Usne
Socha K Aik Din Zaroor Wo Apni Maa Ko Bataday Ga. Phir Uski Zindagi Jo Thori
Khoobsurat Hoi Thi, Usi Tarhan Guzarne Lagi.
Jo Wo Nafrat Or Ignorance Seh Chuka Tha Us Sub K Bawajood Bhi Wo Subko Or Khas
Tor Pe Wo Larka Apne Un Dono Cousins Ko Zayada Muhabbat Denay Laga K Shaid Unka
Iske Sath Salook Badal Jay, Uski Is Muhabbat Ne Unhay Poora Na Sahi Par Thora Badal
He Dia K Unhe Is Larkay Ki Kadar Hone Lagi. Fsc K Do Saal Bhi Uske Aisay He Guzar
Gay, Kbhi Wo Larki Yaad Ati Or Kbhi Sochta K Shaid Usay Bhool Jana Chahye. Phir Uska
Admission Comsats Main Hogaya Or Wahan Se Wo Engineering Kerne Laga, Uske Wo
Dono Cousins Bhi Usi University Main Parhtay Thay, Yani Wo Iske Senior Thay.
Uski Zindagi Guzarti Gai Or Aik Din Jub Wo 4th Semester Main Tha To Usne Faisla Karlia
K Wo Apni Ammi Ko Us Larki Ka Bataday Ga K Wo Larki Isay Pasand Hai. Usne Ammi Ko
Batanay Se Pehle Apni Bhari Behen Ko Batadia Takay Reaction Dekhay. Phir Usne Socha
K Usay Koi Acha Time Mile To Wo Ammi Ko Bhi Batadayga Par Uski Behen Se Ammi Ko
Pata Chal Gaya Or Ulta Us Larke Ko Safai Deni Parh Gai. Wo Ammi Ko Preshan Nahi
Dekh Sakta Tha Islye Usne Faisla Kia K Uski Shadi Ammi Ki Pasand Ki Larki Se Hi Hogi
Or Wo Us Larki Ko Bhoolne Ki Boht Koshish Karayga Jo Kaam Shaid Uske Lye Boht
Mushkil Tha.
Waqat Ne Uske Zehen Main Aik Sawal Zinda Rakha K Kon Hai Wo Jiske Lye …………
Boht Koshish Kerne K Baad Bhi Wo Us Larki Ko Nahi Bhool Saka, Usko Bus Ab Kisi Ka
Sath Chahye Tha Jo Sath Usay Us Larki Ko Bhulanay Main Madad Ker Sakta Tha.
TO BE CONTINUE…!
(ye aik sachi kahani hai or jis insan ki hai wo iswaqat zindagi k is mor pe khara hai jahan
tuk ye kahani likhi gai or pata nahi k waqat guzarne k sath sath uske naseeb usay kahan
lejatay hain)

Whats this? I Couldn't understand it at all.