Forum Pakistan
New User? Register | Search | Memberlist | Log in
Forum Pakistan - Pakistani Forums
Pakistani forum to discuss Pakistani Media, Siasat, Politics Talk Shows, Khaber Akhbar, Khel, Cricket, Film, Dramas, Songs, Videos, Shairy, Shayari, Pyar Mohabbat ki Kahani, Tourism, Hotels, Fashion, Property, Naukary Gupshup and more.
Watch TV OnlineLive RadioListen QuranAkhbarFree SMS PakistanResults OnlineUrdu EditorLollywoodLive Cricket Score
Government DepartmentsKSE Live RatesUseful LinksJobsOnline GamesCheck EmailPromote us
GEO News LiveGEO NewsDawn News Live TVExpress News

nishanyaat-e-ghalib kay sakhtyati mafaheem(baqya)


Bookmark and Share
 
Reply to topic    Forum Pakistan - Pakistani Forums Home » Urdu Adab
nishanyaat-e-ghalib kay sakhtyati mafaheem(baqya)
Author Message
Dr Maqsood Hasni
Senior Member Pakistani
Senior Member Pakistani


Joined: 09 Jun 2007
Posts: 979
Location: punjab

nishanyaat-e-ghalib kay sakhtyati mafaheem(baqya)
SAAHIL

Ba,qadae-e-zaraf hai Saqi khomar tashnah kami ka bhe
Jo to darya’ay meh hai to main khumyaza hoon saahil ka

Saahil darya kay kinary kay lea estamal main aata hai. Yaeni wo unsar jo darya kay andar or baher say motaalaq ho. Yah darya ka bhaydi bhe hai or baher kay halaat say aagahi rahta hai. Es ka dusra lehloo yah hai kah jahaan daya ki wasat/chorari khatam hoti hai essa saahil ka naam daytay hain. Es ka tesra pehloo yah hai kah jitna lamba darya ho ga saahil bhe otna hi lamba ho ga. Saahil darya ka aahatah kiay hita hai. Darj-e-bala unsar ka kholasa kch yah banta hai:

1- Andar or baher ka adrak rakhnay wala
2- Jahaan hadood khatam hoti ho wahaan say kisi or ki haad ka aaghaz
3- Kisi ki wosaatoon ki ghamazi karnay wala

En anasar ka kisi bhe takhleeq per etlaq kiya ja’ay to yah neshan os per fit aa ja’ay ga. Rad-e-sakht say eak or pehloo bhe samnay aata hai kah jahaan jid-o-johad ka ekhtatam hota hai, ossay saahil kaha ja’ay ga. Pus -e-sakht yah neshan manzal kay lea bhe mukhsos nazar aata hai.Tahum manzal apni zatt main darya hai. Manzal ki wosaatoon ka jo aahatah karay ossay saahil kaha ja’ay ga. Essay tushnah kami sa bhe musoob kar saktay hain. Essay qareeq reh kar bhe qurob say mehroomi ka naam bhe deya ja sakta hai.

SAANP

Eak rengnay wala lamba janvar jo mukhtalif eqsam-o-rang or lambae ka hota hai. Os kay monh main zaher hota hai jo yah katnay kay baadjissam main dakhel kar dayta hai(152)
Ofe, mar, rassi, sarp(153)
Zalam mozi(154)
Dushman, jo chop kar war karay
Jo apnay mohsan ko hi nuqsan poncha’ay
Jiss ki dushmani bari khatarnak ho
Bay’wafa oorat, fahshah, randi, bayva
Oorat say sosti
Dhokhah, faraeeb, maker
Mukhbar, mukhbari, monafqat, ghaddari
Ghanay bal, zufain
Dar, khoof, khadshah, fikar, chinta, nafrat
Havas, lalch
Hasad, bugh
Merit ka qatal
Zehreli muskarahat
Entaqam ka jazba
Aamrear, dactaytar ship, fogi hakomat
Reshvat, sefaresh
Zabardasti, ghulami
Ezhar-e-ra’ay per pabandi, janabdari, bay’esafi
Bayja ladpayar, shubah
Jahalat, Na’khandgi
Cghli, bakhli
Nashah (Hosan, taqat,dolat, eqtadar waghera ka)
Eshaq, zulfoon ,ki shaam, nashili aankhoon ki dakhni



SAJDA

Farotani, matha takna, (155) sar jhokana, khod kay aagay sar jhokana, Namaz ka eak rukan(156)
Matehti, ghulami, tabayfarmai (tabaydari)
Je hazoori, zeer dasti
Chapolosi, tc, khush aamad
(kay) hukam kay motabaq chalna, dectatio kay motabaq amal daramad karna, apni marzi or masha na hona, mashooq kay pechay pechay dum halatay pherna
Joroo ki ghulami, susrali reshta daroon ka pani bherna
Kisi say dab kar zinsgi basar karna
Toot kar mohabbat karna

SUKHAN

Kalam, batt, garam(157)
She’er, sheri
Gutagu, batt cheet, kaha howa, farmaya howa, hades, farmaesh
Kahani, khawat
Qessa-e-mazi
Sarsaba, harabhara, kamyab, aabad(158)
Kushhal, aqeda, pusakoon
Phala phola, nisra howa
Aabad gharana, kunbah, qabela, mulak
Tazen-o-aaraesh, rngeneaan
Ropaoon ki rail pail
Ezzat, waqar, woqaat, qadar, qadro manzalat, shohrat
Afzaesh, farawani(Musbat) bohtaat
Rahtain, muskarahtain, bay’ghami, bayfikri
Khobeaan, achaeaan

SAR

Sar jo howa gharqa-e-meh bakht-e-rasa rakhta hai
Sar say guzaray pay bhe hain bal-e-homa mooj-e-sharaabs

Sar say teen kaenatain juri hoe hain. Enhain decode karnay ki zaroorat mehsoos hoti hai. Pehli kaenat kay char code hain:

1- Choti 2- Balndi 3- Aakhri sata 4- Haad
En charoon aanasar kat tehhat sar ko deconstruct karnay say maloom hota hai kah wo maqam jahaan “La” ka etlaq nahain hota dusray kode main teen aanasar karfarma hain:
1- Ezzat 2- Waqar 3- Arooj
En aansar bahar fana, adam wajood madoom hona therta hai. Nafi kay hawala say reverse ka amal bhe samnay aata hai. Yaeni es kay baad sab khatam ho jata hai or vajood ki baqa na’qabal-e-zamanat ho jati hai. Vajood main rah kar hi survival ka tasawar mumkin hota hai. Sar ka tesra kod eraday say taalaq rakhta hai. Pehlay or dusray kod ka taalaq sakht say jabkah tesaray ka pas-e-sakhat say hai. Ghalib kay haan yah neshan rad-e-sakht ka mazahera kartay howay omoom say hat kar mafhoom day raha hai. Sar kay baad vajood kay estaqam or e ski behtar shakti ka hawala shoroo ho jata hai tahum tajawaz, makhsos hawaloon kay tehhat hi kush nasebi, estehqam ya behtar ka sambal ho sakta hai, warna sar kay baad fana hona lazam tehray ga.

SAFAR

Safar-e-eshaq ny ki zoaf main rahat tabae
Her qadam sa’ay ko main apnay shabstaan samjha

Neshan safar, harkat or masalal harkat say motaalaq hai. Harkat zindgi hai. Jahaan harkat khatam ho jati hai wahaan zindgi dam toor dayti hai. Harkat zindgi ki eqdar ko na’seraf aagay barhati hai balkah en main dam kham peda karti hai, yap her enhain moot kat ghatt otar dayti hai. Es hawala say safar doo hessoo main bat jata hai:
· Eak wo sehhatmandana aqddar ko zinda rakhta hai
· Dusra wo jog her sehhatmand ya gher zaroori aqdar ko moot ki taraf lay jata hai.

Munfi qovatai es safar main rah ki dewar bani rehti hain. Bahar toor donoon qovatoon ka safar masalsal or mutvazi jari rahta hai. Safar main donoon qovatoon ki energi saraf hoti hai. En ki tavanae kay cells ki mutvatar toot photo hoti rahti hai.Kamzori kay sabab ruknay ya sastanay ki khaesh shedat ekhtayar kar jati hai. Jo qovat ther jati hai wo pechay rah jati hai, jiss ka nosan sadyoon main pura nahain ho pata. Chaltay rahnay ki surat main moot ka safar jari rehta hai or samaj safar per loot aata hai. Tahum kahain na’kahain zindgi ka koe deep zaroor jalta rehta hai or es tarah safar khatam nahain hota.

Safar chaltay rehnay or masalsal chaltay rehnay ka naam hai jo mukhtalifhavadass say guzarta hai or naburd aazma hota howa moot ki aaghosh main janay say pehlay kae dusray mosafar safar jari rahtay hain. Yah safar moaashi tag-o-doo say motaalaq ho sakta hai. Yah safar mazed jaama karnay ka ho sakta hai. Yah safar Khodae kay hasool ka ho sakta hai. Faraoon mar jata hai lekin apnay pechay ganday anday or harami bachay choor jata hai. Tahum Musa ki rah kay rahhi bhe Musa ki rahoon per chaltay rehtay hain. Safar kay hawala say sastanay ki tamunna bhe janam layti rehti hai jiss kay sabab kabhe den kabhe ratt ki hokoomat hot hai. Donoon qesam ki hakoomatoon ko dawaam hasal nahain ho pata. Daam honay ki surat main zindgi ka tanavo khaam ho ja’ay ga. Yah bhe kah sastanay ki surat main soor moqaddar ho ga. Munfi ho kah musbat donoon hi safar kay madlool qarar paein gay.

SILSALA

Zanjeer,tarteeb, olaad, nasal(159)
Kari, wasta, tasalsal, taalaq, rabta
Fasal, sub-section
Shajra nasab
Jura howa, munsalik
Matwatar, lagatar, jiss main tehrao na ho
Ossi ka eak hessa, juz
Qest, caine, jari
Khep
Kisi kul kiakaeoon ka takniki taalaq
Eak hi ki barancain
Entaqami jazba jo kae nasloon say challa aa raha ho

SELAAB

Sail, Aab, tughyani, pani ka raila, pani ka bahao(160)
Josh, janoon,wehshat
Entaqam, badla, nafrat
Khoof, dar, khadshah, eztaraab,
Karapshan
Nashah
Maqadmah, Tazeer302, kort cachehri
Eshaq
Aayashi, bayrahravi, baadkari
Baadnami, ruswae
Dewaleaa, ghata, khasara
Chalaki, hoshyari, overacting
Takabar, gharoor, nakhvat, azeem honay ki ghalt fahmi
Rezaq-e-haram, reshvat
Police ya foo say (haq ya na’haq) ba’er
Molvi say mokhalfat
Merit say mazaq
Na’laeq, na’ehal ya kisi zalam say hath main eqtadar aana
Ghar ka bhaydi, mukhbar
Nafaaq, bughaz, hasad
Na’chaqi
Halah sheri, sheh
Jhuti tareef, kush aamad
Eh-e-qalam ka bharkana ya enqalab say motaalaq tehrerain qertas per bakherna
Ghalat fehmi
Tavazan begarna
Kisi dusaray kuray main dakhool
Baad shagoni
Dusroon ay begaar per kush honay wala(161)
Shavat
Josh, jaba, janoon
Apeal
Na’chaki, mahallati sazeshain
Entashar, fashar
Mohlak bimari
Haad say barah howa ethmad
Aafat tootna, mosebat perna, bala perna
Moqadma daraj hona
Pareshani aana
Buri khabar kaan perna
Jovani

SHARAM

Laaj, haya, jhenp, nathna (162) phar katna(163) nang, aar,nadamat, khajalat
Ghayrat, ezzat, hurmat, Khayal, pass, sharmindgi (164)
Lehaz,Ehtaram ki waja say zeyadti, haq talfi wafgera per khamoshi ekhtayar karna
Kisi oorat ka bari umer tak khamoshi say waldain kay gher baythay rehna
Gher ka bherm
Aabeo, usmat
Gurbat or usrat kay bavajood safaed poshi barqarar rakhna
Zanana-o-mardana uzvay makhsos
Waqar, voqaat, qadar-o-manzlat
Parda, hajab
Jhut khulna
Vadah na nebah sakna
Larki kachori chupay kisi kay sath farar ho jana
Jhuti qasam khana, jhuta halaf layna
Apnay mard kay sava kisi mard ya mardoon kay sath taalaq ostavar karna
Apnay ghar, khandan, qabelah ya mulak kay sath bay’wafae karna
Malazmat say barkhasat kar deay jana
Barse-e-aam bay’ezziti hona
Karobari contect totna
Panchaet main pagri ochalna/ochalna
Batt na rakhna
Munsukhkarna, Taalaq khatam karna
Na’qadri, sastapun, Bay’voqaati

SHAKAET

Shekwa, gila (165)
Maraz, bimari, badi, borae, faryad, nalah, dad khahi (166)
Es neshan(trace) ka bunyadi toor per khameer shak say oththa hai. “Shak” kay sat heath ka lahqah pevast kar deya gaya hai.Mafaheem ki talash main yah pehloo kisi bhe hawala say nazar andaz nahain kiya ja sakta
Ba’toor borae tazkara (167) bura bhala kahna, kisi borae ya kharabi ka zekar karna, ezhar-e-na’govari
Kisi ki bay’wafae, jafa, Ehhad shekni waghera kay hawala say batt karn/hona
Dhokah, faraeb, maker, khud gharzi, mofad parasti ka alzam dherna
Ghaflat shaari, la parwahi, nazar andaz karnay kay hawala say kisi ki batt hona
Kisi ki os kay kachay pakay mazaj say motaalaq kahna/sunna
Kisi ka”Lae lag” honay say motaalaq gila karna
Nalash, darkhast, patetion, dava, moqadma, fir, estaghasah wagherah
Malawat, reshwat khori, baad maazaji wagherah ka gila karna
Dhanday main kharabi aanay ka zekar, Naqas mal suplae hona ka gila
Garibi, moflasi, baad hali ka sekwa
Aarza, bimari, aalalat
Hafzay ki kamzori
Telefone band honay ya suplae (input, out put) main kharabi ya khalal waqay honay ki coplaint, bijli main kharabi honay ki comlaint wagherah
Baresh na honay kay sabab bimareoon ensani, haiwani nabatati waghera)ka shekwa
Mutfaraq darkhast, midterm order kay motaalaq bala aadalat main appeal, appeal, nigrani, rewive petion, dakhast nazar sani
Mehngae, mazdoori na milnay yak am milnay say motaalaq shakaet, estaadad, hunar or taleem kay motabaq molazmat na milnay ka gila
Bant main janabdari
Maholyati aaloodgi
Na’esafi ka gilla
Daftari nazam ki kharabi or beghar

SHAKASTAH

Rang-e-shakasta subh bahar nazara hai
Yah waqat hai shaguftan-e-gul ha-e-naz ka

Toot photo ki surat kae hawaloon kaybaes peda hoti hai. Kisi moaamlay main harnay ya na’moraad honay say zehni toot photo hoti hai. Koe koshesh samarabar nahain hoti to hoslay shakasta ho jatay hain. Khaesh ki shakasgi, puzmurdgi ka sabab banti hai. Aadmi aaram or sakoon ki basar kar raha hota hai achanak aaram-o-sakoon ki rah main koe qoovat aa khari hoti hai, es say naburd aazma honay ki surat main toot photo ka darwaza khul jata hai. Aazmaesh bhe toor dayti hai.

Neshan shakastah ko mazeed deconstruct karain, shakastgi ka apna rang hota hai. Es ki apni suratain hoti hain jo apni noeat kay tajarbaat mohiya karti hain. Eqdar per asar andaz hoti hoti hain. Baez oqat tehrao ka sabab banti hain. Kuch bhe sahi, es kay batan say kae Rangoon kay jazbay or ehsas janam laytay hain jo shakastgi per matam kunnaan rehtay hain. Ossay pursa daytay hain. Hoslay bherhatay hain. Moot ki bay’ranggi tak lay jatay hain. Pher say aaghaz per oksatay hai. Mazeed ghoor karnay per maloom hota hai kay shakastgi hi haqeqi zindgi ka assal hai:

Shakasta ho to aziztar neghah-e-aaena saz main (Iqbal)
Toot photo ka mosalsal motwatar, baqeda, bayqaeda, baaabtah ya bay zaabtah amal jo her tak rasae ka sabab banta hai. Tajarbay zindgi or o ski manveat ko zaher kartay hain or pher kisi somnath per dastaras ka sabab bantay hain. Raad-e-amli qoowatoon ko bhe essi kay sabab or tovassat say jila milti hai.


SHAMA

Zulmatkaday main meray shab-e-gham ka josh hai
Eak shama hai daleel-e-sahar, so khammosh hai

Es she’er ki tafhimi basaat lafaz “Shana” per rakhe gaer hai. Yah arbi esam moaannas hai. Es kay maeni moom ki bati, charbi ki bati (168) charagh, noor-e-urfan, noor-e-elahi (169) (Shae) Kisi shay ko peghlay howay moom main dabona ya os per dalna (170)
Lafaz shama kay lea char kood estamal main lana hoon gay:

· Sheri kood : She’er ki pehli qeraat main lafaz (khamoshi) shama zulmat ki ghameerta ko ojagar karta hai. Etna sasta mafahoom Ghalib ka yes lafaz ka ho hi nahain sakta.
· Masharti kood: Aawam ko taqat ka sarchasmah kaha jata hai.Ghulami kay andhiroon main aawam (shama) say towaqo ki jati hai kah wo etjaj ban kar samnay aaein gay lekin shama (aawam) khamosh the. Yah mafhoom bura nahain lekin shama kisi makhsos shakhas ki nashandahi kar rahi hai. Es lea shama ki tafheem kay lea kisi dsaray kood ki aroorat mehsos hoti hai.
· Mazhabi kood: Bay’rahravi kay garam bazaar main molvi (Shama) say tovaqo ki ja sakti kah wo apna kirdar ada karay ga. Lekin wahaan khamoshi ka pehra tha. Es khamoshi ki wajah say mausi main aazafa ho raha tha. (Shab-e-gham ka josh), laaz shama ka yah mafhoom matasar nahain kata kayoonkah molvi zeyadatar Taj ka humnawa raha hai. Dusra wo khud taqseemkay sarwazay kholta aaya hai.
· Esharati kood: Lafaz shama ko eshara (Elamat) tasleem karna paray ga. Shama ojaloon ki amen hai. Es say roshni ki tovaqo karna fitri amer hai. Shah-e-Hind bay’ehtayar moflas-o-qalsh sahi lekin seyasi qoovat ki aalamat zaroor tha. Os ki khamoshi say (Shama-e-khamosh “ zulmat kaday main shab-e-gham ka josj” fitri batt hai. Tarekhi halaat kay pesh-e-nazar ah tafheem haqeqat kay qareebtar lagti hai.

Kuch mazeed mafaheem malahzah hoon:

Moom bati, moom (171)
Charagh, deya, wo jiss say ronaq ki mehfal ho (172)
Maan, bayti, bayta, aal olaad
Mohabbat, ulfat, chahat, lagao, qalbi taalaq
Bara sha’er, faqeh-e-sehar, Badshah
Tawaef kaday ki hoseen towaefah
Alam, aaghi, adrak
Ankhain, hosein aankhain
Moheb-e-watan jo jari or yodha bhe ho
Alhami kalam, sarat-e-mostaqeem
Dolat, mal-o-manal, khazana
Sach, bila khot, rasti
Ensaf, haq shanasi
Ustaad
Mukhlas or humdarad dost, rahnama, council, famili daktar
Naek or sughar bevi
Zela ka bara jadge, aalaqay ka thanaydar, samaj sayvek
Hoslah, hemmat
Shakti, tavanae, energi
Soch, ghoor-o-fikar
Qumqama, tube light, balab, (Bijli ka) anda
Ejaz, enksari, faqar, taqva, raza

SHOOR

Shoor-e-pand-e-nasay zakham per namak cherka
Aap say koe pochay, tum nay kiya maza paya

Shoor say pehlay halaat aaram or sakoon main hotay hain. Raad-e-amli qoovatain khamoshi main malfoo rehti hain jabkah shoor aalodgi ka sabab banta hai. Afratafri peda kar dayta hai. Na’govari ki surat peda ho jati hai. Es ki missal pani main gitay pather ki se hoti hai. Shoor ertash ka zareaa banta hai. Samaat ka matasar hona adraak kay eak hessa per mazboot band bandna hai. Es ki kamzoori motaalaqa aasab ko bhe nasht karkay rakh dayti hai ya onhain faal rehnay nahain dayti. Shoor darhaqeqat kisi dhamakay kay natejay ka naam hai. Yah dhamaka bamb ya kisi garma garm khabar ka ho sakta hai. Yah mobarkbad ki khabar ki aavazoon per mushtamel ho sakta hai. Baynoqat galeoon ki bochar ho sakta hai. Shoor aavaz/aavazoon kay tajavaz ka naam hai. Qatal hotay ehsasaat ka ho sakta hai. Shoor shkhas ko or os kay eradoon ko shakata kar dayta hai. Shoor kay batan say hooreat janam lati hai or mazlomeat bhe shoor ka natejah hai. Shoor samjata hai. Shoor say safar khota hota hai ya rasta saraab ban jata hai. Ba’qool Ghulam Rasool Mahar:

“Shoor haad darja dukh or hungama aarae”(173)

Shoor ayse qoovat ka nam hai jo havas or aasab ko matasar karti hai. Chand or mafaheem dekh lejeay:
Gul, shohrat, eshaq, janoon, khari, rakhnay wala, bartanay wala, mashhoor(174)
Wavayla, ghandhora
Kisi batt ka bar bar tazkara, rona dhona, Ah-o-zari
Shekwa, gela, Shakaet
Masenoon ki aawazain, Gareoon wagherah ki aavazain
Ratt ko kuttoon kay bhonknay ki aavazain
Dawa, beyanbazi, waday dhengain, suki burkain
Prapoganda, mashhori kay lea mukhtalif zara’ay ka estamal
Larae, jagra
Eshtahar bazi
Badnami, ruswae, baad faeli ka charcha
Kana phosi
Kisi honay hilnay ya kisi taghear kay motaalaq charcha
Ghar ghar tazkaray
Entashar, fashar
Yadoon ka hajoom
Dil ki dherkanain
Mukhtalif noeat ki bay’hangam aavazain

SHOHRAT

Eshq mujh ko nahain wehshat hi sahi
Meri wehshat teri shohrat hi sahi

Shohrat darasal ksi batt ya moaamlay ka bohat saray logoon tak ponch jana hai. Kisi batt ka phelna, aaghi ko aam karnay kay mutradaf hai to dusri taraf yah he ho sakta hai kuch baton ka aam karna waja-e-fasad ban sakta hai. Yah bhe kah kuch batain ya moaamlay aam hazmay hazam nahain kar saktay. Es lea oon ka aam hona darusat nahain hota. Shorat, pazerae ata karti hai. Shohrat sakoot or tehrao ka sabab ban sakti hai. Shohrat balandi bhe hai or pasti bhe.

Shohrat wapsi kay darwazay band kar dayti hai ya markazay say doorlay ja kar kisi dusray daeray main lay aati hai. Shohrat ra’ay bhe hai. Yah kisi na’ay ka manfi yah mosbat raad raad amal hota hai. Essay mohar-e-tasdeeq-o-tardeed ka darja hasal hai. Shohrat kisi makazay say dislocation ka naam hai. Na’ay markazay main sefar say aaghaz karnay ki zaroorat mehsos hoti hai. Nae faaza or mahool ras na aanay ki surat main pehla markaza bhe qabool nahain karta. Her doo suratoon main oski moot waqey ho chuki hoti hai. Shohrat darhaqeqat mohray ko eak khanay say dusay kanay main lay jana hai. Pehlay khanay main kamyabi ya na’kami kay amal ka naam hai. Ya amal apnay watan main bay’panah manveat rakhta hai. Yah manveat hi tabdelioon kay amal ko mutvatar or masalsal rakhti hai.

SHAHEED

Gowah, rahhay haq main jan daynay wala(175)
Khoda ka eak naam, wo jo her batt say mutlay or waqaf ho(176)
Dhun ka pakka, wo jo dunyan say monh moor kar kisi eak kaam main jut gaya ho
Ashaq, eshq main mar mitnay wala, moheb
Joroo ka ghulam, run moreed, wo jo kisi khoobsurat oorat ko dekh kar wahaan “Teki” ho ja’ay
Batt per qaem rehnay wala, paka, pukhta, atal, wo jo batt say na pheray
Kaz kay lea jan say guzar janay wala
Her wo jiss ki hadsati moot per sahib-e-eqtadar yah lebal chespaan kar day
Pakistani Foji afsar jiss ki moot kisi bhe wajah say ho
Phesical process kay doran mar janay wala (Chutiya Shaheed)
Akarat moot
Jo doob kar ya jal kar mar ja’ay, kisi darinday kay marnay say mar ja’ay
Jo kisi mozi janvar (Saanp wagherah) kay katnay say mar ja’ay
Peshaab say telak kar jo mar ja’ay
SABR

Yah qatal wadah-e-sabr aazma kayoon
Yah kafar fitna-e-taqat raba kiya hai

Sabr, thernay ya ruknay kay lea makhsos hai. Karnay ki estaat ho lekin na kiya ja’ay, abr kehla’ay. Yah neshan tovaqaf kay lea bhe motamal hai. Merit per mil jana, jo mil giya, os per ektafa karna ko sabr kaha jata hai. Bardasht kar laynay kay lea yah bhe neshan estamal main aata hai. Sabr, moaamlaat ko motwazan rakhta hai. Yah fashar, entashar or bay’hoslagi ki rah ka pather hai. Sabr monh zoor qowatoon kay lea lagham ka darja rakhta hai. Laham na’serf roknay ka kaam karti hai balkah daein baein ya hasab-e-zaroorat mornay ka kaam bhe dayti hai. Lagam moaamlay ko motwazan rakhti hai. Es hawalah say sabr indicator bhe hai.

Sabr saliqay ka naam hai kah kahaan rona, kahaan hasna or kahaan kehqehay lagana hai. Aansoo or qehqahay bheed kholtay hain. Sabr, dukh, takleef or such ko apnay senay main samo layta hai.

SADA

Son ay gharat garay jinis-e-wafa son
Shakast-e-qemat-e-dil ki saa kiya hai

Yah neshan soot say taalaq rakhta hai. Soot ba’maeni or ba’maeni ho sakti hai. Es main taranum ho sakta hai. Taranum main moaawan ho sakti hai. Tararunum kahessa ho sakti hai. Qadmoon ki aahat ya pher hawa ki sarsarahar ho sakti hai. Ba,resh ki bondoon kay girnay say motaalaq ho sakti hai. Balavay, kuch talab karnay say motaalaq ho sakti hai. Darwazay per dastak ho sakti hai. Es ka taalaq dil ki kisi durkan say gur sakta hai. Kisi ehsas ki hichki yap her kisi jazbay kay tootnay kay motaalaq ho sakti hai. Gharaz sada kay mafaheem bohat se kaenatoon say juray howay hain. Pas-e-sakht sada kay mafhoom ezhar say taalaq rakhtay hain ya yah honay ka sabot farahum karti hai.

SOOR

Qarna, sankh, teherae, kaji(177)
Aaza-e-moot ki saza ka hukam
Shohar ka bevi ko talaaq talaaq talaaq kahna
Malazmat ya mazdoori say bakhsat ka hukam
Bevi ki zoban darazi or baadtamezi
Neshan(Trace) qeyamat ka mutradaf hai
Shoor-oghul, bay’hanggam aawazain
Hukam na mannay ka aawaz
Na’govar, nafrat anggaez
Bay’turteeb, tanzeem kay bagher, gher mutwazan, na’monasab or ghermozoon banavat
Mahboba ki shadi ki etla, mahboba ka shadi say enkar
Jis say nafrat ho, kay monh say niklay kamay
Jabar,aamar or fasaq-o-fajar ka kaha howa
Bay’zari, odasi or pasemani main koe bhe aawaz
Kisi peyaray ki moot ki khabr
Ghata, nuqsan, barbadi, (building wagherah) gir pernay k etla
Baad shaka, baad wazey
Baad khaslat, fitri rozeel, khabees aadaat ka malik, baad tenat

ZABT

Daraygh ay na’tavani warna hum zabt aashnayaan nay
Talesam-e-rang main bandha tha ehhad-e- ostawarapna

Bardasht, tahamal, bhead ka na kholna wagherah kay lea , yah neshan mostamal chala aata hai. Khamoshi kayoon ekhtayar ki jati hai, kharabi peda ho gi. Kharabi ki rah niklay gi, tahum es per kam hi tovajo de jati hai. Jab apni zatt ko noqsan ponchnay ka ehtamal ho to zabt say kaam lea jata hai. Hazmz kamzoor per ja’ay to aadmi bak dayta hai. Aasi marhoom kahtay hain:

“Na’tavani ki wajah say rang or gaya od dunya per hal khul gaya”(178)
Na’tavani kay sabab chehray ka rang od gaya jiss kay sabab bhead khul gaya.


Es neshan kay pes-e-sakht moharkat kay moaamlay ko deciplan main rakhnay ya lanay kay lea yah neshan estamal main aata hai. Moaamlaat pehlay say marboot nahain hotay. Ebtada main gutagu tarteeb say tahi hoti hai. En ka ertabat kisi deciplan main hota hai. Yah deciplan hi zabt hai.

Agar na’govari kay halah say lea ja’ay to donoon parlay tovazan kho dain gay. Natejakar tarazo la’yaeni ho kar rah ja’ay ga. Es tarah baqi rahnay wala deciplan bhe barbad ho ja’ay ga. En halaat main lazam hai kah tovazan peda karnay ki saae ki ja’ay. Es kay lea fareq-e-sani ko khamoshi ekhtayar karna paray gi. Tofan main bath janay ka aamal bhe zabt say taalaq rakhta hai.


ZOAAF

Safr-e-eshq main ki zoaaf nay rahat talbe
Her qadam sa’ay ko main apnay shabistaan smjha

Batni qoovatain sust per jaein, thek jaein, en main koe kharabi peda ho ja’ay ya shak ki koe surat nikal aa’ay to kagozari main faraq aa jata hai. Sust ravi thakan, kharabi ya shak ki surat main, koe kaam dhang say nahain ho pata. Dakhli zoaaf, kharejiqoovatoon per assar andaz hota hai. Moaaljah ossi surat main mumkin hota hai jab darad moaaljay per raghb ho ga. Agar zindgi ki tamanna moaaljay ki taraf mrajeat nain karti, moaalaj or moaaljah la’yaeni therain gay. Yah surat-e-hal taeed say mehroom honay say taalaq rakhti hai. Loog, mazboot logoon ka sath daytay hain. Kharej, dakhel ki taeed kay bagher aagay nahain bher sakta. Moaamlay ka eak shayd yah bhe hai kah dusaroon per enhasar karnay say zoaaf waqey hota hai. Khud na karna ya dusaroon kay saharay kuch karna zoaaf ka sabab banta hai. Yah khud say taeedki mehroomi kay mutradaf hai. Sakhtyaat reshtay jooti hai. Mazeed reshtay talaah karti hai. Reshtoon kay hawalah say tashreh ka kaam sar anjam dayti hai. Her vajood dusray jabkah dusra tesray per enhasar karta hai. Es ki jarain patal tak phelti challi jati hain. Reshtay maloom say na’maloom say juray rahtay hain. Sakhtyaat kay nazdeek zoaaf tab hota hai jab taalaq kay halqay kamzoor per jatay hain. Ba’zaheryah lagta hai kah zinsgi ka la’matnahi sahar thaka dayta hai. Yah thakan hi zoaaf hai. Zoaaf safar kay sabab waqey nahain hota balkah safar say reshta kamzoor parnay kay baess waqey hota hai. Es zeman main chand mazeed mafaheem malahzah hoon:
Susti, kamzori(179)
Aalah-e-tanasal ka dhela perna, mardana kamzori, kargozari motaasar hona, estaadad main kami waqey hona
Puspae ki surat peda hona
Munda parna
Zawal
Khalal aana
Ghusa zeal hona, naram perna
Josh main kami waey hona
Pehli se mehnat or moshaqat kay qabal na rahna
Yaaddast main kami waqey hona, hafza kamzoor perna
Ghareft dheli perna
Ma;li position kamzoor perna
Thakan, naqahat, thakawat
Bimari kay baad ki halaat
Reqat, girya kam hona
Ghusay main kami waqey ho kar reham or hamdardi peda hona
Ghun lagnay sabab pehli se mazbooti nqa rahna
Dam kham khatam hona
(nafrat ki baraf peghalna
Ethhad or etfaq main kami waqey hona
Sulah kay moaaday main shaghaf perna
Nashah tootna(Nasha javani, eqtadar,hosan dolat wagherah ka)

TAAQAT
Bay meh kisay hai taaqat-e-aashob-e- aaghi
Khencha hai ejaz-e- hoslah nay khat ayagh ka

Taaqat apni marzi, apni zaroorat or apni hadood say baherkuch kar laynay ka naam hai. Taaqat kuch bhe kisi waqat or kisi bhe halaat main manwa laynay ki ehleat rakhti hai.ah apni zatt main khud mukhtar rahti hai. Taaqat kar laynay ki shakti say ebarat hai. Zaroorat, halaat or marzi o ski samat ka taeyan kartay hain. Yah oroon ko paband rakhti hai ya paband banati hai. Phernay per majboor kar saktihai. Asam tameel ki surat main bara-e-qehar ban jati hai. Toor sakti hai, rasta rok sakti hai. Pura utarnay ki salaheat say behramand hoti hai. Es main raad-e-amal bannay ki salaheat hoti hai. Halaat main dhal sakti hai. Halaat ko zatt ka hessa bana sakti hai wapis ya baraqas pher sakti hai. Yah etni teaz rafter hoti hai kah niklay ko nasht ya wapsi phank sakti hai. Yah zindgi cheen lauti hai, zindgi ata karti hai.

Dakhna, sonna, mehsos karna, ghoor karna es kay sathi hotay hain. Yah oon ko nazar andaz kar sakti hai. Samnay koon or kisa hai, jannay ki zaroorat mehsos nahain karti. Pas-e-sakhat ghoor karnay say maloom hota hai kah sonna, dakhna, ghoor karna, mehsos karna kay aala madaraj say wabastah ho kar hi neshan taaqat ka vajood zahoor main aata hai. Vajood main aanay kay baad vajood kay aanasar ko mustarad kar daynay kay baad bay’lagam ho jati hai. Tahum yah ravaeaa e ski moot ka sabab bhe ban sakta hai. Vajood kay jumlah aanasar ko tham kar aagay bhernay say mosthakam hoti challi jati hai or es moqam per munba-e-aanasar say raza pochna, takhleeqkar tohein nahain samjhta. Aanasar-e- vajood (Taaqat) say enharaf faroneat ki taraf lay aata hai jo essay dabo kar ebrat ka namoona bana dayta hai. Goya sekhnay sonnay, ghoor karnay mehsos karnay ya en kay motaalaqaat, taaqat ka muslool hain. Chand or mafaheem malahazh hoon:

Qovat, zoor, tavanae (180)
Potanse
Bal, shakti, qudrat, maqdoor
Kar saknay ki estaadad
Mardana taaqat
Hemat, juraat, jazba, sakt
Rasae, ponch, hadood-e-kar, aproch, hadood
Ekhteyaraat
Jahaan tak momkin ho, emkaan
Lagaay gaysarmaay ka hessa
Ghoor-o-fikar ki hadood
Hasal, lub-e-labab, nateja-e-kar

TA’At
Ta’at main ta rahay na meh-o-angbeen ki lag
Dozakh main dal doo koe lay kar bahest ko

Ta’at, farmabardari, qabool-o-tasleem ki surat main apnay safar ka aaghaz karti hai.Yah bandgi ki sarhadoonsay ja milti hai. Ta’at kisi makhsos daeray ya halqay kay asooloon ko ekhtayar karnay ka nam hai ya kisi mazhabi taabeer kay gird towaf karnay ka naam hai. Ta’at kisi azam, kisi shskhas, kisi zabtay ya kisi asool ki paband hoti hai. Ya dahaqeqat wasetar or azeemtar aazadi say mehroomi ki aalamat hai. Ta’at mohabat talab nahain karti or nahi sawal-o-javab ki rukhsat dayti hai. Sawal jawab karnay ya hujat karnay ki surat main gunahgar therti hai. Ya ta’at, ta’at qarar nahain pati. Kayoon, kisay, kayoonkar, kis tarah wagherah aysay alfaz es kay lughat say kharej hotay hain. Ta’atgozar ki zati shanakht baqi reh janay ki surat main ta’at, ta’at kay khanay sy nikal kar monafqat ya baghawat kadarja ekhtayar kar layti hai. Es ki bunyadoon main yaqeen-o-tasleem ka masala bhara howa hota hai. Yaqeen ta’at say pehlay janam layta hai jabkah yaqeen tasalli-o-tashafi per ostawar hota hai. Tasalli dakh laynay perkh laynay ya malahzah kar laynay kay baad hi mayassar aati hai. Essay kissi danday “Sotay” say ostawar karna momkin nahain hota ba,surat-e-deghar yah roszana sati hoti rehti hai. Jabr say rooh ki gehraeaan garift main nahain aatein. Aysay ta’atgozar ghar or ghat say mehroom rehtay hain. En hawaloon say ta’at ka mudlool (Signified) pabandi, payervi or apni marzi say dastbardari parar pata hai. Pher bhe yah her sata per motber or mohtaram rehti hai.

TABEAT

Eshq say tabeat nay zeast ka maza paya
Darad ki dawa pae dard-e-bay’dawa paya

Tabeat, Balank kefeat yahat ka naam hai jo tkhsesi ansar say marakab ho kar harkat main aati hai. Maslan kaha ja’ay “Os ki tabeat achchi hai.” Es ka matlab yah ho ga kah mazaj or badan main kharabi, entashar ya fashar ki surat nahain balkah tovazan mojood hai. Agrar kaha ja’ay “ o ski tabeat achchi nahain.” To es ka matlab ho ga es kay mazaj ya badan main kharabi ya entashar-o-fashar ki koe surat hai. Aasab ki kargozari etdal main nahain. Achcha ya bura kharji aanasar kay asraat ko dakhli too per mehsos karna hai. Sakhtyati motaleah es amer ki neshandahi karta hai kah tabeat tehray pani ki tarah nahain hoti. Es main tabdelioon ka amal jari rahta hai. Raad-e-sakht kay teht tabeat ko”Qovat” ka naam deya ja sakta hai, jo behtar or nahain behtar say juri hoe hai. Yah paray ki manid hai. Aan main kuch hai aan main kuch hai. Ensan or samaj kisi eak nuqtay per parao nahain kartay. Essay blank es lea samjha jata hai kah ensan or samj ki karvatain es per neshan sabat karti tahti hai or mitati rahti hain. Yah eak loh (Salayt ya takhta seya) hai jo ensan kay mood ka marhoon-e-minnat rehta hai. Kabhe wahdat say aakae ki taraf or kabhe aakae say wahdat ki taraf marajeat karta hai. Kuch or maeni bhe dakh lain:
Mazaj, kho, Aadat, padaesh (181)
Mood, halat, taba, khaslat, fitrat
Sehhat
Dil,zehhan
Tovajah
Halaat ki sazgari yana’sazgari
Mosam ki tabdeli kay mazaj per asraat
Halaat, moqa or zaroorat kay motabaq mazaji kefeat
Karobar ki surat-e-hal, mali position
Noeat, halat, kafeat
Toor, rujhan, Milan
Aqdar, rasam-o-ravaj

TAANA
Ayeb cheni, Qadah(182)
Qadeghan
Mena
Ki gae bhalae ka jatana
Kisi shakhsi kamzoori ka larae ya behas-o-takrar main hawalah dayna
Bura bhala kahna
De gae cheez ka ehsan jatlana
Koe ayse batt karna jiss say kamtari sabat ho
Badkari ko ochalna

TOFAN
Sab per sha janay wali cheez, Alamgher (183)
Aandhi, baday tund, selaab, sakhat tughyani, Tafakraat (184)
Dukh, mosebat, ranj, takleef, pareshani, tafakraat ka aa gherna
Bura waqat
Badhali, Dewaleyah, muflase
Moqadmah, thanay kachehri say wastaperna
Mohlak bimari ka namodar hona
Zabardasti kharabi peda hona
Baywa hona, talaq milna
Na’chaki, halaat kharaab hona
Moot
Achanak na’qab-e-bardast khasarah hona
Chughli bakhli
Ghaddari
Fatah ka shakast main badlna
Na’ensafi
Baddamaghi, zehhan ki muni tubdeli
Aafat tootna
Teaz raftari
Pakistani Gernal sadar ka jalsa
Bala officer ka dorah
Taez tarar, Khudgharaz, Mafadparast, Laraki bevi, Laraki
Shokh, chanchal
Bad etdali
Sharab noshi
Olaad ka bigarna
Kamzatt or bad’bakht ko eqtadar milna
Oqat say bahar nikalna
Amreka, white house, Pakistani fooj, ghq, inpectorate, jailkhanajat
Koe bhe moh zoor bay’lagam qoowat
Jovani, taqat
Pakistan main entakhbaat
Shoor sharaba

ZARAF

Girni the hum pay baraq-e-tajala na too per
Daytay hain badah zaraf-e-qadah khar dakh kar

Kisi fareshtay ya devta k ensan honay ka sharaf hasal nahain. Essi tarah her ensan nabi nahain ya her ensan ko Karbala ki aazmaaesh say nahain guzarna perta.Ponch kill okay bartan main sath(7) killo doogh nahain dala ja sakta or na koe dalnay ki hamaqat karta hai. Es hawalah say neshan Zaraf qovat-e-jazab ka naam hai or yah hadood kay taeyan ka pemana qarar pati hai. Hadood, pabandi sa ebarat hain. Raad-e-sakht say moloom perta hai kah zaraf eak daerah hai jiss kay andar rah kar kargozari ka mazaherah karna hota hai. Yah daerah gher lachakdar hota hai. Jab bhe es ki heseat or vajood ko chaylang kiya jata hai to chalak othta hai. Toor per Tajala ki tamunna bay’maeni or la’yaeni the, tub hi surma ho gaya or Musa bay’hosh ho gay. Es kay bar’aakas Hussain ebnay Ali Karbala main aazmaesh per pura otray.

ZULM

Takallaf bat’taraf nazargi main bhe sahi lekin
Wo dakha ja’ay, kab yah zulm daykha ja’ay hai mujh say

Zulm, apni sakht kay etbar say mukhtalif maenvi shades rakhta hai. Wo moaamlah jo jaez or monasib-e-hal na ho, jo hona nahain chahea kar guzarna, na’monasab hotay dakh kar chup sadh layna chashm poshi karna, yah sab zulm kay zumray main aata hai. En suratoon main tovazan barqarar nahain rahta. Tovazan ki kharabi zindgi kay set up per na’khushgowar asraat moratab karti hai. Her wo surat jiss say kharabi ki surat niklay ya kharabi ko janum day ya kharabi k pustpanahi karay, zulm kay khatay ain dala ja’ay ga.

Mahboob kay cheray per negah-e-galat dalna ya os ki aankhoon main aakhain dalna zulm hai. Her doo suratoon ka taalaq gustakhi or bay’adbi say hai. Motbar ki bay’adbi ya os say gustakhi zulm hai. Dakhnay kay hawalah say mazeed dooamoor samnay aatay hain:
1- Dakhnay say havas janum layti hai jo pakezgi ki qatal hai
2- Ba’wazo aankhoon say dakhna khaesh ko obharta hai
Raad-e-sakht kay hawalah say yah pehlo bhe ojagar hota hai kah khas shay ka aam ho jana ya aam karnay ki koshesh karna zulm hai. Aam shay ko khas bananay ki sae bhe zulm hai.

Mahboob ka chehray aam cheez nahain. Agar dakhnay ka silsalah chal nikalta hai to mahboob bazari shay ho kar rah ja’ay ga. Wo tab hi khas rahay ga jab ossay dakhnay ki khaesh, maez khaesh rahay or dakhnay ki kabe jasarat ki ja’ay.
Chand or mafaheem malazah hoon:
Na’ensafi, andehri, (185)
Andhayra, setam, bay’ensafi, bay’rehmi, paap, zabardasti, zoor zeyadti(186)
Eak ka haq kisi dusaray ko dayna, ghasab karna
Kheyanat, badeyanti
Jhalat, tareki
Sach ka chupana
Tovazan bigarna
Apni hadood say baher nikalna, oqat main na rahna
Janabdari
Merit ko mad-e-nazar na rakhna
Badzatt kay hath eqtadar aana/dayna
Shakhassi aazadi ka salab hona/kana
Haqdar ko haq na milna
Monsef ka dabao ya kisi lalach yak hoof ki zad main aana
Gher motaalaq/gher motaheq ko zimadari sompna
Takabat, nakhwat
Bay’sabri, na’shukri
Khudgharzi, mofad parasti, monafqat
Ensan k tazleel-o-bay’hurmati
Allah-o-Rasool ko es tarah na manna jiss tarah manna ka haq hai.
Masherti-o-samaji rovayaat say enharaf
Dhokah, faraeb, hayra phayri
Tajavaz, etdal ka major hona
Tafarqa dalna
Mostaheq ki madad na karna
Gher mosavi salook or tarz-e-amal
Qatal-o-gharat, fasad phalana
Kirpa or deya say hath khench layna
Mall jama karnas

AAFEAT

Ay aafeat kinara kar ay entazam chall
Selaab-e-girya darpey dar-o-dewar hai aj

Neshan aafeat sakoon or kheer kay hawala say motamal hai. Bach kar nikal janay kay leay (Aafeat guzarna) bhe estamal hota hai. Aafeat tasadam ki muthammal nahain hoti. Nasar-ud-din Nasar aafeat ko tadarak say munsalik kartay hain.(187) Tadarak aafeat kay zimmay nahain aata. Entazam main garbar kay sabab aafeat motasar hoti hai. Aafeat, kheer or sakoon ki halat kay mutradaf hai. Es hawala say aafeat mutwazan halat ka naam hai. Towazan kay begarnay ya es main kisi kharabi bandobast main na’kami ya bandobast kay naqas honay ki taraf eshara hai. Es kay narmal or hasab-e-hall bandobast ky maqool ya behtar honay ki daleel hoti hai.

EBADAT

Khoda ki bandgi, paratash, namaaz, poja karna (188)
Dar guzar karna, moaaf karna
Taqva ektayar karna, chughli na khana, rezaq-e-haram say door rehna
Banday kay haqooq ada karna, haqooq ghsab na karna
Allah kay haqooq ada karna
Shara ki pabandi karna
Dagha or fareab na karna, monafqat say kaam na layna
Hamesha sach kehna or sach ka sath dayna
Faraz-e-mansabi dayanatdari say ada karna
Waldain ka ehtaram karna or oon kay sath mohhabat or safqat say pesh aana
Chamchagheri karna, boss ki haan main haan milana
Joroo ka tabey farman hona
Susrali reshta daroon ki “tabeydari” karna, oon kay manfi moaamlaat ki her hawala say taeed karna
Sahib-e-eqtadar ki kursi ki mazboti kay leay ser toor koshesh karna
Jageerdar ka peat mehnat-o-mashaqat say bharay rakhna, sanaatkar kay bank balance main aazafa mazeed azafa kartay challay jana
Mulaan kay ghalat faysilay /fatvay per wah wa karna
Peer sahiban kay kahay ko shara ka darja dayna yap her eai shara samjhna
Mahboob kay hosan ki taref kartay rehna, o ski he demand puri karna
Oorat ki kam say kam umer taeyan karna,
Towazan na begarnay dayna

AADAWAT

Dushmani, mokalfat, khasoomat, makhasmat (189)
Sach per parda dalna
Ghadari
Eain moqa per sath choor dayna yap her dushman say ja milna, monafat
Mahboob ka kisi or ko lift karana
Sarkari dues ada na karna
Asmagling
Zakherta andozi
Kisi porani dushmani ki waja say jothi shahadat dayna
Kisi kay dushman ki khufya toor per madad karna, mukhbari
Ba’zaher kush lekin batan main bughaz rakhna
Kisi ki na’kami kay leay mansubay banana, kisi ka karobar fail karnay kay leay andar khanay koshesh karna

AADAM

Nafi, naysti, davayshi, faqeri(190), Na hona, kam hona(191), gher hazri, nuqsan (192)
Ba’toor sabqa bhe estamal main aata hai maslan aadam adaegi, aadammojoodgi
Madoom
Store main mall ki kami, rasad ka khatam hona, dewaleaa pun
Moot, zindgi kay den chunay jana, faana
Damaghi mazoori, yaaddast ka jawab day jana, kuch baqi na rehna
Taalaq toot jana, koe reshta baqi na rehna
Qaraz ki wapsi ki ommeed katam hona
Shadi, beya, nekah
Malkiat na rehna
Soch say paray, jissay socha na ja sakay
Enharaf, Samaji-o-emrani aqdar say baghawat
Entaha, akheer, anjam, tamam, jahaan saray silsalay khatam ho jaein




AARAZ

Ghalib na kar hazoor main to bar bar aaraz
Zaher hai tera hall sab oon per kahay bagher

Aaraz, gozaresh, estada, dakhast karna waghera kay leay estamal hota hai. Aarzi issi ka roop hai. Yah neshan samaj main mojood tabqaat ki neshansahikarta hai. Aam tabqay eak dusray say kehtay hain. Es kehnay ki hiseat omomi bhi ho sakti hai kasosi bhi, es main ehtaram ho sakta hai, shafqat ho sakti hai. Baap baytay say or bayta bapp say kehta hai.Humsa’ay ko kehnay ki zarootat pesh aa sakti hai. Kehna goya teen tarah ka ho sakta hai:

1- Aam aadmi ka aam admi say kehna, reshtay or taalaq ka koe bhi hawala raha ho
2- Aam aadmi ka samaj kay kisi wadayray say kehna ya aam aadmi a kisi wadayray say kehna
3- Seyasi or moaashi etbar say kisi baray aadmi ka aam admi say kehna

Jab aam aadmi kisi baray aadmi say kuch kehta hai to os main ehtam hota hai. Os ka kehna aaraz kay khatay maion jata hai halaankah os say kisi noqsan ka kadsha nahain hota. Shakhassi hawala say yah kaha aaraz kay khatay main nahain jata. Es kay bar’aaqas kisi seyase moaashi ya hokommati wadayray say kehna khalastan aaraz hi kaha ja’ay ga. Chahay os kay faeday hi say motaalaq kayoon na ho.

Neshan aaraz mahkoom ya samaji haseat main kamzoortar tabqay kay kehnay say makhsos hai. Kehna zaat say taalaq karta hai. Zaat doo tabkoon say taalaq rakhti hai. Zaat say geri baat kehnay kay leay aaraz estamal main aa’ay ga ba’surat-e-degar yah maez kehna ho ga.


OOZAR
Bahana(193)
Enkar(194)
Mazrat, sabab, hujat, etraaz, garefat, pakar, moaafi, taleb-e-afoo
Jovaz, vaja
Kayoon nahain, Ho sakna, hona chaheay
Jawab dava,Wakeel kay dalael, daleel
Taal matool, Hill-o-hojat
Na aanay,na batanay, na karnay waghera ki vaja

UMER

Woh sal (kisi cheez ya shakhas say motaalaq) jo beat gaey hoon, Pehlay say, arsa, waqat, samay
Tajaba
Duration
Sal, mahinay, den, sadyaan
Moot say mohlat ka doranea
Doranea
Paymana, meter
Shab-o-roz
Zindgi, zamana, son,

AESH

Chaen, surakhroe(195)
Aaram eshrat, khusi, maza, khaesh ka pura karna
Shavat parasti, sharaab, oorat ka lutaf,khusi say zindgi gozarna(196)
Aasodgi, khush hali
Qaraz waghera say mukti
Roob, dabdaba, jah-o-jalal
Ekhtayarat milna, aala uhda milna
Taaesh kay lovazmaat faraham hona
Bay’fikri
Aazadi mlna, rehae milna
Bojh utarna
Karobar main taraqqi milna, khoob manafa milna, koe lumba hath marna/perna
(Nashae ko) nasha waghera ka wafar milna
Hosenoon kay ghoul main indar ban behtna
Kisi Pakistani ka foji ofsar hona
Kisi gareeb ko peat bher roti milna
Mooj maela, koe pouch guch na hona
Kisi or ka mal mooj melay per bay’daraegh orana
Fazool kharchi
Shadi hona
Kisi ameer garanay ka damad banna
Kisi ka mahtaj na hona
Dushman per ghalib aana
Dushman ka gharat hona, dushman ki barbadi, dushman ko apni perna
Juram kay baad tahafaz milna
Aakharkar bemar ka sehatmand hona yap her Allah ko peaaray hona
Qaraz wapers mil jana
Ensaf milna
Tanggi sakhati khatam hon

GAROOR

Etrana,
Ghomand, aakar, fakhar, takabbar, khud beni
Her moaamlay main apnay kahay ko motbar samajhna, khud ko haraf-e-aakher janna

Taqat, eqtadar waghera kay hawalay say kisi ko khatar main na lan
Khud ko chodri samjhna
Kisi baray say taalaq ki bana per akar dekhana
Dusroon ko hqeer janna
Zalim, setamgar
Khud ko hosein tarein janna
Dhons, dhons say apni manvana
Malldar, sahib-e-ehtayar ya taqatver honay kay sabab qanoon, qaeday, assool or zabtay say khud ko balatar samjhna
Aaloom-o-fanoon main khud ko yakt-e-rozgar samajhna
Kisi honnar main khud ko pukhtakar samjhna
Taqat ka nasha
Yah na samjhna kah koe mera kuch bigar sakta hai
Her kisi ko apni jeab main samajna
Ebadat-o-riyazat kay sabab khud ko motbar or mohtram samjhna
Baray baap ki olaad honay per garab

GHAZAB

Dar khor-e-qeher-o-ghazab jab ko hum san a howa
Pher ghalat kiya hai kah hum sa koe peda na howa

Yah nesha, khrabi, zulam, zeyadti, or qaher mani kay leay makhsos samjha jata hai. Yah qudrati hosakta hai or shakhassi bhi. Halaat kay tehhat ghazab ki surat nikal sakti hai. Halaat ban saktay hai. Halaat bana’ay ja saktay hain. Ensan ki kisi ghalti kay sabab halaat peda ho saktay hain ya garift na rehnay ki surat main sabab ban saktay hain. Issi tarah qudrati aafat kay hawala say ghazab ki suratain nikal sakti hain. Pas-sakht jhankain to yah neshan emteyaz ko waey karta howa mehsos hota hai. Yah kisi shakhas ki baladasti ya masheat kay jabr ko bhi wazey karta hai. Es neshan ko mazeed deconstruct karnay say eak tesara magar musbat pehlo samnay aata hai yaeni kamal or khoobi urdu main “ghazab karna” mohavaray main aata hai. Tahum dhoka khana janay kay leay bhi motamal hai. Jab moaamla aam say aagay chala jata hai to ghazab kehlata hai. Karna jab aakhri haad ko cho lay to ossay ghazab kaha ja’ay ga. Bardasht jab haad say guzar ja’ay to yah bhi ghazab (Ba’maeni kamal) ho ga. Mazeed zulam ki, Hussain bardasht ki haad main na rahay, yah ghazab hi to tha. Pehlay say ya mojood say aagay aana ghazab kay zumray main aata hai. Pehlay mojood falah-o-behbood ya tazleel-o-tabahi main bher jana ghazab kehla’ay ga. Kuch or mafaheem malahza hoon:
Qehhar, ghusa, aafat, mosebat, bay’ensafi, zulam, kalma, hayrat or kalma, mobalgha bhi, bohat, az haad, bayja baat, adhaer, zabardasti, bher cher kar, acha, unda (197)
Zulam say cheen layna(198)
Unhoni
Bay’khabri
Baychaini, bay’qarari, eztarab
Tovaqo tootna
Bevi kay pakvan main noqas nikalna
Amrika kay seva kisi or ka taqat pakarna
Gurbat, muflasi, aflas, mosebat, bala, kharabi, borae, paap waghera
Ghurabat, perdas
Roti talan karna
Moqarra waqat say zeyada kaam na karna
Taqatvar ko mazeed taqatvar bananay main moaavan sabat na hona
Sach bolna, monh per sach kehna, jabar hakam kay samnay kalma-e-haq kehna
Mokmoka kay bagher kaam kara
Dhon na sehna
Apni bhi kehna
Tokna, tokae karna
Masvara dayna, humdardi karna
Waldain ko oon kay bachoon ki aadat-e-baad say aaghah karna
Kisi ko apna samajhna
Mohabbat, ulfat, chahat
Taqatvar kay moaamla main kaan or aankhain khuli rakhna
Kisi chotay ko kuch milna ta mehnat say hasal kar layna
Susrali reshtadaroon say tovaqo rehna or oonki tovaqo per pura utrana/na urtarna
Sach much or dil ki gehraeoon say kisi ko chana
Assooloon say enharaf
Maez dua per enhasar
Lught ko haraf-e-aakhar janna
Kisi neshan ki mojooda tashreh ko aakhri tashreh janna
Maal-o-manal or taqat ko la’zovaal samajhna
Shoor zameen main beaj dalna, banj oorat per veraj zaeaa karna
Kisi na’jaez hawala say veraj ka zaya hona/karna

GHAM

Bohat sahi gham-e-giti sharaab kam hai
Ghulam-e-saqi-e-kosar hoon mujh ko kiya gham hai

Es nesha(Sign) kay madlool (Signified) ranj, dukh, sadma, takleef or parshani samjhay jatay hai. Masael ka hall na hona yap her masael peda ho janay ki surat main jo zehni kefeat ped ho jati hai ossay gham ka naam deya jata hai. Halaat kay na’khshakgovar hony per peda honay walay tasasr ko bhi ghem kaha jata hai. Kisi cheez kay chen janay ya kisi kay mar janay say jo ehsasaat janum laytay hain gham ka naam patay hain. kisi na’gehani hadsay sadmay ya dukh kay leay bhi gham ka neshan estamal main aata hai. Pesh aa’ay ya aa’nay walay moaamlay say peda honay wali surat/halaat (Sitution) ko bhi gham ka naam deya ja’ay ga. Qaraz ki aadam aadaegi ya aadamvasoli yap her zaroorat ki aadam dasyabi ka dukh hota hai or es hawala say mausi se ho jati hai. Ya sari haltain gham say tabeer hoti hai.

Raag saklhat kay hawala say gham shakassi mood ka naam hain hai ya essay mazaj ka huzniaa kaha ja sakta hai. Zoroorat main koe moaamla vaqo main aa giya to bhi yah amal (gham) samnay aata hai. Pesh aanay ka khasha bhi es raad-e-amal say dochar ho sakta hai. Es neshan kay aagay(Post) dakheay es ka reshta ensan ki shakhassi kamzoori, moqabla na karnay ki hemmat, basat na hona ya entahae moshkal gozar surat say, yah kefeat peda ho sakti hai. Es dall ka madlool aasab ko kamzoor karnay wala Onsar (Element) qarar pata hai. Es kamadlool yaqeen or etmad ki kami ka paymana kaha ja sakta hai. Aanso gham kay honay ka ehsas dalatay hai. Gham ka madlool mayassar na aana ya chen janay ka khadsha bhi therta hai.
Chand or maeni malahzahoon:
Ranj, dukh, sadma, afsos, malal huzan, aalam(199) ando(200)
Pareshani, fikar, taradad, chinta
Shuba, shaq
Khatra, andaysha
Bimari, aalalat, arza
Bukh peyas, gurbat, muflasi
Olaad ka na’laeq or na’farman hona
Hoher ko garefit main karnay ki sochain
Dastarass say nikalna, garefat dheli perna
Kisi dusray ko kuch milna
Matehhat ki talab
Na’tajarba kari
Zindgi ki door main kisi or ka bhi aagay bherna/nikalna
Taseem na karna
Baad nami, baad bakhti, rosvae, bay’ezati
Pol khulna
Qaraz na milna
Tovaqo othna
Chotay ka bhi ezzatdar kehlana
Karobar behtna
Kisi aziz ki moot vaqey hona
Mahbooba ka monh na lagana ya kisi or say shadi kar layna ya taalaq ostavar kar layna
Modmay main phansana
Mokhalif ka moaaqaf mazboot hona
Bayti ka reshta na aana

GHUNCHA

Kali, shagufa, baykhela phool, bheer, hajoom (201)
Allar matyar, aysa loonda jiss ki masain abbhi bhegi na hoon, kanwari
Abtadae satage, shrooaat
Baat abi kahi na gae ho
Raz, ser, khufya
Jiss kay motaalaq (moloomat ki kami kay sabab) ra’ay dayna mumkin na ho
Jiss kay hawalay samnay na aa’ay hoon
Jiss ki estadad posheda ho, jiss kay johar abbi khullay na hoon
Neo’behata jora
Jiss utras nay abbi saparm na lea ho, hamla na hoe ho
Neo’molood
Baykhabar, maasoo, bhola bhala, gona day bay’khabar
Hamalal ka pehla mahina or aakhri mahina
Neowarad

FARAGH

Faragh mujhay na jan kahmanid -e- mehar
Hai dagh-e-eshaq, zenat-e-jaeb-e-kafan hanooz

Kaam makammal kar layna, kaam ka na hona, es neshan say donoon halatain moraad hain.Kaam na hona samaji jamood ki taraf eshara hai. Mutharak samajoon main faragh kam hi mayassar aata hai. Kaam makammal kar laynay ki surat main zehni aasoodgi mayassar aati hai to aadmi aaram karnay ki socahta hai yap her taeash ka koe hawala talashta hai. Raad-e-sakht say aalag kar dayna or nikal dayna kay mafaheem samajh main aatay hain. es neshan ko dobara deconstruct karain to yah masroof ka mutzaad maloom nahain hota kayoonkah faeaghat tavanae bahall karti hai. Tavanae kay bagher masroofeat ka sawal hi nahain othta. Goya faraghat tavanae bahall arnay ka zareaa or lazma hai jabkah fursat ko faraghat ka mutradaf khayal kiya jata hai. Sakhtyati hawala say yah nazreaa batal qarar pata hai. Fursat, maroofeat kay batan say janam layti hai. Issay tovaqaf ka naam bhi deya ja sakta hai. Yah thori dheer kay leay hoti hai. Fursat moaamlaat say la’taalaq honay ka naam hai jabkah faragh, masroofeat say thora la’taalaq ho kar dobara phehli ya os se musroofeat ki taraf phernay ka naam hai.

Kitni aajeeb baathai kah faraagh main bhi aadmi masroof hota hai kho woh koe entertainment hi kayoonna ho. Ghalib ka kehna hai:

Dil main aa ja’ay hai hoti hai jo fursat ghash say
Or pher koon say nalay ko rasa kehtay hain

Yahaan fursat ko najaat kay maenoon main estamal kiya gaya hai. Ghoor karain ghash skoon kisurat bhi hai. Jab tak ghash hai “Dil main aa ja’ay hai” ki surat nahain hoti. Joonhi hi ghash ki lalat khatam hoti hai “ Dil main aa ja’ay hai” ki surat peda ho jati hai, jisay Ghalib masroofeat ka naam day rahay hain.

FITNAH

Jugra, fasaad, hangama, bava, sar kashi, aazmaesh, gumrahi, mall, oolaad, eak etar ka naam, devangi, nahaet sharer, shokh, aafat ka parka(202)
Sharati, sharer, fasadi, ghagraloo, ghagra dalvanay wala
Kharabi, borae
Zala, faraoon khaslat, setamgar
Bay’eatbara
Dheet, bay’sharam
Hosein, garvedah kar laynay wala
Dao pech jannay wala
Wajah
Aazmaesh
Jiss ki koe kal sedhi na ho
Lagae bhojae krnay wala
Hoshyar, chalaak, aayar, makkar
Lifta, lafanga
Andaysha, khadsha
Khoof dar
Mosebat, bala, pareshani, qeyamat, dukh, ranj
Vada khalaaf, bay”vafa
Zar, zan, zameen
Kort kachehri, moqadmah bazi
Qatal-o-gharat
Tafarqa, tafarqa dalnay wala
Karobar main saanj
Shadi, jahiaz
Ghaddari mukhbari
Dusray per enhasar
Bhari hoe khud etmadi
Gharoor, takabar, nakhvat, garoor
Aamanat
Qaraz, odhar
Bevi, mahboobah
Tangi tursi,moflasi, gurbat

FAGHAAN

Faryaad, nalah, gerya zari, shoor (203)
Vavayla,ghogha, ah-o-zari (204)
Mazloom ki pokar
Katray or na’khushakgovar halaat ka rona dhona
Chekhna, rona dhona
Bipta, dukh bhari kahani
Mutvatar apn hi dukh kahay jana
Estaghasa, dakhasat, eltamas, eltaja, estada
Mosebat, dukh, ranj ya pareshani main madad talab karna
Bekhari ya zaroorat mand ki aavaz
Kisi apnay ki moot ya bichar janay par sadmah-o-gham ka ezhar

FANA

Na’pedi(205), naysti, moot, halakat, barbadi, na’bood, nayest, Estalah-e-tasavaf main hadoos or qadam kay faraq k doo karna(206)
La’yaeni or bay’maeni therna
Na’kara hona, baykar hona, kisi kaam ka na rehna
Raddi hona nakamma hona
Tabah-o-barbad hona
Ladlay or naz nakhray walay
Taleem hasal na kar sakna
Nashay ka aadi hona
Lot jana, devaliah nikalna, zabardast khasara hona
Esi toot photo jiss say koe cheez kaam kin a rahi ho
Zehni tovazan kho dayna
Kisi hunar mand, mehnati or sahib-e-danesh ko kapatti run milna
Koe bohat bara gonah/paap kar bhitna
Darmeyan main choor dayna

QATL
Jan say mar dalna(207), Khoon karna, Halaak karna (208)
Jafa karna, bay’wafae karna
Aas ommeed toorna
Bay’gher karna, Aalaqay say nikal dayna
Oper chara kar ceri khaench layna
Bay’basi, bay’kasi’la’chari orbay’chargi main sath choordayna
Karobari dao pech aazmana, moflas-o-qalash kar dayna
Aazadi cheen layna
Haq par daka dalna
Wadah karkay mokar jana
Kisi or say shadi kara kayna
Laray lagana

QAZAA

Kabhi aa ja’ay gi kayoon karay ho jaldi Ghalib
Shohrah taezi-e-shamsheer-e-qazaa hai to sahi

Yah neshan moot or fana kay leay mostamal challa aata hai. Waqat per na kar saknay ya na honay kay leay bhi bola jata hai. Es hawala say qazaa late, dayri wagherah kay maenoon main bhi estamal hot hai. Jahaan bila erada kaam rok ja’ay (na kay rok deya ja’ay) or ossay pher shoroo na karna ho, ko bhi qazaa kaha ja’ay ga. Goya yah na’gihani rok ho gi. Kaam bila takmeel rooknay ka eradah nahain hota. Nagihaan, aproch say baher ki cheez hai. Zara or aagay (post) dekhain, qazaa kay maeni madoom hona kay hain. Koe teesri qoovat madoomi ka sabab banti hai. Yah shakti pehchani se ho kar aproch say baher hoti hai. Ws ka warad hon teh hai, kab hona hai, yah bhi teh hai kah aachanak warad ho gi or sakoot-o-jamood kasabab ban ja’ay gi.

QATRAH

Qatrah darya main jo mil ja’ay to darya ho ja’ay
Kaam achcha hai who, jiss kas maal achcha hai

Qatrah badi-ul-nazar main maez eak boond hai, ba’qool Yosaf Saleem Chisti:


“(Qatrah) apni zaat main bohat haqeer shay sahi lekin jab who darya main
mil jata hai to darya ho jata hai.” (209)

Goya woh haqeer shay nahain rehta. Sakhtyati hawala say yah eahk esi aakae hai jo bihat bari wahdat ki taraf pherti hai. Ya yah who aakae hai jiss par eak bohat bari wahdat ki basat khari hai. Yah na ho to darya darya na rahay. Es hawala say qatrah haqeer shay nahain rehta. Pas-e-sakht dekhain, qatrah ebtada, shorooaat, aaghaz, strat wagherah say jura howa hai. Darya ki bana yah qatrah hi to hai.Qatray ka taalaq darya kay asbaat say hai. Agar zameen qatra chus lay to darya kayoonkar ban pa;ay ga. Es say doo batain samnay aati hain:

1- Qatrah darya kay honay ki daleel hai
2- Qatray main darya honay ki salahiat hai

Neshan qatrah ko deconstruct karain, qatrah kisi bari takhleeq ki, takhleeq, asas or os kitaraf phernay ka naam hai. beaj kisi bohat baray darakht ki takhleeq ka zareah hai jabkah beaj darakht ki kokh say janam layta hai. Bahartoor doonoon ka eak dusray per enhasar hai or eak dusray ki hayat or baqa kay zaman hain. Ensan eak qatray say vajood hasal karta hai. Eak ensan kay qatroon say kae vajood say humkinar hotay hain. Sakhtyaat ki thuri kay motabaq qatrah haqeer nainhai, yah bohat say reshtoon, hawaloon,wastoon say jura howa hai. Dusri, tesri ki, tesri chothi ki vaqo pazeri ka sabab hai or yah silsalah kabi na khatam honay wala hai.

Kisi takhleeq ka hona kafi nahi hota, os kay ander mazeed ki salahihat ka hona zaroori hai. Agar yah salahihat nahian hi to os ka hona ya na’hona baeabar hai. Yah mumkin hain hai kah salahiat to mojood ho lekin kaam main na lae ja rahi ho. Qatrah darya ki magbori hai lekin darya qatray ki majbori nahain kayoonkah woh apni zaat main drya hai or yah ossay maloom nahain hota. Qatray ko kaam main lana, darya ka faraz, zaroorat or majboori hai. Halaat mokalif hoon, yah qatray ki baad’nasibi ho gi.Ghulam Rasool Mahar kehtay hain:

“Qatray ka darya ban jana natejay or anjam ki achae ka bade sabot hai.”(210)

Qatrah goya issi salahiat hai jo dekhnay main haqeer hai lekin apnay batan main kuch honay or kuch kar guzrnay ka kamal rakhta hai. Mamoli say gher mamoli banna o ski fitrat ka lazmah hai. Agar woh gher mamooli ban jata hai to issay os ka achcha maal samjha ja’ay ga ba’surat-e-degar qatray kay maal par taasaf karn parray ga.

QEYAMAT

Qaem karna, khara karna, rooz-e-maashar, Woh den Jab murday zindah ho kar kharay jaein gay. Rooz-e-hesaab, rooz-e-jaza, zananah daraaz, moot, ajal, anokhi baat, ta’aajab, aafat ghazab, bohat zeyadah, qehar, ghusa, vavayla, odham, shoor-o-gul, halchal, khalbali, andhear, zulam, na’ansafi, mosebat, chalaak, chulbala, fasadi, afsoos, dukh, daregh, ranj-o-malal, mushkal, sushvar (211)

KARESHMAH

Aankh ki jhupki, naz, nakhra, ghamza, aanokhi baat, hirat angaez baat, karamaat, ejaz, karashm, aankh or bhoon ka esharah (212)
Ejaad, alamat, neshan (213)
Martay martay bach jana
Kisi wahabi ka khatam wali shay kha layna ya kisi mazar per challay aana, kisi peer faqeer ko ezzat-o-ehtaram dayna
Bokheel kharaet or daan dayna
Scienci ejadaat
Unhoni aamadgi
Bay’mosami phal or sabzeoon ko mayassar aana
Maghroor or moodi hosena ka jall main phansana
Kisi bevi ka shohar kay gon gana
Mosebat ka bila koshesh tal jana
Nafrat/dushmani ka dosti or mohabbat main badalna
Urdu main farsi mafaheem kay sath estamal main nahain aata. Urdu main dakhal ho kar kae or unhaad kurroon say jur giaa hai. Her jagah unhoni, mojza yap her karamat kay mafaheem dayta hai. Ghalib kay haanbhi issi qesam ki kafeat leay howay hai:

Rahay kareshmah kah yoon day rakha hai hum ko faraeb
Kah bin kahay bhi onhain sab khabar hai kiya kahiyay
Faraeb, naz-e-mashoqana(214)
Poshay bagher hal maloom hona (215)

KABAH

Baet-ul-lah, qiblah, chakoor (216) moraba, Makkah Mokarmah, maqam-e-haj (217)
Walad sahib, waldain
Mohtaram shakhas, peer-o-murshad, hadi
Aamar, khud mukhtar badshah
Afsar-e-bala ka daftar, White House, GHQ, Inpectorate, Police and jail khana jaat)
Joraj Bush
Mahboob, moheb, habeeb

KAFAN

Dhaanpa kafan nay dagh-e-aaub-e-bahanggi
Mein warna her lebas main nang-e-vajood tha

Kafan mudoon ka lebas hai. Bunyadi toor per yah lafaz Arbi hai or Musalmanoon kay hawala say Urdo main dakhal howa.

Murdah gher mutharrak vajood hota hai es leay yah o ski mojoodah halat kay motabaq banaya/selaya jata hai. Yah lebas o ski naqal-o-harkat (Agarchah nahin hoti) ko rook dayta hai. Agli parat otaein lebas kisi qesam ka ho “Dhaanpta” hai. Ghulam Abbas ka afsanh”Over Kot” ba’toor-e-masal lay saktay hain. Kafan sofaed rang ka hota hai es par koe dhabah nahain hota. Sofaed, her munfi ko raad karnay ki aalamat hai. Goya othnay walay ko sofaedi main lipaet kar masoom, bay’gonah, povettar, sulah pasand, aman pasand wagherah honay ka sabot faraham kiya jata hai. Sofaedi moaasi say bala honay ki aalamat hai. Yah dusray tamam lebasoon say mukhtalif hota hai or es main jasad ka koe hessa nangga nahain hota. Kafan poshedgi ka bay dagh zareah hai.

.KKHAIEL

Bazi, bazicha, dil behlava, aaseer, mashghalah, karegari, kaam, kaaj, feal, dhanda, sehhal, aasan (218)
Kisi ka jan layna, Onth kay sath bachay ko bandh kar onth race jetna
Kisi hosena ka marad ko naz nakhray dekha kar garvedah bana layna
Jhuti mohabbat ka dhong rachna
Jhut, dhokhah, fareab
Sabaz bagh dekhana
Gareeb say roti cheen layna
Majboor-o-bay’bas ka mazaq orana
Kichar say phesal kar girnay walay per hansana
Cha’at par charha kar seri khanch layna
Kisi ki jaeb pr hath sf karna
Sar-e-mehfal sharmindah karna
Matehhat ki bay’ezzati karna
Kamzoor ki patae ya bay’ezzati /karna
Zaana, chori, asmagling, ghadari, janab dari, na’ensafi, wadah khalafi, mukar jana, manafqat, seyasat
Chokidar ka gher waloon ki chatrool karna or onhain bandooq ki nooq per rakhna
Kamzoor kay aasasoon/mal par moj mayla karna
Kamzoor ki bahoo bayti ko apni malkeat samjhna
Zeyadah jahiaz ki talab karna
Chota chashmah jiss say moaaseoon ko pani pilatay hain
Fatva bazi/sazi
Lhavand ko olloo banana
Khavand/aasehq ki jaeb saf karna
Jhutay waday karna
Mazhab or zindgi kay motabar hawaloon say enkar or oon ka mzaq orana

GADAA

Faqeer, bhikari(219), mangta, gareeb, moflass(220)
Dunya ki her cheez say bay’niaaz shakhas, bay niaaz, farsi missal hai:gadaa badshah hast-o-namesh gadaa asst, gadaa (apni zaat main) badshah hai woh meaz naam ka gadaa hota hai
Talib, sael, zarooratmand, jiss ki koe hajat na ho, dast-e-sawal daraz na karnay wala
Moheb, asheq
Wasa ki darkhasat karnay wala
Nabi-e-karim ka asheq, asheq-e-rasool
Allah loog, mttaqi, zahid, davayesh, takya nasheen, bay’niaaz shakhas
Jissay mall –o-dolat jama karnay ki havas ho
Reshvat khoor
Jo havas-e-eqtadar rakhta ho
Ghar ghar ja kar vote mangnay wala kisi seyasi seat ka ommeedvar
Jo khud ko eqtadarki kursi kay leay pesh karay
Qaraz ki wapsi ka taqaza karnay wala
Naam neha peer hazraat
Jiss ki koe anna na ho
Jiss ka devaliaa nikal giaa ho
Jiss ki market main sakh na rahi ho
Qaraz par chalnay wala
Mahtaj
Jo merit say bala hasoli ka khan ho
Jiss ki white house kay bagher na chalti ho
Pakistani maeshat
Jo advice par chalta ho

GARDESH

Raat den gardesh main hai saat aasmaan
Ho rahay ga kuch na kuch, ghabraein kiya

Gardesh ghomnay, harkat karnay or chalnay say mansoob hai. Ghoomna, harat karna ya chalna tehshudah hota hai kah os ka koon sa andaz or koon se samt ho gi. Es ka yes the shudah or makhsos andaz say andaza karn hota hai kah gardesh kay kiya netaej baramad hoon gay ya es gardesh kay saba kch na kuch ho kar rahay ga. Gaedwsh kay sath nataej wabastah hain. Es tarah gardesh ka her natejah , gardesh ka madlool qarrar pa’ay ga.

Harkat ki koe na koe manzalya muntaha zaroor hota hai. Who kisi na kisi taraf bher rahi hoti hai. Ooj ya tanazzal, kamyabi ya na’kami, es kay sath munsalikrehtay hai. Gardesh harkat ka hi mutradaf hai. Gardesh kisi kay aana ya honay ka dall haiyah kisi na’gozeer vaqoo pazeri ki aalamat hai ya issay issi harkat ka naam day saktay hain jo kisi muntaqi ya gher muntaqinatejah ki taraf bher rahi hai.

GAARAM

Uzvay makhsos ko nishanah banay ki khaesh ki shisat
Shavat, bheri hoe shavani khaesh, shavani hess kitaezi
Gussa, taesh,tao
Baess-o-takrar
Moqa, who moqa jab mamuli koshesh say kaam ban sakta ho
Teazi, bhao bherna
Rovani
(July, aguest) kay den
Maang main aazafah zaroorat, talab
Talakh mazaj, sakht mazaj
Taza, Bilkul nae abbi abbi
Jiss main abbi dam baqi hi
Josh, obal,jazba
Jo abbi abbi mara ho
Tap, bokhar
Fori (Chulay say otri/otri)
Jari, baat abbi khtam na hoe ho
Dharallay wali
Mar dhar say bher poor, jiss main action zeyadah ho
Teaz raftari ya mutvatar estamal say hea bherna
Jo khoof tari karay, issi shedat kah dil dehhal ja’ay, shedat
Jalta howa, Dehkta howa, ekhtalaat rakhnay wala, mostaad, tund, teaz, khafa,naraz
Garam assar rakhanay wala, teaz dhar, shookh, chulbala, safravi, ba’ronaq, ghalib, laeq, pur’assar, purzoor, bohat zeyadah, (Tabay feal) shataab, jalad, khoob, kharay, chokay (221)

GUSTAKH

Bay aadab, bay’sharam, shookh, na’shaestah, gher mohazab (222)
Baad tameez, baad zoban, zoban daraaz
Turki ba turki javab daynay wala
Aap say baray ko aakhain dekhany wala
Sahib-e-haseat ki barabarri karnay wala
Gabar hakam kay samnay kalma-e-haq kehnay wala
Jo boss ki TC na karta ho
Apnay say baray takray ki shakaet karnay wala
Jo officer ki bay’ezzti na karay
Vote daynay say enkar karnay wala
Jail khanay main jailer kay seva mun mani karnay wala
Zalam or jabar ko bura bhala kehnay wala
Officer kay samnay qanoon ka hawalah daynay wala
Suchcha or khara
Monh par keh daynay wala
Matoob
GHQ ka raenda, white house ka munkar
Wapas mangnay wala, odhar day kar wapse ka taqaza karnay wala
Haan main haan na milanay wala
Mukhsoos mehvar/kurray say baher nikalnay wala
Molvi ko juhak kar salam na karnay wala
Naqaad, kiay main kiray nikalnay wala

GHAR

Makan, khana, rehnay ki jagah, makan, thekana, khool, kase, bhat, kho, bil, ghonsala, aasheyana, watan, daess
Ja’ay padaesh, khandan, gharana (223)
Qabzah, malkiat, zaati
Zaat, apni zaroorat
Therao, parao, jahaan dyra dal leaa ja’ay
Jahaan ji lag ja’ay, jahaan ji lagta ho
Dhur
Dil, mun, rooh, damagh, aakhain, zulfain, daftar, edarah
Jahaan aaram-o-sakoon milta ho
Jahaan shab basi ki ja’ay
Who baat jo koshesh kay ba’vajood bhool na saky
Aadeo video kaesat,falopi, cd
Jahaan tahafaz mehsos ho
Mahfooz karnay ki jagah
Daftar adarah kay loog
Mall waghera jama karnay ka mokam

GOVAH

Haan main haan milanay wala (Baat ya moaamlah kay hawala say), gomashtah
Tasdeeq karnay wala
Kisi moaamlay main shareek na hotay howay bhi fareeq
Jo moqa par mojood tha
Jhuta, darogh go, baat ko toor maroor kar batanay wala
Yah keh kar kah who wahaan mojood tha biyan daynay wala
Moqa par mojoos
Shahid, sabot baham ponchnay wala (224)

LAASH

Murdah, jisam, kharab, dubla (225)
Bay’hiss-o-harkat
Na’laeq, nakamma, jo kisi kaam ka na ho
Buzdil, jo midan karzar main utarnay say ghabrata ho, bay’hemmat
Bay’kar, jo karaamad na ho
Kath putli, kisi kay esharoon par nachnay wala
Jiss ki apni koe marzi na ho
Jiss ka devaleaa nikal giya ho
Jo kamae wagherah na karta ho
Jo chalnay say mazoor ho
Arsa say bimar or kaam kaj na kar raha ho
Jiss ka out put sefar ho
Arsa say kaam main na aa raha ho
Jiss ka johar nikal leaa giya ho, pokh, chusa howa
Jo sarmaya doob giya ho
Doobi hoe asami
Bay’kar or kharaab pari machinery
Zeer dast
Jiss ki apni koe ra’ay na ho
Gurbat, Mufalsi, bay’chargi, bay’basi ka mara howa
Jo faedah na poncha sakta ho
Porani emarat jo kisi waqat bhi gir sakti ho
Seem thoor, shoor zadah aarazi
Banjh oorat ya banjh mard
Bay’maenivat, la’yaeni zindgi
Bheek or odhar par zindgi basar karnay wala
Woh jo samaji or emrani hawaloon say kat giya ho
Woh vasael jo qabzah main na rahay hoon

LAAG

Laag ho to es ko hum samjhain lagao
Jab na ho kuch bhi to dhokha khein kiya

Laag, dushmani jabkah lagao dosti kay maenoon main estamal hota hai. Yah doo lafaz issay hain jin ka maakhaz mothhed or maeni mutzaad hain. (226) Dosti dushmani dunya main eak sath challay aa’ay hain. En donoon kay sath ajnabeat mutvazi mutharrak milti hai. Laag or lagao main taalaq mojood hota hai jabkah ajnabeat main koe reshtah koe taalaq mojood nahain hota. Reshtah koe sa bhi ho taalaq ka mutqazi hota hai. Es neshan kay pas-e-sakht soo ammoor mutharrak nazar aatay hain:

1- Ehteat 2- war karna ya karnay ki koshesh karna

Agar yah donoon aanasar madoom ho jaein to lag ka taalaq khatam ho jata hai. Neshan Laag eak wastah/taalaq lay kar samnay aata hai. Yah wastah/taalaq jitna shaded ho ga apnay markazay ki taraf pherna shoroo ho ja’ay ga. Jahaanlaag or lagao eak hi neshan ka hessa hain. lagao or lag kay pechay ehmeat karfarma nazat aati hai. Her unsar par hi her qesam kay taraz-e-amal ki bunyaad parti hai. Es taraz-e-amal ka taalaq fard-e-wahad say nahain hota. Maslan eak shakhas kay jhut ki bena par dusroon ko lag hai. Yah eak shakhas ka maslah nahain. Jhut boltay waqat jhut bolnay wala or jhut sunnay wala mar jata hai. Jhut ki tafheem or jhut say lag donoon ka samaj say reshtah ostavar kiya jata hai.Es hawalah say lag ka madlool qar

_________________
iushah
Sat Sep 15, 2007 10:47 pm View user's profile Send private message
sahiba
Full PK Member
Full PK Member


Joined: 03 Mar 2007
Posts: 239

Reply with quote
Buhat khoob.
Sun Sep 16, 2007 2:23 pm View user's profile Send private message
Dr Maqsood Hasni
Senior Member Pakistani
Senior Member Pakistani


Joined: 09 Jun 2007
Posts: 979
Location: punjab

nishanyaat-e-ghalib kay ------------ Reply with quote
bari bari meharbani.
Allah aap ko kush rakhy.

_________________
iushah
Sun Sep 16, 2007 10:11 pm View user's profile Send private message
Display posts from previous:    
Reply to topic    Forum Pakistan - Pakistani Forums Home » Urdu Adab All times are GMT + 5 Hours
Page 1 of 1

 
Gupshup Forum: Urdu ForumIslam ForumPakistan Army ForumAap Ka SheharNaukaryPakistani Visa
Desi Sports and News: Live CricketSports ForumAkhbar OnlinePakistan EventsWorld News Discussion
Entertainment Media: PTV ForumGEO ForumLollywood ForumBollywood OnlineHollywood ForumDesi Radio
Desi Masala Forums: Gupshup Chit ChatComputer GamesMusic ForumDrama ForumsGhazal ForumDesi FashionDesi Food
Official Forums (Government Department): Dak Khana ChatPolice ForumWapda OnlinePTCL ForumUfone ForumRailway ForumSehat Chit ChatTaleem OnlineTax Forum PKZameen ForumAdalat Forum


Pure Pakistani forum to express your views, thoughts with complete freedom. Archives 1 2
Copyright © ForumPakistan.com 2013 All rights reserved.

Contact Us | Advertise | Report Abuse | FP Team | Disclaimer