moalaj to masiha hota

moalaj to masiha hota hai os kay methay aur tasalli amaiz bool, hamdarddana rovaeya aur mareez kay liay reshmi muskarahat aab-e-hayat say kisi tara kam nahain hoti. yah sab mareez main zindgi ki lehhar dora daiti hai likin kiya karain hamaray haan olti ganga behti hai. hamaray aksar moalaj (khasusan sarkari haspataloon kay), moalaj kam sodagar aur -----------zeyada daikhnay ko miltay hain. onhain kisi ki taklif, zindgi aur moot say gharaz nahain hoti. baz oqat yoon lagta hai zameen ki khadae oon kay hath lag gae ho jisay chahain ghoray bakhshain jisay chahain apc ki eak goli say bhi tashna rakhain. onhain zati kamoon aur zati masrofyaat say hi fursat mayassar nahain aati. sarkari haspataloon kay es qesam kay moaljein ki halat-e-zar ko daikh kar bara afsus hota hai.
kasur kay shoba zanana ki eak medical officer bhi kuch essi qersam ki hain. oon ki tamkanat jah-o-hashmat, jalal, bolnay daikhnay kay toor aur karakht tarein taraz-e-takalam say mareez par larza tari ho jata hai. thora bohat mojood khoon bhi khushak ho jata hai. woh moalaj kam kisi thanay ki thanaydar zeyada lagti hain. kisi sarkari molazam aur awami khedmat'gozar say es qesam ka tarz-e-amal acha nahain kaha ja sakta.
yah to mehz eak misal hai jinay kitnay log es qesam kay nam'nehad awami khedmat'gozaroon kay es tara kay taraz-e-amal say nalaan hoon gay.
janay kitnay log aglay jahan ki rah laitay hoon gay. aakhar en ka qibla koon darust karay ga aur kis tara karay ga.

_________________
iushah

try 2 b brief