Forum Pakistan
New User? Register | Search | Memberlist | Log in
Forum Pakistan - Pakistani Forums
Pakistani forum to discuss Pakistani Media, Siasat, Politics Talk Shows, Khaber Akhbar, Khel, Cricket, Film, Dramas, Songs, Videos, Shairy, Shayari, Pyar Mohabbat ki Kahani, Tourism, Hotels, Fashion, Property, Naukary Gupshup and more.
Watch TV OnlineLive RadioListen QuranAkhbarFree SMS PakistanResults OnlineUrdu EditorLollywoodLive Cricket Score
Government DepartmentsKSE Live RatesUseful LinksJobsOnline GamesCheck EmailPromote us
GEO News LiveGEO NewsDawn News Live TVExpress News

lisanyaat say motalaq kuch sawal jawab


Bookmark and Share
 
Reply to topic    Forum Pakistan - Pakistani Forums Home » Urdu Adab
lisanyaat say motalaq kuch sawal jawab
Author Message
Dr Maqsood Hasni
Senior Member Pakistani
Senior Member Pakistani


Joined: 09 Jun 2007
Posts: 981
Location: punjab

lisanyaat say motalaq kuch sawal jawab
lisanyaat bara ahum aur hesas subject hai es par kam hi likha parha jata hai. ahbab ki dilchaspi kay liay main nay sawalan jawaban es mozoo ko chera hai kayoon kah es hawala say bhi aaghi rehni chahiay.
1- Zoban ka safar kab tehrao, oljhao aur pachidgi ka shakar hota hai?
Tazabzab, sakoot aur la’yaenat kay door main.
Bay’fikri aur sakoon kay door main.

2-Zoban ka khameer kin kin aanasar say othta hai?
Kiya en aanasar ka taalaq waseab say bhi hota hai?
Shakhas kay aalaat-e-notaq aur moaawan aalaat-e-notaq.
En say say aavazain nikalti hain aur en hi kay hawala say estamaal main aati hain
aalaqa, mahool, zarorat, aab-o-hawa, mosam
Moaashrat/ motalqa waseab kay rovaeay aur rujhanaat zoban ki taraqi ka sabab bantay hain.
Kam az kam doo ashkaas jin ki moaashtat aur zoban eak ho
Eak se aavaz nikalnay par qadar hoon
Mahajrat ki surat main main bhi mahajar sar’zameen par doo eak zoban bolnay walay ashkhaas apni zoban main goftagu karkay aasodgi mehsoos kartay hain. oon ki nasal bhi aisa kar kay aasodgi mehsoos karti hai.
Es main asbeat ka bhi dakhal hota hai.

3-Zoban kay mazaaj aur rovaeyoon ko samjhnay kay liay kin pehlo’oon ka janna zarori hota hai?
Os kay mohavray ko janna zroori hota hai.

4-Kiya mukhtalif zobanoon kay milaap say eak nae zobaan banti hai?
Nahain, bilkul nahain, yah nazreya bara gumrah’kun hai.
Haan zobanain kisi bhi zoban ki taraqi ka sabab banti hain.

5-desi aur ba’desi zoban kay bahum alfaz say zobanoon main jidat aati hai ya mafaheem maim gehrae peda hoti hai kay hawala say kuch farmaein?
• Ezhaar ko vosat milti hai
• Lafzoon ka talafaz badal jata hai
• Na’ay lehjay tarkeeb patay hain
• Na’ay alfaz tarkeeb ptay hain maslan: eain+nak
• Na’ay marakbaat bantay hain

6- Kiya zoban kay rasam-ul-khat main bhi tabdeli aati rehti hai ya nahain?
Aati nahain lae ja sakti hai ya lae jati hai. Jis tara Turki kay sath howa. Es say zoban ko noqsan ponchta hai:
Porana warsa zaya ho jata hai
Kuch aawazain baqi nahain rehtein. Maslan Urdu aur Roman Urdu khat ko hi dekh lain.Urdu khat aur dev nagri khat ko malahza farma lain. Punjabi aur gurmakhi ki misal mojood hai.
Urdu kay pas 63 say zeyada aawazein hain Raman Urdu main likhtay waqt marakab aur mutradaf aawazoon say kaam chalana parta hai.

7-Mukhtalif zobanoon main kiya koe qadar mushtarek hoti hai?
Ji haan, maslan:
a- Bohat sari aavazain mushtarek hoti hain
b- Zarab-ul-Amsaal aur mohavray mushtarek hotay hain
c- Marakab aavazain eak se milti hain
d- Eak dusray kay alfaz layti hain ya yoon keh lain bohat
say alfaz mushtarek hain jis tara Urdu main tumbakoo
. Punjabi main tamakoo japani main tabakoo
es hawala say un’gent misalain de ja sakti hain

8- zoban main vosat kin aanasar say hoti hai?
o takhliqi azhaan
o zarooratoon ka bhar jana
o Azhaar ki aazadi
o Taghaeraat
o Samaji moaashi aur masharti tabdeliaan
o Aazmaesh ki surat-e-haal
o Enqalaab
o Pareshani, baycheni aur eztarabi kafeyaat
o dukh aur karab
o Agar qomoon main khud say zinda rehnay ka sha’oor
aur mada ho to woh motaharak rehti hain

 simabi firat
 Kuch kar guzrnay ka janoon aur jazba
 moqablay ki aadat/jazba
 harkat masalsal harkat
 malghobeat ka shidat say ehsaas
 jis tara afsanay main “wahdat-e-ta’assarr” kay bagher afsani, afsani nahain rehta bilkul ossi tara lachak’pazeri kay ba’gher zoban koonvain ka mandak hoti hai.

9 badesi, desi jabkah desi badesi ki zoban bolnay ki koshesh kartay hain. badesi Hakam ki zoban kis tara matasar karti hai aur os kay asraat kis qesam kay moratab hotay hain?
assal moaamla rabtay ka hai. Badesi ki khaesh hoti hai kah woh baat ko behtar toor par samjha sakay desi chahata hai kah ossay os ki zoban main samjhaya ja’ay. Woh yah bhi chahata hai kah Hakam kay zeyada nazdeek ho.. es say na’seraf alfaz ka tabadal hota hai balkah lehjay bhi tabdeel hotay hain. woh apnay apnay nahvi set up kay motabaq alfaz detay laytay rehtay hain. Arbi manay na manay Urdu, Punjabi, pothohari, Saraeki, Mivati, Sindhi, Barahvi waghera main hoor,ahwaal, okaat wahad hain. tazkeer-o-tanees main Pashto apna mazaj rakhti hai aur woh liay gay alfaz ko apnay lisani set up kay motabaq lay gi. bilkul essi tara zima ko zuma, qufli ko qulfi, khalvat ko khilvat boolna Urdu Punjabi waloon kay liay aeb nahain.
Mumkinility, voteraan, sportraan, moteraan, motaraein, horain, Urdu Punjabi waghera main kab ghalt hain. yahhi surat-e-hal maeni ki hai. Dusri zobanoon main kuch kay kuch ho jatay hain.

10- kiya Hukaran tabqay ki zoban ghalib rehti hai ya maqami zoban/zobanain/boliaan bhi baqi rehti hain?
koe zoban apna vajood tayagnay kay liay teyar nahain hoti. Ko zoban mar nahain sakti jabtak os kay doo bolany walay mojood rehtay hain. Haan albata tabdeliaan aati rehti hain aur yah bura amal nahain. Amrekan, Bartanvi, Faransisi, Pakistani, Hindustani angrayzi main zameen aasman ka faraq hai. Yahhi surathal Arbi Urdu Punjabi waghera ki hai.
Hamaray haan baray dafatar main angrayzi ka raj hai likin bahar essay koe pochta nahain es kay bavajood na’danesta toor par bool chaal main angrayzi alfaz aa jatay hain. eak door main yahhi surat Arbi aur Farsi ki thi. Jo alfaz bila jawaz dakhal kiyay jatay hain ehsas-e-kamtari ka saboot hotay hain likin jo juz-e-zoban ho jatay hain aeb nahain samjay ja saktay masla:
I mean aap wahaan kayoon nahain gay ya I think hum ko yah done kar layna chahiay.
Yah Urdu set up kay motabaq hain likin enhain achi nazar say nahain deka ja’ay ga. Ab yah jumlay dekheay:
Hamaray haan ki laydiaan aasman ki horoon say kisi tara kam nahain hain. (laydiaan, horoon)
Tamamam omeedwaran apnay apnay sportran kay sath polling station kay bahar kharay natejay ka entazar kar rahay thay. (sportran, polling station)
Lari addy par har sheharko janay wali moterain khari thein. (Moterain)
Yah jumlay qatae ajnabi nahain hain aur es qesam ki guftagu aam toor par sonay ko mil jati hai.
Maeni ko hi dekh lain:
Sexy, animal aur, saer, tamasha jaloos kab apnay assal maenoon main estmal hotay hain.
Mukhtasar yah kah zobanain marti ya khatam nahain hotein, hakam aur mahkoom eak dusray say mataar hotay hain. yah oon ki rabtay ki zaroorat aur majbori hoti hai.

11-kisi zoban kay acha ya bura honay kay baray aap ki kiya ra’ay hai?
Koe zoban achi buri nahin, tamaam zobanain rabtay ka zareya-o-wasela hain. Urdu kay sewa tamaam zobanain aavazoon kay hawala say ka’zoor hain. es bunyaad par onhain acha bura nahain kaha ja sakta. Haan ezhaar kay haala say koe ra’ay de ja sakti hai. Apni kami aur ka’zori ko marakab aavazoon say woh pura karnay ki koshesh karti hai.

12- Es jaded door main matrook ho janay walay alfaz ki koe ehmeat baqi hai?
Kayoon nahain, woh os ehad ki masharti, moaashi, samaji, nafasyati aur saqafti hawaloon ka warsa hai. Guzra kal onhein kay hawala say jana aur pehchana ja sakta hai. Lafz kiya mahavroon ki surat badal gae hai aur wo soo tara say estamal main aa rahay hain. En matrook alfaz, mahavraat main tabdeliaan aur aslobi tagheraat say zoban ki taraqi ki rafter ka andaza kiya ja sakta hai.
Karvat layna, karvat badaln darust samjha jata hai: maslan
woh hal likh chala hoon karvat badal badal kay
Satyanaas marna, satyanaas karna/hona mostamal ho giya hain
Kitabi aur bazaar ki zoban mukhtalif hoti hai. Adakaeyaan ko kitab wala kab adaoon kay maenoon main tasleem karnain gay.

13-kiya boliaan zobanoon kay sath sath chalti rehti hain?
a- haan sath sath chalti rehti hain
b- matasar karti hain
c- matasar hotihain

14-kiya boliaan zobanoon ki takhleeq main moaawan sabat hoti hain?
boolioon say zobanain takhleeq nahain hotein.
Haan
• taraqi karkay zobanain ban jati/sakti hain
• Zobanoon ki taraqi main moaawan sabat hoti hain.
• zobanoon kay ezhaar ko vosat mayasar aati hai.
Jan kay (Jan bojh kar), mokmakao aisay alfaz Urdu kay liay ajnabi nahain hain.
Yahhi surat badesi zobanoon ki hai. Glass ba’maeni pani/lassi waghera pinay ka pimana, daftar bamaeni office, ct ba’maeni cd, tamasha, jaloos waghera aam estamal kay alfaz hain. Mahajar apni assal par reh nahain sakta aur Yah asool-e-firat hai.

15-zoban main avazoon ki ehmeat kiya hai?
Zobanain hain hi avazoon ka majmoah. Aavaz ki tabdeli say maeni badal saktatay hain.
Zikar aur zakar kay moenoon ko dekh kar baat samjh main aa jati hai.

16- En aavazoon ki kitni aqsaam hain?
Urdu main doo tara ki avazain hain:
1. a- alap paran
2. b- maha paran
• dusri zobanoon main marakab aavazain bhi milti hain. Maslan sheen ko sh say likha jata hai. Za’ay Farsi ko ion say wazay kiya jata hai Essi tara mutbadal/mutradaf aavazoon say bhi kaam chalaya jata hai. Maslan Arbi Pakistan ko Bakistan parh sakay ga.
• Japani main do tara kay sign hain. Hera gana, Kana kata. Cheni aur Korean ki bhi kuch es say mukhtalif surat nahain.
• Aavazoon kay makhaz un’haad aur un’gint hain.

17- Kiya khita ki tabdeli say aavazoon ki noeat tabdeel hoo jati hai?
Ji haan, aalaqa ki tabdeli say faraq aata hai.
Mivaat aur Chatoor aur pher Rajistan main sheen ki aavaz nahain wahaan seen say kaam chalaya jata hai. Maslan basher say baser
Punjabi walay zuma hi bolain gay halankah zima bool saktay hain.
Essi par hi moqoof nahain aavazoon ko wahaan ka kalchar, nafasyaat, rasam-o-ravaj, mazaj aur rovaeoon ko apnana parta hai.

18- Avazoon kay zeer-o-bum say alfaz kay maeni-o-mafaheem main faraq aata hai?
Kayoon nahain, maslan
Roko, mat janay doo
Roko mat, janay doo
Maenoon main zameen aasman ka faraq aa giya hai.

19-kiya aavazain farad kay andar ki aakasi karti hain?
ji haan.
Boolnay kay andaz say shakhas ka batan jan liya jata hai.

20- Aavazoon ko samajhnay aur haqeqat tak rasae kay liay kin lovazmaat ki zaroorat hotai hai?
Aavazoon ko samjhnay kay liay hessi nazaam ka fa’aal aur kisi noqs say pak hona bay’haad zarori hota hai. Dusra tajarba aur mashaeda bari ehmeat kay hamal hotay hain.

21-aavazoon kay hawala say aap nay kis noeat ka kaam kiya hai?
Taqabli aur eshtaraki motalala
Mein nay zobanoon main sanjain talashnay ki koshesh ki hai aur es main say kuch kaam net par kisi na’kisi forum par dastyaab hai.

22- Aavazoon par kaam kartay waqt kisi qesam ki dushwari peash atti hai?
Mehnat karna pari hai warna koe mushkal pash nahain aae.
Bazaar main, mukhtalif tabqoon say bohat kuch mil jata hai, bas ghoor karnay ki zaroorat hoti hai.

23- Aavazoon say koon sa ilm mayasar aata hai?
• Ensan ka batan
• Lafz ki nafasyaat
• Lafz ka kalchar
• Kaenaat say reshta aur os say motalqaat say aaghi

24-zobanoon kay khandanoon kay hawala say kiya kehtay hain?
Mein es nazreay ko tasleem nahain karta. Aavazoon kay makhaz kahein bhi alag say nahain. Tahum traces wahaan kay mahool, halaat, zaroorat aalaat-e-nutaq aur moaavan aalaat-e-nutaq kay zeer-e-assar tarqeeb patay hain aur yah fitrat ki teh kiya giya asool hai.







[b]

_________________
iushah
Sun Jun 24, 2007 12:12 pm View user's profile Send private message
Shazia
Global Moderator
Global Moderator


Joined: 15 Feb 2007
Posts: 2240

Reply with quote
Ashi Batein Bataney Ka shuriya, very nice posting.

_________________
Salam Pakistan,


Pak People
Love Pakistan, Love PTV, Love Lollywood, Love Pakistani dramas, films, radio, music and songs, Love Pakistani Products
Sun Aug 26, 2007 5:15 am View user's profile Send private message
Dr Maqsood Hasni
Senior Member Pakistani
Senior Member Pakistani


Joined: 09 Jun 2007
Posts: 981
Location: punjab

lisanyaat------- Reply with quote
es mohabat aur lutaf-o-ata k liay mumnoon-e-ehsan hoon.
Allah aap ko kuh rakhy.

_________________
iushah
Sun Aug 26, 2007 7:56 pm View user's profile Send private message
Display posts from previous:    
Reply to topic    Forum Pakistan - Pakistani Forums Home » Urdu Adab All times are GMT + 5 Hours
Page 1 of 1

 
Gupshup Forum: Urdu ForumIslam ForumPakistan Army ForumAap Ka SheharNaukaryPakistani Visa
Desi Sports and News: Live CricketSports ForumAkhbar OnlinePakistan EventsWorld News Discussion
Entertainment Media: PTV ForumGEO ForumLollywood ForumBollywood OnlineHollywood ForumDesi Radio
Desi Masala Forums: Gupshup Chit ChatComputer GamesMusic ForumDrama ForumsGhazal ForumDesi FashionDesi Food
Official Forums (Government Department): Dak Khana ChatPolice ForumWapda OnlinePTCL ForumUfone ForumRailway ForumSehat Chit ChatTaleem OnlineTax Forum PKZameen ForumAdalat Forum


Pure Pakistani forum to express your views, thoughts with complete freedom. Archives 1 2
Copyright © ForumPakistan.com 2013 All rights reserved.

Contact Us | Advertise | Report Abuse | FP Team | Disclaimer