Jo khiyal thay na qyas thay

Jo khiyal thay na qyas thay,
Wahi log mujh se bichhar gaye,
Jo mohabbaton ki asaas thay,
Wahi log mujh se bichhar gaye,
Jinhain manta hi nhi ye dil,
Wahi log hain mere humsafar,
Mujhay har tarha se jo raas thay,
Wahi log mujh se bichhar gaye,
Ye khiyal saare hain aarzi,
Ye gulab saare hain kaghzi,
Gul-e-aarzo ki jo baas thay,
Wahi log mujh se bichhar gaye,
Jinhain kar saki na qubool main,
Wo shareek rah-e-safar hoe,
Jo meri talab meri aas thay,
Wahi log mujh se bichhar gaye.

_________________

Aik chota sa larka tha main jin dinon,
Aik mailay main pohocha humakta hoa,
Ji machhalta tha ik ik shay pe magar,
Jaib khali thi kuch mol lay na saka,
Lot aya liye hasratain sainkron,
Aik chota sa larka tha main jin dinon,

Khair mahroomiyon k wo din to gaye,
Aaj maila laga hai usi shan say,
Aaj chahoon to ik ik dukan mol loon,
Aaj chahoon to sara jahan mol loon,
Naarsai ka ab ji main dharka kahan?
Par wo chota sa alhar sa larka kahan.

_________________

Mera Azm to Tha buland Tar Isey Haadson Ney Mitta Diya
Main musafaton Mein Bikhr Gya mujhey Raaston Ney Ganwa Diya

Teray Saath Chalney Ka hosla Meri Himmaton Sey guzar Gya
Main to Pehlay Hii Tha Shikasta-Paa mujhey Aandhiyon Ney Gira Diya

Teray Chehray Par Bhi to Phool They Teri Aankhon Mein Bhi to Rang They
Too Ney Phool Bhii, too Ney Rang Bhi, Sabhi Aansoun Mein Baha Diya

Na Main Chhaaon hoon Na Mein dhoop hoon Shikastgii Ka wo roop hoon
Mera Dil Gya Meri jaan Gaii mujhey Bijliyon Ney jalla Diya

Too Ney So Sitam Bhi Diye to Kya Main Ney Sah Liye Teray Naam Par
Teray zulm Ki hai Yeh Inteha too Ney Dar Sey Apney Uthaa Diya

_________________