Imran's Collection

hath se jub hath juda hote hain
dil me hazaro karwatein tufan liya karte hain

Jisse chaho ibadat-e-Khuda se ziada
Wohi log bewafa hua karte hain

Tor dete hain sadiyoun k sath ko ek pal me younhi
khayal bhi unke subse juda hote hain

Ashk ka darya bahate hain jo muhabbatoun mein
Wohi log Fannah hua karte hain

Nai hai koi Muhabbat , Ye lafz he jhoota hai
Sub apne mafadaat k liye waadey kiya karte hain

Jisse Etmad na ho apni wafa pe
Wohi log Ruswa hua karte hain ..!!!

Jawab Is Ko Likhta Hon
Meri Masrofiat Dekho
Subha Sy Shaam My Chirag Umer Jalti Hai
Phir Is Ky Baad Duniya Ki Kayi

Majbooriya Paoon Me Beri Dall Rakhti Hain
Mujhy By Fikar, Chahut Sy Bhary Sapny Nahi Dekhty
Tehani, Jagny, Roony Ki Fursut Nahi Milti
Sitaro Sy Mily Arsa Hova, Naraz Hon Shayad,
Kitabo Sy Shaguf Meri Abhi Waasy Hii Kaeem Hai
Fark Itna Paara Hia Abb Unhy Ursy My Parhta Hon
Tumhy Kis Ny Kaha Pagli My Tumhy Yaad Karta Hon?
Ky My Khud Ko Bhoolny Ki Justojon My Hon,
Tumhy Na Yaad Aany Ki Musalsal Justojon My Hon,
Magar Yeh Justojon Meri Bhoot Nakam Rahti Hai,
Meri Din Raat My Abb Bhi Tumhri Shaam Rahti Hai,
Meri Lafzoo Ki Har Maala Tumhary Naam Rahti Hai,
Tumhy Kis Ny Kaha Pagli Mujhy Tum Yaad Ati Ho?
Purani Baat Ho, Jo Log Aksar Gungunaty Hain,
Unhy Hum Yaad Karty Hain Jinhy Hum Bhool Jaaty Hain,
Ajub Pagal Sy Larki Ho…

Meri Masroofiat Dekho
Tumhe Dil Se Bhulaon Tu Tumhri Yaad Ay Na!
Tumhy Dil Sy Bhulany Ki Mujhy Fursat Nahi Milti
Aur Is Masroof Jewan My,
Tumhry Khut Ka Ek Jumla,
Tumhy My Yaad Ati Hon??
Meri Chahut Ki Shidat My Kaami Nahi Hony Nahi Dayti
Bohat Raatin Jagta Hon Mujhy Soony Nahi Deeti Hain
So Agli Baar Apny Khut My Yeh Jumla Nahi Likhna!
Ajub Pagal Si Larki Hia,

Mujhy Phir Bhi Yeh Khut Likhti Hai

Mujhy Tum Yaad Karty Ho?

Tumhy My Yaad Ati Hon?

Ajnabhi...................

Har Nafs ranj ka ishaara hai
aadmi dukh ka istaa'ara hai

mujh ko apnee hadon main rehnay do
main samandar hon too kinaara hai

ajnabhi ! shab ko raasta na badal
tuu meri subha ka sitaara hai

yaa samaa'at ki khud farebi thee
yaa teri yaad ne pukaara hai

sham e shab khoo ne dasht se poocha
kis ne rakht e safar utaara hai

jaanay kion sogwaar ......sanaata
maut ki zindgee se pyara hai

umar barh be charaagh raston main
zindgee ne hamain guzara hai

chahton ki basaat par -----------
dil baree mushkalon se haraa hai

Kabhi waqt milay to a jao..

Hum jheel kinaray ja baithein..

Tum apnay sukh ki baat karo..

Hum apnay dukh ki baat karein..

Aur un lamhon ki baat karein..

Jo sang tumhary beet gaye..

Aur Ehd-e-khizan ki nazar hoye..

Hum shehar-e-khuwab k baasi..

Tum chaand sitaron ki malka..

Kabhi waqat milay to aa jao..

Hum jheel kinaray ja beithein..

Inn sabaz ruton k daman mein..

Hum payar ki khusbo mehkaein..

Inn bikhray sabaz nazaron ko..

Hum ankhon mein tasveer karein..

Pathar pe girtay pani ko..

Hum khuwabon se tabeer karein..

Iss waqat k dobtay soraj ko..

Hum chahat ki jageer karein..

Phir apnay payar k jado se..

Hum lamhon ko zanjeer karein..

Kabhi waqat milay to aa jao !

Wo Shakhs Jo Mere Dil Main.

wo shakhs jo mere dil main dharkan ki tarha hai
phulon ki tarha saanso main khushbu ki tarha hai

roshan hai is tarha k chamakta hai her taraf
shayed k aaftab ki kirno ki tarha hai

phulon mpe nazar aai to shabnam ki tarha hai
or dil main sama jai to dharkan ki tarha hai

hansta hai to khil uthti hain her bagh main kalyan
lagta hai k hansi iski baharo ki tarha hai

rehta hai shab-o-roz nigahon main woh meri
jese k meri aankhon main kajal ki tarha hai

hota nahi duur nigaho se koi pal
hone laga yaqeen k saai ki tarha hai

ban jai ager humsafar mera to main manu
k zindagi rah-e-chamanistan ki tarha hai

Karoon Tu Kis Liya Aakhir Malaal Uska
Usay Nahi Tu Mujhay Bhi Nahi Khayal Uska

Meri Wafa Nay Banaya Hai Bay Wafa Usko
Kisi Ada Par Nahi Kamal Uska

Meray Naseeb Ki Yeh Bhi Tu Khush Naseebi Hai
K Mujhko Daikh Kar Log Poochtay Hain Haal Uska

Yeh Dua Karoon Mein Har Baras K Pahlay Din

Meray Baghair Na Guzray Koi Bhi Saal Uska

Meray Aroooj Ko Likh Day Us Kay Naseeb Mein Aye KHUDA
Mujhay Saunp Day Sirf Aur Sirf Zawal Uska

Kabhi kaha na kissi se terey fasaaney ko

Na jaane kesey khabar ho gayi zamaaney ko

Dua bahaar ki maangi tou itney phool khiley

Kahein jaga na rahi merey aashyaaney ko

Meri lehad pe patangoun ka khun hota hay

Huzoor shama na laya karein jalaaney ko

Suna hey ghair ki mehfil mein tum na jaaoge

Kaho tou aaj sajaaloun gharib khaaney ko

Daba ke qabar mein chal dieye, na dua na salaam

Zara si dair mein kya hogaya zamaaney ko

Ab aagey iss mein tumhara bhi naam aayega

Jo hukm ho tou yahein chorr doun afsaaney ko

Usne phir mera haal poocha hai

Kitna mushkil sawal poocha hai

Hichkiyon ka ajeeb lehja tha

Baat ko taal taal k poocha hai

Tum mujhe chorh to na jao gay

Vastay daal daal k poocha hai

Aansoon ki zaban main us ne

Jitna poocha kamal poocha hai

Mujhse mere khayal ne poocha hai

Ik Udaas Larki hay...!

duuR ik jazeeray par ik udaas Larki hay
AankhaiN Uss ki bojhal sii
Un meiN khawaab An-dekhay
khawaab dekh bhii lay gar, ta‘beer say wuh darti hay
duuR ik jazeeray par ik udaas Larki hay
Ruuh Uss kii rotii hay
man kaa meet paanay ko
hont Uss kay be- kal haiN
Dil kii baat Sunanay ko
Roz sochtii hay wuh
Chohr duuN jazeera hay
haath thamuN dilbar kaa
aur ja basuuN Uss Aangan meiN
jis meiN saath Suraj kay khushiaaN bhi utarti haiN
duuR ik jazeeray par ik udaas Larki hay
par, apnaa yeh jazeera wuh
chohr bhii nahiN saktii
ghum kay iss jazeeray nay
Uss kay phailay daaman meiN
jitnay dukh bhii daalay haiN
jitnay ghum bhii bakhshay haiN
Saaray duusroN kay haiN
Uss kii kaalii qismat meiN
phaelii hax jo tareekii
chahyaa hay jo san'nataa
saraa duusroN ka hay
Uss nay apnay rishtoN say paii haiN jo zanjeeraiN
Uss kay paoN kay neechay, jo Aseer khanaa hay
Uss aseer khanay ko, chohrna bhi chahay tou,
chohrnay say dartii hay
apnay rishtoN kay bandhan, torna bhii chahay tou,
tornay say darti hay
ghum kay qaid khanay meiN
jaanay kab say tanha hay
jaanay kab say wuh apnii khushiyoN ko tarastii hay
duuR ik jazeeray par ik udaas Larki hay
ik Udaas Larkii hay..!

Ho Gaai Rukhsat Ghata Baarish K Baad..
Aik Diya Jalta Raha Baarish K Baad..

Mere Behte Hoye Ansuon Ko Dekh Kar..
Ro Parri Hawa Baarish K Baad..

Meri Tanhaayi Ka Daaman Thaam Kar..
Kuch Udaasi Ne Kaha Baarish K Baad..

Chaand Dekh Ker Baadlon Ki Qaid Mein..
Aik Sitara Ro Diya Baarish K Baad..

Apni Ghar Ki Har Kachhi Deewar Par..
Naam Tera Likh Diya Meine Baarish K Baad..

Bikhar Rahi Hai Meri Zaat Usay Kehna
Kabhi Milay To Yeh Baat Usay Kehna

Woh Saath Tha To Zamana Tha Humsafar Mera
Magar Ab Koi Nahi Mere Saath Usay Kehna

Usay Kehna Ke Bin Us Ke din Nahi Kutt Ta
Sisk Sisk Ke Katt Ti Hai Raat Usay Kehna

Usay Pukaron Ke Khudhi Pohanch jaon Us Ke Paas
Nahi Rahay Woh Halaat Usay kehna

Agar Woh Phir Na Lautay To Ae-Meharban Qasid
Hamari Zeest Ke Halaat Usay Kehna

Har Jeet Us Ke Naam kar Raha Hun Mein
Mein Manta Hun Apni Haar Usay kehna

Aisi Hi Sard Shaam Thi Wo Bhi,
Jab Wo Mehendi Rachaye Haathon Mein,
Apni Aahat Ke Khauf Se Larazaan,
Surkh Aanchal Mein Muh Chhipaye Hue,
Apne Khat Mujhse Lene Aayi Thi,
Uski Sehmi Hui Nigahon Mein,
Kitni Khamosh Iltijayein Thi,
Uske Chehre Ki Zard Rangat Mein,
Kitni Majburiyonke Saye The,
Mere Hathonse Khat Pakadate Hi,
Jane Kay Soch Kar Achanak Wo,
Mera Shaana Pakad Kar Royi Thi,
Uske Yaaquut Rang Honthon Ke,
Kapkapaate Hue Kinaro Par,
Sekdon Ankahe Fasane The,
Sard Shaamon Mein Der Tak Aksar,
Jab Ye Manzar Dikhayi Deta Hai,
Ek Lamha Heenayi Haathon Se,
Mujhko Apni Taraf Bulata Hai,
Humnashin Ruth Kar Na Ja Mujhse,
Aisi Hi Sard Shaam Thi Wo Bhi...