Forum Pakistan
New User? Register | Search | Memberlist | Log in
Forum Pakistan - Pakistani Forums
Pakistani forum to discuss Pakistani Media, Siasat, Politics Talk Shows, Khaber Akhbar, Khel, Cricket, Film, Dramas, Songs, Videos, Shairy, Shayari, Pyar Mohabbat ki Kahani, Tourism, Hotels, Fashion, Property, Naukary Gupshup and more.
Watch TV OnlineLive RadioListen QuranAkhbarFree SMS PakistanResults OnlineUrdu EditorLollywoodLive Cricket Score
Government DepartmentsKSE Live RatesUseful LinksJobsOnline GamesCheck EmailPromote us
GEO News LiveGEO NewsDawn News Live TVExpress News

Ghalib's Shayari


Bookmark and Share
 
Reply to topic    Forum Pakistan - Pakistani Forums Home » Poetry and Ghazals
Ghalib's Shayari
Author Message
Dua
Senior Proud Pakistani
Senior Proud Pakistani


Joined: 05 May 2007
Posts: 2361
Location: Karachi

Ghalib's Shayari
1. aa, ki meree jaan ko qaraar naheeN hai
taaqat-e-bedaad-e-intazaar naheeN hai

2. dete haiN jannat hayaat-e-dahar ke badle
nashsha ba_andaaza-e-KHummaar naheeN hai

3. giriya nikaale hai teree bazm se mujh ko
haay ! ki roone pe iKHtiyaar naheeN hai

4. hamse 'abas hai gumaan-e-ranjish-e-KHaatir
KHaak meiN ushshaaq kee GHubaar naheeN hai

5. dil se uThaa lutf-e-jalva haay ma'anee
GHair-e-gul aainaa-e-bahaar naheeN hai

6. qatl ka mere kiya hai 'ahad to baare
waae ! akhar 'ahad ustuwaar naheeN hai

7. toone qasam mai_kashee kee khaaee hai 'GHalib'
teree qasam ka kuchch 'eitbaar naheeN hai !
Fri Jul 13, 2007 5:20 pm View user's profile Send private message Visit poster's website
Dua
Senior Proud Pakistani
Senior Proud Pakistani


Joined: 05 May 2007
Posts: 2361
Location: Karachi

Reply with quote
1. aah ko chaahiye ik 'umr asar hone tak
kaun jeeta hai teree zulf ke sar hone tak ?

2. daam har mauj meiN hai halqa-e-sad_kaam-e-nahaNg
dekhaiN kya guzre hai qatre pe guhar hone tak

3. aashiqee sabr talab aur tamanna betaab
dil ka kya rang karooN KHoon-e-jigar hone tak ?

4. ham ne maana ke taGHaful na karoge, lekin
KHaak ho jaayeNge ham tumko KHabar hone tak

5. partav-e-khur se hai shabnam ko fana'a ki taaleem
maiN bhee hooN ik inaayat ki nazar hone tak

6. yak_nazar besh naheeN fursat-e-hastee GHaafil
garmi-e-bazm hai ik raqs-e-sharar hone tak

7. GHam-e-hastee ka 'Asad' kis'se ho juz marg ilaaz
shamma'a har rang meiN jaltee hai sahar hone tak
Fri Jul 13, 2007 5:20 pm View user's profile Send private message Visit poster's website
Dua
Senior Proud Pakistani
Senior Proud Pakistani


Joined: 05 May 2007
Posts: 2361
Location: Karachi

Reply with quote
1. 'arz-e-niyaaz-e-ishq ke qaabil naheeN raha
jis dil pe naaz tha mujhe wo dil naheeN raha

2. jaata hooN daaGH-e-hasarat-e-hastee liye hue
hooN shamma'a_kushta darKHur-e-mehfil naheeN raha

3. marne ki 'ei dil aur hee tadabeer kar ki maiN
shaayaan-e-dast-o-baazu-e-qaatil naheeN rahaa

4. bararoo-e-shash jihat dar-e-aaina_baaz hai
yaaN imtiaz-e-naakis-o-qaamil naheeN rahaa

5. waa kar diye haiN shauq ne band-e-naqaab-e-husn
GHair_az nigaah ab koee haayal naheeN raha

6. go maiN raha, rahee na sitam haaye rozgaar
lekin tere KHayaal se GHaafil naheeN raha

7. dil se hawa-e-kisht-e-wafa miT gayee ki waaN
haasil siwaay hasrat-e-haasil naheeN raha

8. bedaad-e-ishq se naheeN Darta magar 'Asad'
jis dil pe naaz tha mujhe wo dil naheeN raha
Fri Jul 13, 2007 5:21 pm View user's profile Send private message Visit poster's website
Dua
Senior Proud Pakistani
Senior Proud Pakistani


Joined: 05 May 2007
Posts: 2361
Location: Karachi

Reply with quote
1. baazeechaa-e-atfaal hai duniya mere aage
hota hai shab-o-roz tamaasha mere aage

2. ik khel hai auraNg-e-sulemaaN mere nazdeek
ik baat hai 'eijaz-e-maseeha mere aage

3. juz naam naheeN soorat-e-aalam mujhe manzoor
juz waham naheeN hastee-e-ashiya mere aage

4. hota hai nihaaN gard meiN sehara mere hote
ghisata hai jabeeN KHaak pe dariya mere aage

5. mat pooch ke kya haal hai mera tere peeche ?
too dekh ke kya rang tera mere aage

6. sach kahte ho, KHudbeen-o-KHud_aaraa na kyoN hooN ?
baiTha hai but-e-aainaa_seemaa mere aage

7. fir dekhiye andaaz-e-gul_afshaani-e-guftaar
rakh de koee paimaanaa-o-sahba mere aage

8. nafrat ka gumaaN guzare hai, maiN rashk se guzaraa
kyoN kar kahooN, lo naam na uska mere aage

9. imaaN mujhe roke hai jo khiNche hai mujhe kufr
ka'aba mere peeche hai kaleesa mere aage

10. aashiq hooN, pe maashooq_farebee hai mera kaam
majnooN ko bura kehti hai laila mere aage

11. KHush hote haiN par wasl meiN yoN mar naheeN jaate
aayee shab-e-hijaraaN ki tamanna mere aage

12. hai mauj_zan ik qulzum-e-KHooN, kaash, yahee ho
aata hai abhee dekhiye kya-kya mere aage

13. go haath ko jumbish naheeN aaNhoN meiN to dam hai
rehne do abhee saaGHar-o-meena mere aage

14. ham_pesha-o-ham_masharb-o-ham_raaz hai mera
'GHalib' ko bura kyoN kaho achchaa mere aage !
Fri Jul 13, 2007 5:22 pm View user's profile Send private message Visit poster's website
Dua
Senior Proud Pakistani
Senior Proud Pakistani


Joined: 05 May 2007
Posts: 2361
Location: Karachi

Reply with quote
1. be-'eitadaaliyoN se, subuk sab meiN ham huve
jitne ziyaada ho gaye, utne hee kam huve

2. pinhaaN thaa daam-e-saKHt qareeb aashiyaaN ke
uDne na paaye the; ki giraftaar hum huve

3. hastee hamaaree apnee fana'a par daleel hai
yaaN tak mite ki aap ham apnee qasam huve

4. saKHtee_kashaan-e-ishq kee poochche hai kya KHabar ?
woh lagaa rafta-rafta sar_aa_pa alam huve

5. teree wafa se kya ho talaafee, ki dahar meiN
tere siwa bhee ham pe bahut se sitam huve

6. likhte rahe junooN kee hikaayat-e-KHooNchakaaN
harchand usmaiN haath hamaare qalam huve

7. alla re teree tundee-e-KHooN, jiske beem se
azzaa-e-naala dil meiN mere rizke-ham huve

8. ahle hawas kee fatah hai, tark-e-nabard-e-ishq
jo paaNv uTha gaye wahee unke 'alam huve

9. naal-e-'adam meiN chand hamaare supurd the;
jo waaN na kheeNch sake so woh yaaN aake dam huve

10. choDee 'Asad' na hamne gadaaee meiN dil_lagee
saail huve to aashiq-e-ahl-e-karam huve
Fri Jul 13, 2007 5:22 pm View user's profile Send private message Visit poster's website
Dua
Senior Proud Pakistani
Senior Proud Pakistani


Joined: 05 May 2007
Posts: 2361
Location: Karachi

Reply with quote
1. bus ki dushwaar hai har kaam ka aasaaN hona
aadmee ko bhee muyassar naheeN insaaN hona

2. giriya chaahe hai KHaraabee mere kaashaane ki
dar-o-deevaar se Tapke hai bayaabaaN hona

3. waa-e-deewaangee-e-shauq, ke har dam mujhko
aap jaana udhar aur aap hee hairaaN hona

4. jalva az_bas ki taqaaza-e-nigah karta hai
jauhar-e-aaina bhee chaahe hai mizhgaaN hona

5. ishrat-e-qatl_gah-e-'ehl-e-tamanna mat pooch
id-e-nazzaara hai shamsheer ka uriyaaN hona

6. le gaye KHaak meiN ham daaGH-e-tamanna-e-nishaat
too ho aur aap ba_sad_rang-e-gulistaaN hona

7. ishrat-e-paara-e-dil, zaKHm-e-tamanna_KHaana
lazzat-e-reesh-e-jigar GHarq-e-namakdaaN hona

8. kee mere qatl ke baad usne jafa se tauba
haay us zood_pashemaaN ka pashemaaN hona

9. haif us chaar girah kapDe ki qismat 'GHalib'
jis ki qismat meiN ho aashiq ka girebaaN hona
Fri Jul 13, 2007 5:22 pm View user's profile Send private message Visit poster's website
Dua
Senior Proud Pakistani
Senior Proud Pakistani


Joined: 05 May 2007
Posts: 2361
Location: Karachi

Reply with quote
1. daayam paDa huaa tere dar par naheeN hooN maiN
KHaak 'eisee zindagee pe ke patthar naheeN hooN maiN

2. kyooN gardish-e-mudaam se ghabra na jaaye dil ?
insaan hooN, pyaala-o-saaGHar naheeN hooN maiN

3. yaarab ! zamaana mujhko miTaata hai kis liye ?
loh-e-jahaaN pe harf-e-muqarrar naheeN hooN maiN

4. had chaahiye saza meiN uqoobat ke waaste
aaKHir gunaahagaar hooN, kaafir naheeN hooN maiN

5. kis waaste 'azeez naheeN jaante mujhe ?
laal-o-zumarrud-o-zar-o-gauhar naheeN hooN maiN

6. rakhte ho tum qadam meree aaNkhoN se kya dareGH
rutbe meiN mehar-o-maah se kamtar naheeN hooN maiN

7. karte ho mujhko man'a-e-qadam_bos kis liye ?
kya aasmaan ke bhee baraabar naheeN hooN maiN ?

8. 'GHalib' wazifaa_KHwaar ho, do shaah ko duaa
woh din gaye ki kehte the;, "naukar naheeN hooN maiN"
Fri Jul 13, 2007 5:23 pm View user's profile Send private message Visit poster's website
Dua
Senior Proud Pakistani
Senior Proud Pakistani


Joined: 05 May 2007
Posts: 2361
Location: Karachi

Reply with quote
1. dard minnat_kash-e-dawa na huaa
maiN na achchaa huaa, bura na huaa

2. jama'a karate ho kyoN raqeeboN ka ?
ik tamaasha huaa gila na huaa

3. ham kahaaN qismat aazmaane jaayaiN ?
too hee jab KHanjar aazma na huaa

4. kitne sheereeN haiN tere lab ! ki raqeeb
gaaliyaaN khaake be_maza na huaa

5. hai KHabar garm unke aane kee
aaj hee ghar meiN boriya na huaa !

6. kya woh namrood kee KHudaaee thee
bandagee meiN tera bhala na huaa

7. jaan dee, dee huee usee ki thee
haq to ye hai ke haq adaa na huaa

8. zaKHm gar dab gaya, lahoo na thama
kaam gar ruk gaya rawa na huaa

9. rahzanee hai ki dil_sitaanee hai ?
leke dil, dil_sitaaN rawa na huaa

10. kuchch to paDhiye ki log kehte haiN
"aaj 'GHalib' GHazalsara na huaa"
Fri Jul 13, 2007 5:24 pm View user's profile Send private message Visit poster's website
Dua
Senior Proud Pakistani
Senior Proud Pakistani


Joined: 05 May 2007
Posts: 2361
Location: Karachi

Reply with quote
1. dekhna qismat ki aap apne pe rashk aajaaye hai
maiN use; dekhooN, bhalaa kab mujhse dekha jaaye hai

2. haath dho dil se yahee garmee gar andeshe meiN hai
aabgeena tundee-e-sahbaa se pighla jaaye hai

3. GHair ko yaarab ! woh kyoNkar mana'a-e-gustaaKHee kare ?
gar haya bhee usko aatee hai to sharma jaaye hai

4. shauq ko ye lat ke hardam naala KheeNche jaayiye
dil ki woh haalat ki dam lene se ghabra jaaye hai

5. door chashm-e-bad ! teree bazm-e-tarab se waah-waah
naGHma ho jaata hai waaN gar naala mera jaaye hai

6. GHarche hai tarz-e-taGHaaful, pardaadaar-e-raaz-e-ishq
par ham 'eise khoye jaate haiN ki woh paa jaaye hai

7. uskee bazm_aaraaiyaaN sunkar dil-e-raNjoor yaaN
misl-e-naqsh-e-muddaa-e-GHair baiTHa jaaye hai

8. hoke aashiq woh paree_ruKH aur naazuk ban gaya
rang khulta jaaye hai, jitna ki uData jaaye hai

9. naqsh ko uske musawwir par bhee kya-kya naaz hai
kheeNchta hai jis qadar, utana hee khiNchta jaaye hai

10. saaya meraa mujhse misl-e-dood bhaage hai 'Asad'
paas mujh aatish_bazaaN ke kisse Thahra jaaye hai
Fri Jul 13, 2007 5:24 pm View user's profile Send private message Visit poster's website
Dua
Senior Proud Pakistani
Senior Proud Pakistani


Joined: 05 May 2007
Posts: 2361
Location: Karachi

Reply with quote
1. dhota hooN jab maiN peene ko us seem_tan ke paaNv
rakhata hai zid se kheeNch ke baahar lagan ke paaNv

2. dee saadgee se jaan paDooN kohakan ke paaNv
haihaat ! kyoN na TooT gaye peerzan ke paaNv

3. bhaage the; ham bahut see uskee saza hai ye
hokar aseer daabte haiN raahzan ke paaNv

4. marham ki justjoo meiN ghira hooN jo door-door
tan se siwa figaar hai is KHastaa_tan ke paaNv

5. allaah re zauq-e-dasht-e-nawrdee ki baad-e-marg
hilte haiN Khud-ba-KHud mere andar qafan ke paaNv

6. hai josh-e-gul bahaar meiN yaaN tak ki har taraf
uDate hue ulajhte haiN murGH-e-chaman ke paaNv

7. shab ko kisee ke KHwaab meiN aaya na ho kaheeN
dukhte haiN aaj oos but-e-naazuk_badan ke paaNv

8. 'GHalib' mere kalaam meiN kyoNkar maza na ho ?
peeta hooN dhoke KHusrau-e-sheereeN_suKHan ke paaNv
Fri Jul 13, 2007 5:24 pm View user's profile Send private message Visit poster's website
Dua
Senior Proud Pakistani
Senior Proud Pakistani


Joined: 05 May 2007
Posts: 2361
Location: Karachi

Reply with quote
Hope u will like it plz give comments!!!! i will wait !~
Fri Jul 13, 2007 5:25 pm View user's profile Send private message Visit poster's website
pakistani.pal
Full PK Member
Full PK Member


Joined: 21 Jun 2007
Posts: 129
Location: Punjab

Reply with quote
hmmm, nice sharin miss dua..lekin yaar Ghalib ki poetry pure urdu mein hoti hai kuch aise alfaaz hote hain jin ki samjh nahi lagti..lekin Ghalib urdu zuban mein maharat rakhte the, aur in jaise insaanoo ne hi urdu zubaan koo urooj diya hai..well, achi sharin hai Very Happy

_________________
Fri Jul 13, 2007 9:47 pm View user's profile Send private message Send e-mail Yahoo Messenger MSN Messenger
Dua
Senior Proud Pakistani
Senior Proud Pakistani


Joined: 05 May 2007
Posts: 2361
Location: Karachi

Reply with quote
pakistani.pal wrote:
hmmm, nice sharin miss dua..lekin yaar Ghalib ki poetry pure urdu mein hoti hai kuch aise alfaaz hote hain jin ki samjh nahi lagti..lekin Ghalib urdu zuban mein maharat rakhte the, aur in jaise insaanoo ne hi urdu zubaan koo urooj diya hai..well, achi sharin hai Very Happy



Yes u r right!!

Thanx !!!!
Sat Jul 14, 2007 3:14 pm View user's profile Send private message Visit poster's website
pakistani.pal
Full PK Member
Full PK Member


Joined: 21 Jun 2007
Posts: 129
Location: Punjab

Reply with quote
Dua wrote:
pakistani.pal wrote:
hmmm, nice sharin miss dua..lekin yaar Ghalib ki poetry pure urdu mein hoti hai kuch aise alfaaz hote hain jin ki samjh nahi lagti..lekin Ghalib urdu zuban mein maharat rakhte the, aur in jaise insaanoo ne hi urdu zubaan koo urooj diya hai..well, achi sharin hai Very Happy



Yes u r right!!

Thanx !!!!

khush hamdeed Wink

_________________
Sat Jul 14, 2007 6:29 pm View user's profile Send private message Send e-mail Yahoo Messenger MSN Messenger
schzad
Full PK Member
Full PK Member


Joined: 12 Jul 2007
Posts: 164
Location: In someone's Heart

Reply with quote
Arey Dua jee..... Ghalib jee ki shairy pe itni gehri Nazar... khair to hi Wink
well, over-all its a nice collection, thanks for sharing.


_________________
Bol keh Lab Azaad hen teray..!!
Sun Jul 15, 2007 1:00 am View user's profile Send private message
kashif!
5 Star Member
5 Star Member


Joined: 25 Feb 2009
Posts: 3885
Location: Islamabad/Rawalpindi/Jubail KSA

Reply with quote
wah wah wah

very good

Thanx for sharing

keep sharing!!

Cool
Tue Mar 10, 2009 8:39 am View user's profile Send private message
rashidalikhan85
Pak Newbie


Joined: 08 Mar 2010
Posts: 1
Location: Bareilly

Reply with quote
Hi Dua

Ilike this poetry. I need more galib poetry. You have interest in Galib poetry. It is amazing. Thanks for writing in this forum. Allha ta'ala bless u. I waiting for ur next poetry.

allha hafiz
Mon Mar 08, 2010 2:52 pm View user's profile Send private message MSN Messenger
mittal_pali
Junior PK Member
Junior PK Member


Joined: 16 Jun 2009
Posts: 65

Reply with quote
good work Smile
Wed May 26, 2010 6:40 pm View user's profile Send private message Send e-mail Yahoo Messenger MSN Messenger
sahir23
Forum Family Member
Forum Family Member


Joined: 18 Feb 2009
Posts: 5824
Location: Sindh

Reply with quote
Nice Post DUA, Smile

_________________


"Like All, Trust Few."
Wed May 26, 2010 9:51 pm View user's profile Send private message
shakil0001
Pak Newbie


Joined: 26 Oct 2010
Posts: 1

Reply with quote
this is first time I am not so charmed with Ghalib's Ghazal and found there many thing beautiful than it. A verse for you
ab kya ghazal sunaun tumhen dekhane ke bad
ab kaise shukun paun tumhen dekhane ke bad

You are far beautiful than your collection. so please dont so you to keep charm of collection
thanks
Wed Oct 27, 2010 3:49 pm View user's profile Send private message Send e-mail
maliksaim
Full PK Member
Full PK Member


Joined: 13 Jul 2010
Posts: 438

Reply with quote
lot of beautiful poetry collection i really like it ...........
Sun Nov 07, 2010 2:46 am View user's profile Send private message Visit poster's website
farhan.ahsan
Pak Newbie


Joined: 21 Apr 2012
Posts: 1

Reply with quote
Dua wrote:
Hope u will like it plz give comments!!!! i will wait !~
very nice work dua..plzz post more and more poetry of ghalib and do explain the difficult words
Sat Apr 21, 2012 8:04 pm View user's profile Send private message
sam_witwicky100
Pak Newbie


Joined: 23 Apr 2012
Posts: 21

Reply with quote
nice................................
Mon Apr 23, 2012 4:10 pm View user's profile Send private message
Display posts from previous:    
Reply to topic    Forum Pakistan - Pakistani Forums Home » Poetry and Ghazals All times are GMT + 5 Hours
Page 1 of 1

 
Gupshup Forum: Urdu ForumIslam ForumPakistan Army ForumAap Ka SheharNaukaryPakistani Visa
Desi Sports and News: Live CricketSports ForumAkhbar OnlinePakistan EventsWorld News Discussion
Entertainment Media: PTV ForumGEO ForumLollywood ForumBollywood OnlineHollywood ForumDesi Radio
Desi Masala Forums: Gupshup Chit ChatComputer GamesMusic ForumDrama ForumsGhazal ForumDesi FashionDesi Food
Official Forums (Government Department): Dak Khana ChatPolice ForumWapda OnlinePTCL ForumUfone ForumRailway ForumSehat Chit ChatTaleem OnlineTax Forum PKZameen ForumAdalat Forum


Pure Pakistani forum to express your views, thoughts with complete freedom. Archives 1 2
Copyright © ForumPakistan.com 2013 All rights reserved.

Contact Us | Advertise | Report Abuse | FP Team | Disclaimer