Forum Pakistan
New User? Register | Search | Memberlist | Log in
Forum Pakistan - Pakistani Forums
Pakistani forum to discuss Pakistani Media, Siasat, Politics Talk Shows, Khaber Akhbar, Khel, Cricket, Film, Dramas, Songs, Videos, Shairy, Shayari, Pyar Mohabbat ki Kahani, Tourism, Hotels, Fashion, Property, Naukary Gupshup and more.
Watch TV OnlineLive RadioListen QuranAkhbarFree SMS PakistanResults OnlineUrdu EditorLollywoodLive Cricket Score
Government DepartmentsKSE Live RatesUseful LinksJobsOnline GamesCheck EmailPromote us
GEO News LiveGEO NewsDawn News Live TVExpress News

ARBI KAY PAKISTANI ZOBANOON PAR LISANI ASRAAT


Bookmark and Share
 
Reply to topic    Forum Pakistan - Pakistani Forums Home » Urdu Adab
ARBI KAY PAKISTANI ZOBANOON PAR LISANI ASRAAT
Author Message
Dr Maqsood Hasni
Senior Member Pakistani
Senior Member Pakistani


Joined: 09 Jun 2007
Posts: 924
Location: punjab

ARBI KAY PAKISTANI ZOBANOON PAR LISANI ASRAAT
ARBI KAY PAKISTANI ZOBANOON PAR LISANI ASRAAT

Arboon ka bar-e-sagher se sadyoon ka nahain, hazaroon saal ka reshta hai. Arab bar-e-sagher ki mukhtalif valatoon main mukhtalif hawaloon se aatay jatay rahay hain. Sowahil oon ki tovajo ka khasusi markaz rahay hain aur es kay asar kisi na’kisi hawala se aaj bhi mojood hain. Arboon ki aamad se oon kay omomi-o-khsusi rujhanaat, rovaeay, adbi-o-masharti saliqay, tajarti atwaar, tamadni-o-saqafti andaz-o-aqdaar waghera shaori aur la’shaori toor par daramad howay. En omoor kay zeer-e-asar Arbi zoban ka bar-e-sagher ki zobanoon aur raej bolioon ko matasar karma qate hairat ki baat nahain. Marozaat-e-bala ki tasdeeq-o-taeed kay zeman main Hindustani shiar-o-adab, dastanoon aur mazhabi kutab i.e. Ramaen, Bhagvat Gita waghera ko malahzt kiya jana chahiay. Yah amar bhi bahar’toor malhoz-o-khatar rehna chahiay kah Arab, Iran aur Turki ko bhi matasar kartay rahay hain. Ahal-e-faras aur Turkoon ka bhi bar-e-sagher main aana jana raha hai. Bilwasta alfaz ki daramad ka silsala apni jaga mojood raha.
Arboon ki bar-e-sagher ki yatra doo hawaloon say khasusan samnay aati hai:
1- Islam se pehlay ba’toor tajar waghera
2- a- Islam kay baad ba’toor mobalagh, fatay aur seyasi matoob
3- waghera
b- Musalman sufi bhi bar-e-sagher kay mukhtalif alaqoon main
warad hotay rahay
Talu-e-Islam kay baad Arab waghera ba’toor musalman (khasusan) aa’ay’ Es tara Arbi tehzeeb kay elava Islami tehzeeb nay bhi apna rang dekhaya. Bar-e-sagheer ki zobanoonb main mukhsus Islami estalahaat dakhal hein. Agar en zoban ka lisani motalia karma ho to en omoor ko nazar main rakhna paray ga. Es na’cheez thereer main kuch Pakistani zobanoon ko paish kiya giya hai.

(URDU)

1-Urdu main Arbi kay hazaroon alfaz apni asal ashakal, asal mafaheem aur daisi mafaheem kay sath mostamal chalay aatay hain. Yahaan misalain paish karma mazmoon ko gher zarori tavalat dainay kay mutradaf ho ga.
2-Arbi alfaz ko asal ashkal kay sath qabool kiya giya hai likin oon kay mafaheem yaksar tabdeel kar diay gay hain. Maslan akhbar, baqaya, hareef, khat, khasam, khalifa, radeef, raqam, roza, raqeeb, sharaab, jaloos, ghareeb, aziz, salvat, fitna, qaiyamat waghera
3-Bohat se Arbi alfaz kay talafaz main tabdeli aa gae hai likin mafaheem kisi haad tak qaem rahay hain. Maslan eqraar se aqraar, aqsam se eqsam, efrat se afrat, elzam se alzam, efada se afada, boraq se baraq, ezafat se azafat, tanazur se tanazar, jizya se jazya, jima se jama
4-Ain ki aawaz omoman bool chal main nahain aati. Maslan maloom malom/malom, ta’alaq se talaq, sama’at se samat, maasoom se masoom waghera. Yah surat zeyada’tar Punjabi alaqa main pae jati hai.
5-Ba’az daisi alfaz main Arbi aawazain dakhal ho gae hain jis kay sabab alfaz Arbi mehsus hotay hain likin oon kay mafaheem Arbi nahain hain. Maslan ahwaal, oqaat, asami, hoor waghera wahad bolay jatay hain
6-Bohat sari Arbi estalahaat Urdu main dakhal ho gae hain. Maslan aayat, ahraam, ajal, eman, amam, ameer, tasbeh, jubba, janaza, jarah, jehaad, hujra, haj, hadees, jannat, hamd, deen, dafn, klafn, rabae, joraab, sajda, shaheed, dozakh, ghusal, qaba, khumas, mukhamas, wazo waghera
7- Arbi talmihaat nay Urdu zoban ko hosn aur sarvat bakhshi hai. Chand eak masalain malahza hoon: Aatash-e-Namrood (Nar-e-Namrood), Ejaz-e-Masiha, hatam, Chah-e-Yusaf, dam-e-Esa, Shajar-e-Mamnoa,Hosan-e-Yusaf, taer-e-Sedra, Lehhan-e-Daodi, Aadam, jalva-e-Toor, Sabar-e-Ayoob, Tofan-e-Noh, Gulistan-e-Khaleel, yad-e-baiza, Yaqoob bani esraeel waghera
9- Bohat sari zarab-ul-imsal Arbi alfaz se tarkeeb pae hain. Maslan
*wali kay ghar shitan
*Zaar ka Rehman batan ka shitan
*Jal to jalal to
*jis ki fikr os ka zikr
*jis ki surat achi nahain os ki surat kiya daikhni
*Jis ki joroo endar os ka moqadar sikandar
*Jo qareeb woh zeyada raqeeb
*hatam ki qabr par laat marna
10-Taqya-e-kalaam main bhi Arbi alfaz mojood rehtay hain. Maslan
Bismilla, Ensha’Allah, Subhanallah, Alhamdolillah, Allah hafaz,
Khair to hai, kher ho, apna khayaal rakheay (take care), toba kar,
toba karain, aafat hai, fitna hai, Allah baili, Allah bakhshay,
Bismilla karain, Allah karay, zaroor, zarori nahjain, kher se, khizar
milay, jis qadar, zara sa/se, barkat hai, eman ki, tajveez bana, bismillah
ka sawaab ponchay, hasha wa kalla waghera,
11-Bayshamar Arbi alfaz ki Urdu tareqa se jamein bana li gae hai. Maslan
Horoon, faqeroon, wakiloon, naqaloon, kitaboon, taqderoon, safoon,
zarortoon, hadoon, haltoon, hujroon, fitnoon, mazhaboon maskinoon waghera
Horain, kitabain, jorabain, haltain, hadain, taqderain, safein, salvatain
Hujray, hadsay, safhay, fitnay waghera
12-Un’gint Urdu mahavray Arbi alfaz se tyarkeeb pa’ay hain. maslan
khabr aana, khabr hona, khat aana, khat bigarna, khayaal bandhna, khayaal karna, haz othana, haq ada karma, haqeqat khulna, khairbad kehna, khair manana, hesaab banana, hesaab daina, hesaab rakhna, salvatain sonana, haram khana, haram moot marna, haram ho jana, dua daina, dua othna, dua karma, dawa othna, haad bandhna, haad se bharna, haad jari karna, dafan karna, damagh chatna, zikar karma, zikar hona, zikar aana, hajamat hona, hajamat banana, zaat se girna, zakhera hona, hijaab aana, hijaab othna, raqam karna, raqam katna, shak karna, shak parna, shak jana, haal aana waghersa
13-Mukhtalif tara kay un’gint marakbaat Urdu main mustamil ho ga hain:
Mal pani, sulah safae, saaf suthra, saaf baat, maal gari, mala maal, zaat
Vanti, sad-e-rah, zaat paat, banda basher, zaat raat, hasal jama, tan badan, jama kharach, maal maro, mola bakhsh, tana mehna,
Allah pak, Quran pak, Hadees pak
Eman choor, subh dam, subh sovairay,char asbaab, char anasar, joot jama, joor jama, baad azaan waghera
Jan-e-alam, azab-e-jan, ayam-e-baharaan, aab-e-hayat, aab-e-rahmat,
aab-e-zamzam, aab-e-kosar, shab-e-zulmat, vazay-e-ehtyat, andaz-e-ataab,
shoor-e-qaiyamat, sadqa-e-jareya, banda-e-khoda, jalwa-e-gul, tahaiya-e-tofan, jazba-e-dil, hangama-e-mehfil
fatah-o-nusrat, fatah-o-shakast, qaza-o-qadar, ez-o-jah, hosn-o-qabeh
deen aur dunyain, arbi aur ajmi, ameer aur ghareeb
pehlay ameer pher ghareeb, pehlay sahib pher malazam, pehlay dwa pher
shefa, pehlay naiat pher namaz, pehlay salam pher parnaam, pehlay wazo
pher namaz, pehlay daam pher kaam
ameer ho kah ghreeb, apna ho kah gher, deen ho kah dunyan, dil ho
kah damagh, angraiz ho kah arbi
filfor, filasar, filvaqay, filasal
dar-ul-aman, banat-ul-nash, daem-ul-habs, noor-ul-eain, qurat-ul-ein,
nar-ul-hataab, rooh-ul-qodas
jan ka sadqa, mal ka sadqa, chandi ka waraq, aafat ka tukra, aafat ka parkala, shah ka mosaheb
raqabat ki aag, shaihad ki churi, shitan ki aant, ji ki aafat, char ki marzi
jan se aziz, khayaal se bahar, gherat se ari, shar se bahar
14-Sabqoon Lahqoon se tarkeeb panay walay kuch alfaz ba’toor namona malahza hoon: ahal-e-deen, ahal-e-dunyan, ahal-e-sedq, ahl-e-Islam, ahal-e-eman, ahal-e-taqva baad’akhlaq, baad’tameez, baad’amal, baad’naiat
bai’khabr, bai’hal’ bai’eman’ bai’basar, bai’taalq, bai’hesaab, bai’dakhal
bai’khoof, ta’haal, taba’maqdoor, taba’hayat, ta’dair, ta’qaiyamat
bila’khoof, bila’tasaraf, bila’shuba, bila’hesaab, bila’jawaz
hum’kalam, hum’sohbat, hum’asar, hum’nafs, hum’waqt
na’haq, na’qadar, (bai’qadar bhi mustamal hai), na’jaez, na’monasab
gher’hazar, gher’zarori, gher’zaat, gher’ensani, gher’shara
Allah’pak, Rasol’pak,
Tajarba’gah, taleem’gah, jalsa’gah, jalwa’gah, janaz’gah, eid’gah
Taseel’dar, taalqa’dar, mal’dar, hasal’dar, haq’dar, hesa’dar
Haram’zada, sahib’zada, ameer’zada
Hosn’khaiz, larza’khaiz, qaiyamat’khaiz
Zarorat’mand, raza’mand, zafar’mand
Karam’nawaz, ghareeb’nawaz, hosn’nawaz
Haraf’aashna
Hesaab’daan
Haya’soz
Hairat’nak, ghazab’nak, khof’nak
Tadbeer’gar, aafat’gar, jalwa’gar
Saf’basta
Ataat’gozar, mal’gozar, khadmat’gozar
15-Bohat se alfaz Urdu kay lisani set up kay motabaq tarqeeb pa’ay hain. Maslan
Mala mal, naseba, biddati, batakh/batkha, badla, ta’at, na’raaz, hind se hinda, hind se hindu, hind se hindastan, bar-e-sagher, hindvi, ahalyan, jurmana, baili, (sahaili se tarkeeb paya hai),Aagha mina, ata+pat (turki aur Urdu).
16-Essi tara masadar bhi takeeb pa’ay hain. Maslan badalna, badlana
17-Mardana aur zanana namoon main bai’shamar Arbi alfaz parnay sonnay ko mil jatay hain. Maslan
Ahmad deen, Fazal deen, Maqsood Ali, Rasheed Ahmad, Salamat Ali,
Noor Mohammad, Barkat Ali, Shahadat Ali, Umar Deen, Amjad Ali,
Mahboob Hussain, Akram Khan, Karam Haidri Raiza Bano, Zikra Abbas, Nusrat Shagufta, Maqsoom Akhtar, Afzaal Baigam,
Maqbool Baigam, Hamida Baigam, Jannat Bibi, Sahib Jan, Ramzana Bibi,
Irha Syed, Umar Khair, Saeeda Pavaiz, Sadia Habeeb, Bushra Naheed,
18-Urdu ki eak ebarat malahza farmaein jis se Urdu par Arbi kay lisani asraat ka ba’khobi andaza ho ja’ay ga:
“Ghareboon kay sath aap ka bartao aisa hota kah oon ko apni gharebi mehsus na hoti. Oon ki madad farmatay aur oon ki dil’joe kartay. Aksar dua
mangtay thay kah Khoda’wand mujhy maskeen zindah rakh, maskeen otha aur maskinoon kay sath hasher kar. Aap mazlomoon ki faryad sontay aur ensaf kay sath haq dalatay.”


(BARAHVI)

1. Bohat se Arbi alfaz apni asal oway hain. Maslan
Awal, hal, aakhar, enkar, lutaf, dashkal aur kisi haad tak asli mafaheem kay sath Barahvi zoban main dakhal heen, mazhab, eqrar, khabar, dunyain, hisaab, wazo, hosn, fikr, marz, ghazab, azab, khas, khalaq, gham, talab, kitab, ilm, jannat, qeyamat, taqdeer, saraf, aqal, shan, qoom, fana, nasara, kul, shiar, sadqa, kafar, ensan, shareat, maloob, maqsood, rasool, maal, shukar, zakat waghera
2- kuch alfaz mafaheem ki tabdeli kay sath es zoban ka hesa ban gay hain. Maslan
ghreeb, qadar, oqaat, nafa, ash, tareqat, hosla, qadr, majlas, kismet, kitab (Qran-e-Majeed) ghazi, hoor, sharaab, hesaab, qaidi, khajal, taqat, ahwal, khat, tofan, sawab, haqeer, sabaq, marz, ensan
3.Tabdili-e-haiat kay sath Arbi alfaz es zoban maio dakhal howay hain. Maslan
hawalak (etla milna, ahwal se), ghamak, sadkha (Sadqa), phakeer, nalat (lanat) sowab, kharobo,
4. Arbi khasusan Islami estalahaat ne Barahvi main apni jagha banae hai.
Maslan deen, mazhab, tabeeb, salam alaek, azab, wazo, hasher, shareek, janaza, nafa, moman, haya, eman, qayamat, mohabat, hob, eshq, adalat, mareez, Toaam, mulk, mahboob, ashq, kafar, sherak, shiar, jannat
5. Sabqay joor kar alfaz bana liay gay hain. Maslan
shar’surat (hoseen), la’jawab, bai’hisaab, bai’hajat, bar’waqt’ neem’mula, ba’safa
6. Daisi tareqa se jamain banae li gae hain. Horain, molkan (milak ki jama), shareataan, lamhaat, raqeban, raqebatan
7. Mukhtalif noeat kay marakbaat parnay ko miltay hain. maslan
khush’khabar, kush’hal
khushhal-e-halat’ ghareeb-e-seyal’ chawah sawab,
khoda-aa-Mustafa, khar-o-khrab, pak-o-sharab, bhang-o-sharab, soob-o-biga, khar-o-khrabo, khas-o-aam,
alam-e-fana, rasam-e-kohan, mahboob-e-jani
kharan laila, Allah pak, Nabi pak, hoasan na ajeeb, dunyan dolat, khabar, kitab’khaan, ghareeb khwaray, ahal ayal
8. Zobanoon main aawazoon ka tabadal aam se baat hai. Maslan
Malakhmoot (malkalmoot)
9. Kuch jumlay awanmi bool chal ka hisa hain jo manvi aur sori hosan mai la’jawab hain. Maslan Na eqrar kisah na enkar kisah Maza zindgi da bandgi aee
Na khushi tah kami nag ham tah hisab ay Ghreeb ay siyal of Char aee yar rasool
10.Shadi baiah kay gitoon, nohoon, marsehoon margh kay bainoon Arbi alfaz se khali nahain hain. Essi tara majlasi zindgi ki bool chal main Arbi alfaz asal, behroop ya moqami sabqoon lahqoon kay sath shamal rehtay hain.

12- Barahvi zarab-ul-emsal bhi Arbi se tahi nahain hain:
Khali aa tofak un ara bandagh khalira
Vail badshah tikan ay ghareeb aa
Barwakht vail ay
Thekri ay sardar ay kases shaik kunah ay oo kul na’ay kul kun ay
13- Bohat sari Arbi talmihaat barahvi shaeri mian estamal hoti hai.
Kush Arbi alfaz jama likin Barahvi main wahad estamal hotay hain. Maslan
Ahwal, oqaat, hoor waghera
15- Zanana-o-mardana naam bhi Arbi alfaz se khli nahain hain. Maslan
Malak dad, Mohammad Fazal, Abdul Hae, Mohammad sadique,
Mohammad Sadiq, Roshan deen, Faiaz Mohammad, Morad Ali,
Faqeer Mohammad, Basir Ahmad, Khoda-e-Rahmat waghera
16- Barahvi lata’ef aur pahailioon main ba’kasrat Arbi alfaz apni asal shakal
aur tabdeel’shuda ashkal kay sath miltay hain.

BALOCHI

1- Bohat se Arbi alfaz apni asal ashkal kay sath Balochi zoban kay zakhira-e-alfaz main dakhal ho gay hain. Maslan
Badal, jism, kharab, khair, hal, sawal, salah, saaf, sabr, qessa, tabiat,
mazaq, kitab, khatar, darja, umar, safr, meharbani, yaqeen, mobarak,
wasta, salamat, khedmat, akas, hisab, tameez, saboon, samaan, faislah,
khayaal, fikr, moaf, khabr, eid, gham, murgh, takleef
2- Bohat se alfaz tabdeli-e-ashkal kay sath Balochi zoban ka hessa ban
gay hain. Maslan
Wakht (waqat), omeet (omeed), nazoor (mazoor), maloom (malomaat,
maaloom) waghera
3- Boht se alfaz sabqoon aur lahqoon kay hawala se Balochi tehreer-o-taqreer main shamal ho gay hain. Maslan
4- pa’yaqeen, (yaqenan), bar’wakht, chy’wakht (kab), kam’wakht, kam’umar, maloom’dar (malomaat hasal karnay wala), pur’omeet, neem’jisma, khezmat’gar, minnat’war (shukarreya), baad’tameez, gham’geen’ bai’adbi
5- Tabdeli-e-mafaheem kay sath bhi bohat saray alfaz balochi zoban main dakhal ho gay hain. Maslam
janeen (orat), badal (tabadal), hal (etla), khabar (baat), khayaal
(hoshyar), samaan (mal-o-asbaab), johalla (nichay), ashar (shutar),
qoom (qabila)
6- Bohat saray marakbaat Arbi alfaz se takeeb patay hain. Maslan
Jan salamti, gat kharaab (gala kharaab), ashar muragh (shutar muragh), zar-e-hawala (draft), kharaab gari, talaaq gaptageen, sar darad (darad-e-sar), kul hesaab, mobarak baat
Eid-e-nook (eid ka chand), warg-e-khatar (rehnay kay liay), muzbaba’kar (bawarchi khanay ki zarorat), wakht aa sar (waqt par), khayaal aa baray (sambhal kar), darad aa takleef (darad ki takleef), jan salamti-e-sanad (heath certificate) saman-e-karaya (saman ka karaya) waghera
7- Omomi bool chal main bhi Arbi alfaz dakhal howay hain. Maslan
Chay wasta (kis liay), hal badaay (bura hal), tae shukarreya, neharbani bakunb, mini samaan, safar pa khair
8- Arbi aurIslami talmihaat Balochi zoban ka hessa ban gae hain maslan muragh-e-suleman

PUSHTO

1- Boht se Arbi alfaz apni assal ashakaal aur asli-o-daisi mafaheem ke sath Pushto zoban kay zakhira-e-alfaz main dakhal ho gay haim. Maslan
emtihan, etraz, entazar, enkaar, barkat, zaat, lazeez, haj, alim, sheikh,
ghulam, qasam, qabil, faqeer,fikar, ghalt, sa’at, mal, gharoor, zikar, mal,
salah, zarb, zamanat, talaaq, ghussa, adi, fata, yaqeen, ellat, adat, halal,
zaman, jaieb, noor, qesmat, tama, harkat, sadqa, nafa, hukam, dunya
qarz, haram, kafan, oqbq, shan, ghazi, gham, sabr, azmat, zulm, lihaz,
qadr, surat, esharah, ghalt, naseat, ghanimat, haq, shar, razi, qazi,
baqi, qaem, bala waghera
2- Bohat se Arbi alfaz tabdili-e-ashkal kay sath Pushto zoban main shamil
ho gay hain. Maslan
wakht (waqt), safa (saaf), wasa (wasila), batay (baat), kalmia (kalmah),
badoo (dadi), sah (sans), dalalay (madah), khabra (hal, khabr), khob
zayaat (ziyada), sahiba (sahib) (dalal), na’raza (naraz), madhay, khezmat,
3- Aksar Arbi alfaz tabdili-e-mafaheem kay sath Pushto zoban ka hessa
bun gay hain. Maslan
khabra (baat), khali (hafta), shoro (budh), qayamat (nayaab), khair
(khalqat), aakheer (aakhar), hajat (zarorat), raseed (ponchna),
saba(kal sub), khairaat, bhaikh) mulk (khait), (assal), khalaq,
4- Arbi lafzoon ki jama bananay kay liay bhi daisi atwar ekhtayar kiay
jatay hain. Maslan
ghazi (ghaziyaan), kitabona (kitabain), kamona (qamain)
5- Lafzoon ki buntar main sabqay lahqay bhi ekhtayar kiay jatay hain. Maslan
bai’wakht, bai’ezati, bar’wakht, maal’dar khoob’surat
6- Marakbaat bhi Pashto zoban main kami nahain. Maslan
sahar mal (subh sowairay),sahat wakhti, khushhala (kush hal), zayaat barkat, zayaat ghareeb, Islami mamlakat, khush khabray, Allah pak, daam da jaal, zahar surat, jaieb ke ghari waghera
6- Bohat sari Arbi talmihaat nay Pushto shaeri ko jala bakhshi hai.
7- Bohat saray zanana-o-mardana naam Arbi alfaz se tarkeeb pa’ay/patay hain.
8- Bohat saray Pushto mohavray Arbi alfaz se tashkeel patay/pa’ay hain. Maslan
Ghairat shata’kol, moqa dna’watal, pa naiat yo hidal, khabra spinol, qasam khoral (khurdan/khana), taba vistal, pa khabra rasidal, ezat warko, gham ghaltol
9- Pashto zarb-ul-emsal main bhi Arbi alfaz ba’kasrat nazar aatay hain.
Maslan
qagha-e-halal dai kho rang ay da mardar day
chay pa tama daso roshi
Chay aqal-e-kam vet al ay pah khona gham de
Harkat kunbay barkat de
Khapal amal dah ray mal
Tool umar kumbay mayo salam vachova
Chay sar hayat ve topae dhairay
Marag na khalasay nishta
Pa khoda’ay meharban notool jahan meharba
Saqa rah bala
Banda da banda shitan dai banda da banda Rehman dai
2- Bohat saray Arbi alfaz apni asal ashkaal kay sath daise mafaheem main
mustamal chalay aatay hain. Maslan
amin, ghareeb, makan, waqeya, ras, sami (assami), rasam, qul, qalam,
fikar (andaisha), misal (tasveer), hoor, qasoor, badal, talab, ekhtalaf,
shara sunat (khatna) waghera

PUNJABI

1- Arbi kay hazaroon alfaz Punjabi zoban main apni asal ashkal,
asal aur daisi mafaheem main warad ho gay hain. Maslan
Hamd, na’at, naymat (naymat se niyamat), rahmat, hukam (hukm),
rab, jin, malaek, zahar, batan, aeb, qudrat, sukar (shukr), malik,
khaliq, surat, qehar (qehr), qalam, kitab,
hesaab, noor, arsh, ommat, rasool, makan, hakam, olaad, Aal
2-Bohat se alfaz maenoon ki tabdeli kay sath warad howay hain. Maslan
Abtar, aafat, khasam, majlas, sharaab, khat, fitna, tofeeq ba’maeni
rasae, ghareeb, Deen’dar dar kay lahqay kay hawalah se no’muslim
kay maenoon main mustamal hai, Asami, ahwal, hoor, baqaya, aafaat,
akhbar, waghera Punjabi main wahad estamal hotay hain
3-Bohat se alfaz Punjabi lehjay aur talafaz kay sath estamal main aatay hain.
Hajar (hazar), ejat (ezzat), khizmat (khidmat), baizzat (bay’ezzat), roja
(Roza), niyamat (naymat), sandokh (sandooq), fasaat (fasaad) bsharma
4-Aawazain kam ki gae hain. Maslan
Sae (Sahi), bsabra (baysabra), bqola (bayqola), bsharam (baysharam)
Aawazoon ka tabadal aam se baat hai. Maslan
Maseet (masjad), lajat (lazzat), qarja (qarza), quzrat (qudrat), aamirat (amirat) waghera
1- Muradaf aur mutbadal alfaz bhi aam estamal main aatay hain. Maslan
Lakh (moqadar), nark/ narak/nakh (dozakh), hath da dita (sadqa)
2- Maeni taqreban wohi rahay hain likin ashkaal main tabdeli aae hai. Maslan
Aakhela (aakhri), aakhirvaan, aakhila waghera
3- Alfaz gharay gay hain. Masla
Qazae, qarzae, fotetgi, qesmati, safan safa, mehnatana waghera
4- Masadar takhleeq howay hain. Maslan
Dadlana,ghusalana, qabzana, qabolan waghera
5- Moanas Punjabi sabhao kay tehat takhleeq kiay gay hain. Maslan
Sabni, ghulamni, fitni, qasaen, aaftan (kaftain bhi mostamal hai), zedan, ansafan, ghaflan, ghafli (donoon, moanas aur mozakar kay liay mostamal hai), qarzan/qarjan, faraiban, zalman, qabolan, qaidan, azaban/ajaban, fasadan, qasoran waghera
6-Jama bananay kay liay bhi Punjabi atwar ekhtayar kiay jatay hain. Maslan
Harfaan, amaan, khasaan, amlaan, salamaan, arzaan, lafzaan, mazoraan, akhbaraan, maghroraan waghera
Hakimoon, akhbaroon, quzratoon/qudratoon waghera
Duaein, arzaein, qazaein, hoorain waghera
Khatawaan, duawaan, atawaan, qararaan
Khateyaan, safaeyaan waghera
7- Bay’shamar Arbi estalahaat Punjabi main raej hain. Maslan
Jalaab (joraab), moja (moza), haram, halal, haj, kabah, wajo/wazo, towaaf, sajdah, kitab (morad Quran), ghusal, qabar (qabr), ebadat, baqreed (baqra Eid), jumah, sadqah, khair kharaet, masjad/maseet, fatwa, fatehah, ghons/ghos, nabi, rasool, qiblah waghera
8- Bohat sari Arbi talmihaat Punjabi main raej chali aati hain. Maslan
Mah kanani, aadam, Hawa, koh toor, Yusaf, Mosa, Esa, Zakreya, Yahiya, Suleman, khizar,
yad-e-baiza
Faraon, namrood waghera
Aadam kankoon mana karaya
Esa bin baap jamya
Esmaeel noon ziba karaeyo
Sabar day tun kiray chalaeyo
Yusaf kho poaeyo
9- Punjabi asloob kay hawalah se Arbi ka estamal milta hai. Maslan
Akhbaroon (akhbar se), taqseroon (taqseer se), gheboon (ghaeb se),
azaboon (azab se), hazoroon (janab, aap, hazoor waghera se)
10- Sabqoon aur lahqoon ki madad se alfaz bananay ka Punjabi zoban
main aam ravaj hai. Maslan
Ahal walaet (Ahal-e-walaet), zoma’war, qadar’shanas, gher’shara,
bay’hesaba, Bay’qadra, bay’shukra (na’shukra bhi mostamal hai),
bay’surta, bay’mehnat, bay’mehnata, bsurta, bay’olada, pur’taqseer,
zarorat’wan, zarorat’wand, gharaz’wand, fitnadoz, ghareeb’nawaz,
deen’dar,
11-Khoob’surat marakbaat Punjabi main pharnay sonnay ko miltay hain.
Maslan
Peer faqeer, abd khodae, saaf safae, saaf suthra, eshq kamal, wehum khayaal, wehum goman, sabaq namaj, zeda zedi, Allah bhaway, makan munawar, khoof raqeeb, zohad kitab, sawal jawab, shara shareat, oot Mohammad, haj namaj, hosan bazaar, ajiz maskeen, khair khareat, akhbar hakaet, hal haqeqat, hal ahwal, hal chaal, fikar andaishah, hob mohabat, sadqay sajday, wah wa khaliq/khaliqa/rabba, peer moreed, naqad-o-naqdi, pakka yaqeen, sohni surat, taiz taba, saaf zoban, pak hukam
kae haji, hika surat, her surat, asal haqeqat, aakhar noon
dunyan da etbar, rahmat da mehn, ilm da fazal, Aadan da rukh, qudrat da waali, khedmat da ant, qudrat de shiri
kujh khasi kujh aami,
khar na kae, sulah na mun
surat tay khseat, moqadam tay patwari, peer tay moreed
mehnat vich dhehan, rahmat vich saman, haraf vich sofaidi
12-Zarab-ul-emsal main Arbi alfaz ka estamal bara aam hai. Maslan
Taqdeer day agay tadbeer ve naein chalde
Moot noon dhoya zahmat qabool kiti
Nalay haj nalay vanj
Jae rooh tahay fareshtay
Nani khasam kita dotray noon chati
Miaan bivi razi ki karay ga qazi
Tandrusti hazar niyama (niamat) hai
Qarz qayamat bukh niyamat
13- Bay’shamar Arbi alfaz kay sath Punjabi masadar jur kar mohavray
tarkeeb pa’ay hain. Maslan
Allah bhawan/bhavna, saday jana/jan, razi rehna, kaam hon/hona,
Ghulam hon, surat vaikhan/vaikhna, lutaf karan/karma, surat likhan/
likhna, esharat hon/karan, aakhair vakhan, qovat lavan/lavna,
bismillah karna/karan, qabool karan/karma, qaseday pharan/phana,
himat karan/karma, matbal niklan/nikalna (matlab nikalna)
14-Arbi alfaz takya-e-kalam main bhi nazar aatay hain. Maslan
Bismillah ji, Shukar Alhamdollah, masha Allah, subhanalla, in sha
Allah, Allah Karim, Allah ta’ala, Allah tobah, tiara koe deen eman
ve ay, apnay eman nal kavein, Allah rakhay, Allah bakhshay, Allah
Bhanay, Bismillah da sawab bakhshan, rooh noon pandh na poway,
Allah jhoot na balay, Allah da dita sub kujh ay, Allad da mal ay,
Shukranay day nafal waghera
15-Es ebarat ko malahza karain Arbi alfaz kay estamal ka az’khud andaza
ho ja’ay ga:
“Ustad horan de gal son kay os noon aj hadoon vad ehsas hoya pae Rab
day hukam ottay amal karkay ek qoom aazadi de naymat hasal kar
sakde ay tay saday ghar day halaat qaivain naein badal sakday. Os
noon pakka yaqeen se pae Rab da paigham.”
15-Bohat saray zanana aur mardan naam Arbi alfaz se motalaq hotay hain:
Ahma (Ahmad Deen), Shida (Abdul Rashid), Gaman (Ghulam Mohammad), fata (fatay Mohammad/Ali), phaja (Fazal Deen), Nora (Noor Mohammad
/Deen), Dulla (Abdullah), Soda (Sa’ood/Masood/Maqsood), phira (Faqeer Mohammad/Ali/Hussain), faqeriya (Faqeer Masih/Mohammad), Kamma (Karam Ali), phama (Ghulam Fatima), Noraan (Noor baigam), Rajjo (Raj Fatima/Bibi), Razia baigam, Shidaan (Rasheed Baigam), Hanifaan (hanif Bibi), Shajo (Shanaz Fatima), Jantay (Jannat Bibi),
Karamtay (Karamat bibi), safo (Safora), Najo (Najiya), Shammo Shams Bibi) waghera

SARAKI

1- Sainkaroon Arbi alfaz apni asal ashklal kay sath asal aur daisi mafaheem main Saraeki zoban main dakhal ho gay hain. Maslan
Eslah, enkar, dua, sehat, saman, gham, azaab, sohbat, jahanam, taqdeer, zulm, haram, halal, zalim, mazloom, moot, naqsh, hal, haq, deen, eman, motmin, khabar, mosebat, sabar, talaq, mal, khair waghera
2- Tabdil-e-ashkaal kay sath Arbi alfaz Saraeki zoban ka hesa ho gay hain:
Hawal (ahwal), khezmat (khadmat), wakht (waqt), badkh (bat se tarkeeb paya hai), jamat (jama’at) waghera
3- Jama bananay kay liay bhi daise atwar ekhtayar kiay jatay hain:
amlaan, rasolaan, kitabaan, hisabaan, qabraan, lafzaan, ostadaan,
salataan, manzalaan, naitaan, kafraan, faqeraan, safaeyaan, ostadiaan,
shitaniyaan safay waghera
4-Zobanain alfaz gharnay ki bhi shoqeen hoti hain. Saraeki main bhi yah
chalan mojood hai. Maslan
Salama laiki, alaki (salam ka jawab),mastori, fitni, qabool se qabola, ghula,
safaya, ashitani, sharbat, kariman, rahiman, etbari, makri waghera
6- Sabqoon aur lahqoon se bhi Saraki alfaz tarkeeb patay rehtay hain. Maslan
Fikar’wand, fikar’zan, gher’mulkh, paraya mulkh, kharab lok, nakanama ghalt aadmi, had’haram, faqeer ovas waghera
7- Mukhtalif qesam kay marakbaat bhi pharnay sonnay ko miltay hain. Maslan
Had’haram, moot hayati, moot bhali, sikde taseer, kavash qabilay, hal hawal, fikar faraq, Allah baili (baili sahaili ka mutradaf hai/bigri hoe shakal hai), Yosaf sani, mushkal nal, faqar walaet, zulam machan, arab sharif, sahi salam, aqal day divay, eid da chan, lanat da tika, lanat de pand, gham de hasi, Allah Allah, manzar manzar, Allah baili, haiyati aala, okha marhala, Aih aadmi, aih manzar, bahoon zalam, rolis khali, sakay aadmi, her naqsh, soom salaat, aas ommeed, Essa de jowar, ghama de mari, til til de khabar, zamanay da khaliq, rasmaan day khalaf, roh koon hijar, polaan vich ghareeb, sabar tay shukar waghera
8- Ba’az misray baray khoob’saurat hain. Maslan
Her surat vich toon
Esq Fareed kae ghar galay
Onde surat mun vich vasdi
Haj hai oon mukhray da vakhan
9- Saraki kahavatoon main bhi Arbi alfaz mujood hain. Maslan
Roti khavay shaker nal paisa bachavay maker nal
10- Saraeki jumloon main Arbi alfaz mojood hotay hain. Maslan
Rab day khail niyaray hun
Eshq anokhri pir
Allah taein koon vadavay
Khoda kein aas mand koon khali naein torainda
Allah saein aap barkat pisi
Allah tein koon taray
Lafzaan ki mar daivan (mohavra bhi hai)
11- Moanns Arbi alfaz se pa gae hain. Maslan
Qabool se qabolan, maker se makran, fitna se fitni, Rahim sr Rahiman, Karim se Kareman, ostadni, kafarni, kafran bhi boltay hain
12- Kuch jamein wahad estamal hoti hain. Maslan
Aafat, talaqaan, sami (asami), hawal (ahwal), hoor, qasoor, oqaat waghera
13- Sakroon mohavray Arbi alfaz se tarkeeb pa’ay hain. Maslan
Aakar pon, aakar tapawan, aameen karan, ostad pakran, Allah rasi karan, Allah Allah karan, oqaat tay aawan, salse karan, roh kharab thiwan, shar chavan, shala ta’ala karan, shitan aawan, talaq daiwan, lanat pichoon lagan, waqt tay pakran, khair hoon waghera
14- Bohat sari Arbi tamihaat Saraeki zoban kay zakhera-e-alfaz main dakhal ho gae hain. Maslan
Adam, Hawa, khizar, Mosa, Esa, Yousaf, Toor, Namrood, Hatam, Faraoon, yazeed waghera
15- Ashkhas kay namoon main Arbi alfaz shamal ho gay hain. Maslan
Mashooq Ali, Mahboob Hussain, Charagh Din, Khair Deen, Ahmad Deen, Rasheed Ahmad, Amjad Ali, Saeed abid, Shakar Ali, Karamat Bibi, Shela Rasool, Bushra khanam, Nasra Parveen, Sahib Jan, Raiza Bano, Zakya, Aesha habeeb, Shahida khatoon, fazal bibi, Umar Khair amra, Karim Fatima, Karam bibi waghera
16- Baishamar Arbi/Islami estalahaat Saraeki zoban ka hessa ho gae hain. Maslan
Qabar, kafan, dafan, zokat, haj, kabah, towaf, qiblah, rasool, nabi, masjid, wazo, Qoran, eman, deen, Islam, jarab, to’am, hulya, halwa, nak naqshah, naqsh, taveez waghera
17- Bohar se Islami estalahaat takya-e-qalaam ban gae hain. Maslan
Bismillah karan, En sha Allah, Mashalla, Alhumdollah, Subhanllah,Allahoakbar waghera
18- Shaed hi koe aisi ebarat ya shair ho ga jis main Arbi alfaz mojood na ho. Chand Ashar ba’toor namona malahza hoon:
Akh day manzar mok vainday hun chakar o rag rag nay lehnday hun (Mumtaz Dar)
Naizay tay teer tofanag qehri naz nazar day
(Khaja Ghulam Fareed)
Noor khandavaan rataan andar akhaan koon mei vat vat balaan (Saleem Ahsan)
Sat sik gher’khoda de sab shay wehum khayaal
(Khaja Ghulam Fareed)

SINDHI

1- Un’gint Arbi alfaz Sindhi zoban-o-adab main kisi qesam ki ashkali
aur manivi tabdili kay bagher dakhal ho gay hain. Maslan
Eman, barkat, shukar, rooh, mal, naseeb, niat, qazi, qaem, shahid,
malik, ahmaq, ashaq, dolat, zaat, salamat, ozar, milk, nishani, tama,
hiras, khaab, mobarik, halal, haram, eid, elat, adat, zaroor, mulk, bala,
faeda, khalaq, tabaq, moot waghera
2-Bohat se alfaz tabdili-e-ashkal kay sath sindhi adab aur awami bool
chaal main dakhal ho gay hain. Maslan
Saas (sans), khatmar (naqas), zaman (zamanat), mulo (mulan), kasae (sawad ki bajay seen kay sath), mamli (moamlah), faedo (faeda), kam (kaam), eidan (eid) waghera
3-Aksar Arbi alfaz tabdili-e-mafaheem kay sath dakhal howay hain. Maslan
Sahib (Khoda) (taqdeer- Punjabi main bhi en mafaheem kay sath mostamal hai), , karam, faqeer, qayaam (qiyamat), lanat (mosebat, dukh, parishani), ghareeb, saraf (khreed’dar) waghera
4- Sabqoon lahqoon ki madad se bhi alfaz tarkeeb pa’ay hain. Maslan
Kamzoor
5- Arbi lafzoon ki jamain daisi tareqa se bana li jati hain. Maslan
Hooroon, eidoon
6- Arbi alfaz ki aamaizesh se khoob’surat morakabaat bana liay jatay hain. Maslan
Aqal-e-oman, elat wahe, adat na wahe, edan mobarak, kuto ba halal, zaat parkan, Ozar ghta, maza moqan, mazhar-e-sidaq-o-safa, omeed-o-yaas-o-hasrat, reshta-e-ulfat, qatra-e-shabnaum waghera
7- Bohat sari Arbi tamihaat sindhi shaeri ka hessa ban gae hain.
8-Bohat sari Arbi Islami estalahaat Sindhi shiar-o-adab main bila’takalaf
estamal main aati rehti hain. Maslan
anana-o-mardana namoon main Arbi alfaz warad ho gay hain

GOJRI

1- Sakroon Arbi alfaz apni asal ashkal, Arbi aur daisi mafaheem kay sath Gojri zoban main dakhal ho gay hain. Maslan
ezzat, sehat, gham, qoom, maqsad, naimat, rahmat, naseeb, dua, dunyan,
molak, enaam, qesmat, aqal, amal, faiz, manzal, haq, fitrat, qudrat,
mukhlooq, rooh, basarat, baserat, shak, shaker, shukar waghera
2- Tabdel-e-ashkal kay sath bhi bohat saray alfaz Gojri zoban main dakhal howay hain. Maslan
misro(misra), huleo(hulya),
tareqo (tareqa), heso(hessa),
qesso(qessa), nafo(nafa),
Talimo(taleem), nuskho(nuskha),
janazo(janazah), qatro(qatrah), tarya(tara), naro(nara)
3- Arbi estalahat Gojri zoban ka hessa bani hain. Maslan
Eman, deen, mazhab, qabr, halal, haram, munsaf, adel, shitan, marz, mareez, qemat, rahmat, haqooq, haya, talaq, jahil, qeyamat, zulm, zalim, mazloom, asool, miras, moaljah, eshq, ashaq, mashooq, gham, yaqeen, millat, qoom, alim wagherah
4- Arbi alfaz se baray khoob’surat Gojri marakbaat tarkeeb pa’ay hain. Maslan
Rahmat ko paikar, qudrat ko lashkaro, eshq ko darya, ashaq ko dil, ezzat ko thaan, Allah ko Farman, khalqat ko gham, zulm ko hath lamairo, ensaf ko hami, ilm ko sekhno, haq ka rah, dunyan ka halat, Sacho Eab, alim fazil, suthro entazam, haq haqooq, maqadmo’bazi, farman opar, bachyan ki
Tarbiat, Khoda ki rahmat, Khoda ki qudrat, khabaan ki taveel, Ezzat
tay iqbal, deen tay eman, maqsad tay maqsood
Dastoor parano, qeyamat jano, ensan banoyo, samaan banayo,
mal banayo, eshq nachaway,
Kitab parhno, waqat gamao, rezq kamano, mahool bachano,
zikar karno, toor tareqo, changi Tarya, sehat jawani, zulm kharabo,
chango alim, teen talaq, manzal khoto, thoro ezzat, Changi halat,
yo qool
gher kay nal, khair kay nal, waqat kay nal
5- Bohat se alfaz gher’arbi mafaheem kay sath estamal main aatay rehtay hain. Maslan
Qesma (maqsad), khair (bhaik), ghareeb (muflis, bai’zar, kangal), sharab(wine), majlis, jalos, qasoor (khata), oqaat, hikmat, shareek(shareqo) waghera
6- Arbi alfaz ki daisi tareqa se jamain bananay ka aam rovaj hai. Maslan
Khabaan, shitanaan, haltaan, qomaan, ensanaan, afataan, khamaan, amaan waghera
7- Wahad ko jama aur jama ko wahad estamal ka toor bhi milta hai. Maslan
Oqat, ahwal, asami, hoor, kasoor waghera
8- Sabqoon lahqoon ki madad se bhi Gojri alfaz tarqeeb patay hain. Maslam
Bai’tehqeeq, bai’noor, maqadmay bazi, ezzat’dar, zimi’dar, hesso’dar, la’chaar waghera
9- Sefti sabqay lahqay bhi ba’kasrat estamal main aatay hain. Maslan
Chango alim,change tarhya, change halat, chango mesro, suthro entazam, khoob yaqeen, yo’qool, yo’tareqo, kul makhlooq, halal kamae, akhela Rab, pak nabi, choto bhai, bohat nafo, farshaan opar, thori mehnat, pak rasool, jalvo nairo, sacho khaliq waghera
10- Arbi talmihaat bhi Gojri shaeri ka hessa ban gae hain. Maslan
Aadam, Hawa, Musa, Esa, Khizar, Maraj Shareef, shabraat, Soor Esrafeel, jabreel, shitan, arsh, Sardar lolak waghera
11- Bohat se Islami kalmay takya-e-kalam ban gay hain. Maslan
Ji bismillah, bismillah karo, Alhamdolillah, Allah hafiz, Mashallah, Enshallah waghera
12- Dr. Sabir Aafaqi ki nazam “khud Etmadi” ka eak band malahza farmaein es se Arbi
lafzoon kay estamal ka andaza ho ja’ay ga:
Allah tairo nasir bandya o malik tay Qader bandya
Rehiay daem shaker bandya shak na kariay Sabir bandya
Jay toon os naan yaad kareay ko
Rab sachay amdad kareay ko
13- Shadi khushi kay gitoon aur marag kay bain aur nohoon masin Arbi alfaz ka bila’takallaf Estamal hota rehta hai.

MIWATI

1- Miwati main bohat se Arbi alfaz apni assal ashkal, daisi estamal
aur ba’daisi mafaheem main mostamal hain. Maslan
mulak, aseel, maal, eid, mahal, sakhi waghera
2- Tabdeli-e-ashkal kay sath un’gint Arbi alfaz miwati main dakhil ho gay hain. Maslan
Munjal(manzal), Koom (qoom), khaphan (kafan), jakhman (zakhm), kismet(qesmat), majboran(majbori se), tablig (taligh), jalso(jalsah), kheso(qessa), ojaro(ojalah), okhat(oqat), halwo(halwa) waghera
3- Mivati main Arbi alfaz jur kar marakbaat tashkeel patay rehtasy hain. Maslan
Baqar’eid, baqreed donoon tara se mostamal hai. Kismet ko maro,
dunyan ko mal, yah asloob Gojri ka bhi hai. Sakhi marad ko sath,
Gojri main bhi essi toor se boltay hain. Sangat aseel, khair-o-sar (shar)
4- Mivati main aawazoon kay tabadal ki kae suratain hain aur yahhi ravaeya Arbi kay sath hai. Maslan
a. hy maqsura ki tabadal aawaz wao hai. Maslan jalso (jalsah), khiso(qessah), arso(arsah)
b. Punjab kay mivatioon ki thisri aur chothi nasal “alaf” ki aawaz ko bhi wao main tabdeel kar daiti/rahi hai. Maslan ando(anda)
c. Pari mivati main hay maqsura kay liay alaf ya alaf ki se aawaz nikaltay hain. Maslan jalsa/jalso, sadma’sadmo,waghera
d. Zaal ki aawaz ka mivati jeem tabadal hai. Maslan Jomo(zima), jikar(zikar), jael(zaiel) wagherah
e. Soad ki aawaz kay liay seen mostamal hai. Maslan
sab/saeb saeb (Sahib)
Khaso/khasa/kha’asa (khsah)
Khalas/khalis
Sadko/sadka
Sadmo/sadma (sadmah)
f- Zawaad kay liay jeen ki aawaz bool chal main aati hai. Maslan jaep/jaeph, oojo (wazo), jabta/jabita/japto/jaebta(zabta), japt/japti/jabat/jabti (zabt/zabti),
jaeya/jaya jamun/ja’amun
g- Zaal ki aawaz jeem main tabdeel ho jati hai. Maslan
jakaat/ja’akaat (zakat), japran/ja’aphran(zafran)
h- Sheen ki aawaz ki mutbadal aawaz seen hai. Maslan
basher se baser, shahi se sahi,
Shrab se sarab/sa’araab, sharbat se sarbat, shubah se suba/subo sareko/sareka/sarika/sariko
i- Qaaf ki aawaz ko kaaf main tabdeel kar daitay hain. Maslan
shooq se sook wagherah
j- Khy ki aawaz kaaf main tabdeel ho jati hai. Maslan khalipha/khalipho/khaelipha/kha’alipho (khalifa) wagherah
k- Fay ki aawaz phay main badal daitay hain. Maslan
aphraat/aphar’at/aphraat, phitno/phitna(fitnah), pharman
(farmaan), phursat(fursat), pharaj(faraz)
l- Ghasi ki aawaz gaaf main tabdeel kar daitay haion.
m- Qaaf ki aawaz ka tabadal khay bhi hai. Maslan khissop, khasbo(qesba), tuphan(tufan)
n- To’ay ki mutbadal aawaz tay hai. Maslan tuphan(tufan), tarj (tarz)
o- Mivati mohavroon main Arbi alfaz ka estamal hota rehta hai. Maslan khapun (kafun) pharan, daphan karan, pharaib dain, tuphan avan, kismet ajman,kismat jagan, phitno jagan, taliph pharman, honslo totan, sakal bigran
p- Bohat se Arbi tamihaat mivati shaeri main raej ho gae hain
q- Arbi estalahaat ki mivati main kami nahain.
r- Mardana aur zanana namoon main Arbi alfaz dakhal ho gay hain.
Maslan
Mohammad Sariph, baser Ahmadf, Sadek khan, Deen bibi,
jannat Bibi, Noor Boibi
s- Bar-e-Sagheer ki dusri zobanoon ki tara mivati main “noon” ka hashvi
estama aam se baat hai. Maslan
honslo wagherah

_________________
iushah
Tue Apr 08, 2008 11:57 pm View user's profile Send private message
Display posts from previous:    
Reply to topic    Forum Pakistan - Pakistani Forums Home » Urdu Adab All times are GMT + 5 Hours
Page 1 of 1

 
Gupshup Forum: Urdu ForumIslam ForumPakistan Army ForumAap Ka SheharNaukaryPakistani Visa
Desi Sports and News: Live CricketSports ForumAkhbar OnlinePakistan EventsWorld News Discussion
Entertainment Media: PTV ForumGEO ForumLollywood ForumBollywood OnlineHollywood ForumDesi Radio
Desi Masala Forums: Gupshup Chit ChatComputer GamesMusic ForumDrama ForumsGhazal ForumDesi FashionDesi Food
Official Forums (Government Department): Dak Khana ChatPolice ForumWapda OnlinePTCL ForumUfone ForumRailway ForumSehat Chit ChatTaleem OnlineTax Forum PKZameen ForumAdalat Forum


Pure Pakistani forum to express your views, thoughts with complete freedom. Archives 1 2
Copyright © ForumPakistan.com 2013 All rights reserved.

Contact Us | Advertise | Report Abuse | FP Team | Disclaimer